Qaraqalpaqstan Respublikası Transport ministrligi imaratında Jınayat isleri boyınsha Bozataw rayonı sudınıń tergew sudyası Qayrat Qıpshaqbaev basshılıǵında ashıq kóshpeli sud májilisi ótkerildi. Onda avtotransportlardıń arnawlı licenziyasız xalıqqa pullı xızmet kórsetiw, ózine bekitilgen jol kartasındaǵı arnawlı joldan júrmesten, basqa joldan júriw hámde arnawlı taksi tanımalı belgisi bolmastan xalıqqa xızmet kórsetiwi haqqındaǵı huqıqbuzarlıqlar boyınsha toplanǵan hákimshilik isleri kórip shıǵıldı. Ózbekstan Respublikası Hákimshilik juwapkershilik haqqındaǵı Kodekstiń 271-statyası 11-bántine tiykar 30 kúnlik múddette jol qoyılǵan nızam buzıwshılıqtı ıqtıyarıy ráwishte saplastırǵan huqıqbuzarlardıń qarsısındaǵı hákimshilik isler óndiristen qısqartıldı hám saplastırmaǵan huqıqbuzarlarǵa járiyma jazası tayınlandı.

Sayt |Telegram |Facebook

Nókis rayonındaǵı 21-sanlı ulıwma orta bilim beriw mektebinde Jınayat isleri boyınsha Nókis rayonı sudınıń tergew sudyası G.Utepbergenovanıń qatnasıwında «Sud hám jaslar» ushırasıwı ótkerildi

Sayt |Telegram |Facebook

SUD HÁM JASLAR USHÍRASÍWÍ

Puqaralıq isleri boyınsha Shımbay rayonlararalıq sudınıń baslıǵı B.Davletmuratov rayondaǵı 7-sanlı mekteptiń oqıwshıları menen ushırastı. Onda sud baslıǵı tárepinen elimizdegi sud sisteması, sudlarda islerdi kóriw tártibi boyınsha keń túrde túsinikler berip ótildi. Bunnan soń, sudlar iskerligine engizilip atırǵan málimleme-kommunikaciya texnologiyaları hám olardıń abzallıqları jóninde oqıwshılarǵa maǵlıwmat berildi.

Atap aytqanda, sud hákimiyatınıń ǵárezsizligin kúsheytiw hám onıń jumısında áshkaralıqtı támiyinlew arqalı ádil sudlawǵa erisiw dárejesin asırıw, konstituciya hám nızamlardıń ústinligin, sonday-aq, insan huqıq hám erkinlikleriniń isenimli qorǵalıwın támiyinlewdi sud huqıq reformalarınıń bas kriteriyasına aylandırıw boyınsha alıp barılıp atırǵan jumıslar haqqında da aytıp ótti. Sonıń menen birge, Ózbekstan Respublikası Joqarǵı sudı Plenumınıń 2024-jıl 16 dekabr kúngi «Puqaralıq isleri boyınsha sud qarejetlerin óndiriw ámeliyatı haqqında»ǵı Qararınıń mazmunı túsindirildi.

Ushırasıwda oqıwshılar ózleriniń qızıqtirǵan sorawlarına sudyadan tolıq hám tiykarlı juwaplar aldı.

Sayt |Telegram |Facebook

Ma'muriy jazoni qo‘llash, eng engil jazoni qo‘llash asoslari: muhim 6 savolga javob

1. Ma'muriy javobgarlikni engillashtiruvchi holatlar qaysilar?

2. Ma'muriy javobgarlikni og'irlashtiruvchi holatlar nimalardan iborat?

3. Engilroq ma'muriy jazo chorasini qo‘llash uchun qanday asoslar zarur?

4. Bir necha huquqbuzarlikni sodir etganda javobgarlik masalasi qanday hal etiladi?

5. Ma'muriy jazo qo‘llanish muddatlari

6. Etkazilgan zararni qoplash qanday hal etiladi?

Sayt |Telegram |Facebook

Ministrler Kabinetiniń tiyisli qararı menen tastıyıqlanǵan jaslardıń huqıqıy sawatlılıǵın asırıw, olardı nızamǵa húrmet hám huqıqbuzarlıqlarǵa qatań qarsı gúresiw ruwxında tárbiyalaw boyınsha ilájlar Baǵdarlamasına muwapıq Qaraqalpaqstan Respublikasındaǵı sudlardıń sudyaları tárepinen orınlardaǵı ulıwma bilim beriw mekteplerinde ámeliy sabaqlar ótkerilmekte.

Shımbay rayonlar aralıq ekonomikalıq sudınıń baslıǵı B.Bekmuratov hám usı sudtıń sudyası Z.Xasanovalar Kegeyli rayonındaǵı 6-sanlı hám Bozataw rayonındaǵı 1-sanlı ulıwma bilim beriw mekteplerinde bolıp, oqıwshılarǵa ashıq sabaq ótti. Tiykarınan huqıqıy baǵdardaǵı ámeliy shınıǵıwlar barısında sudyalar tárepinen Bas nızamımız Konstituciyada belgilengen puqaralardıń jeke huqıq hám erkinlikleri, hákimshilik huqıqbuzarlıq hám onıń juwapkershiligi jóninde bayanatlar oqıldı.

Jańalanǵan Konstituciyada jaslarǵa baylanıslı bir qatar normalar óz sáwleleniwin tapqanı, ásirese bir baptıń tolıq shańaraq, balalar hám jaslar máselesine baǵıshlanǵanı elimizde jaslardıń huqıqların qorǵawǵa qaratılıp atırǵan ititbardıń ámeldegi kórinisi ekenligi atap ótildi. Tájriybeli sudyalar tárepinen ótilgen ámeliy oqıw-shınıǵıwları jaslardıń Konstituciya hám milliy nızamshılıq penen baylanıslı bilimlerin bayıtıwǵa xızmet etti.

Sayt |Telegram |Facebook

Joriy yilning 10 oyi davomida Jinoyat kodeksining 139-moddasi (tuhmat) bilan 121 nafar shaxssudlanib,ularning 11 nafariga jarima, 14 nafariga axloq tuzatish ishlari hamda 92 nafariga ozodlikni cheklash jazosi tayinlandi. 4 nafar shaxs shartli hukm qilindi.

Sayt |Telegram |Facebook

KEWIL BILDIRIW
Qaraqalpaqstan Respublikası sudı hám Qaraqalpaqstan Respublikası hákimshilik sudı jámááti Qaraqalpaqstan Respublikası sudınıń sudyası Dáwletbay Razovqa ákesi Jeńisbay Razovtıń mezgilsiz qaytıs bolıwı múnásibeti menen onıń shańaraq aǵzalarına tereń qayǵırıw menen kewil bildiredi.

Sayt |Telegram |Facebook

Sociallıq tarmaqlarda Xojeli rayonında toy seylinde drift islegen puqaralardıń videosı keń tarqalıp, waqıya qatnasıwshılarınıń qarsısına Ózbekstan Respublikası Hákimshilik juwapkershilik haqqındaǵı kodeksiniń 183-statyası menen toplanǵan hákimshilik is materialları Jınayat isleri boyınsha Xojeli rayonı sudında ashıq sud májilisinde kórip shıǵılıp, tiyisli tártipte shara kórildi

Sayt |Telegram |Facebook

Fuqarolik ishlari bo‘yicha sud xarajatlari: muhim 6 savolga javob
1. Sud xarajatlari, davo’ning bahosi qanday aniqlanadi?

1. Kimlar davlat bojidan ozod qilinadi?

2. Da'voning bahosi qanday belgilanadi?

3. Sud xarajatlarini to‘lashni kechiktirish, bo‘lib-bo‘lib to‘lash va ularning miqdorlarini kamaytirish mumkinmi?

4. Yo‘qotilgan vaqt uchun haq undirish nima?

5. Sud xarajatlari taraflar o‘rtasida qanday taqsimlanadi?

Sayt |Telegram |Facebook

HESHKIM SUDTIŃ SHESHIMISIZ TURAQ JAYDAN AYÍRÍLMAYDÍ

Jańa Ózbekstan modernizaciyalasqan ekonomikaǵa tayanadı. Mámleketimizde bunday ekonomikanı qáliplestiriw ushın ondaǵı mámleket úlesin kemeyttiriw, jeke múlk huqıqların qorǵaw hám onıń rolin kúsheyttiriwge qaratılǵan institucional reformalar dawam etpekte.

Jeke múlk qol qatılmaslılıǵı hám onı hár qanday qastıyanlıqlardan qorǵaw ekonomikalıq siyasattıń tiykarǵı wazıypalarınan biri bolıp esaplanadı.

Ózbekstan Respublikası Konstituciyasınıń 47-statyasına kóre, hár kim turaq jaylı bolıw huqıkına iye. Hesh kim sudtıń sheshimisiz hám nızamǵa qayshı túrde turaq jayınan ayırılıwı múmkin emes. Turaq jayınan ayırılǵan menshik iyesine turaq jaydıń qunı hám de ol kórgen zıyanlardıń ornı nızamda názerde tutılǵan jaǵdaylarda hám tártipte aldın ala, teń muǵdarda qaplap beriliwi támiyinlenedi. Mámleket turaq jay qurılısın xoshametleydi hám turaq jayǵa bolǵan huqıqtıń ámelge asırılıwı ushın sharayatlar jaratadı. Xalıqtıń sociallıq jaqtan mútáj qatlamların turaq jay menen támiyinlew tártibi nızam menen belgilenedi.

Ózbekstan Respublikası Úy-jay kodeksiniń 11-statyasına kóre, turaq jayǵa bolǵan múlk huqıqı múddetsiz bolıp, puqaralar hám yuridikalıq shaxslardıń, mámlekettiń huqıqların hámde nızam menen qorǵalatuǵın máplerin buzbaǵan halda shaxstıń ózine tiyisli turaq jayǵa óz qálewi hám máplerine kóre iyelik etiw, onnan paydalanıw hám oǵan biylik etiw, sonday-aq óziniń múlk huqıqı buzılıwın saplastırıwdı talap etiw huqıqınan ibarat.

Turaq jay menen baylanıslı dawlardı durıs hám ádalatlı sheshiw, kelip shıǵıp atırǵan mashqalalardı saplastırıw maqsetinde Ózbekstan Respublikası Joqarǵı sudı Plenumınıń 2001 jıl 14 sentyabrdegi «Turaq jay dawları boyınsha sud tájiriybesi haqkında» 22-sanlı qararı qabıl etilgen.

Usı Plenum qararınıń kórsetpelerine kóre, jer uchastkaları mámleket yaki jámiyet mútájlikleri ushın alıp qoyılıwı múnásebeti menen puqaralar múlkinde bolǵan turaq jaylar (kvartiralar) buzılǵan jaǵdayda, múlkdarlarǵa olardıń tańlawı boyınsha hám tárepler kelisimine kóre, turaq jay maydanınıń sociallıq normasınan kem bolmaǵan kólemdegi, barlıq qolaylıqları bolǵan, aldınǵısına teń qunlı basqa turaq jay múlk qılıp beriledi hámde kóp jıllıq tereklerniń bazar bahası tólenedi yamasa buzılıp atırǵan turaq jay (kvartira), basqa imaratlar, qurılıslar hám kóp jıllıq tereklerdiń bazar bahası, sonday-aq jer uchastkasına bolǵan huqıqtıń bazar bahası tolıq kólemde tólenedi. Buzılıp atırǵan turaq jaydıń (kvartiranıń) yaki jer uchastkasına bolǵan huqıqtıń bazar bahası berilip atırǵan turaq-jaydıń yaki jer uchastkasına bolǵan huqıqtıń bazar bahasınan artıq bolǵan jaǵdayda, bul parıq múlkdarǵa tóleniwi lazım, berilip atırǵan turaq-jaydıń yaki jer uchastkasına bolǵan huqıqtıń bazar bahası buzılıp atırǵan turaq jaydıń (kvartiranıń) yaki jer uchastkasına bolǵan huqıqtıń bazar bahasınan artıq bolǵan jaǵdayda bolsa, bul parıq múlkdar tárepinen qaytarılıwı talap etilmeydi.

Mámleketlik úy-jay fondına tiyisli turaq jay mámleket yaki jámiyetlik mútájlikleri ushın jer uchastkası ajıratılıwı múnásebeti menen buzılǵan jaǵdayda, bul turaq-jaylardan kóshirilip atırǵan puqaralarǵa úy-jay nızamshılıǵında názerde tutılǵan talaplarǵa juwap beretuǵın basqa abat turaq jay beriledi.

Saodat QAYÍPNAZAROVA,
Qaraqalpaqstan Respublikası sudınıń sudyası

Sayt |Telegram |Facebook