بیر اَلیم اوره‌کده بیر اَلیم باشدا
بیلمیرم هانسینین آغریسین چئکیم
قلبیم یاردان سینیب باشیم اغیاردان
دوست دردین یا دوشمان یاراسین چئکیم

قانادسیز قوش کیمی قؤندوم هر یئره
سینه‌م نیشان اولدو هر گلن تیره
اوره‌کده بیر یارام دؤندو مین بیره
هایانا جیسمیمین پاراسین چئکیم

وفاسیزلار گنج عؤمرومو جالادی
گونلریمی، آی، ایلیمی تالادی
منه قالان آه دیر، درددی نالادی
حاققیمدیر محببت بلاسین چئکیم

"اومود" اولدوم پئشه ائتدیم دؤزومو
هئچ بیر کسه دییَممه دیم سؤزومو
منکی اُؤ قَدر پیس بیلمیرم اؤزومو
نه ایچون گونلرین قاراسین چئکیم...؟

اومود قاراداغلی???

@afraurmia

آرشین مال آلان فیلیمیندن قیسسا بولوملر????????

@afraurmia

▫️اؤپوم...

گئتمه! یالواریرام آیاقلارینا،
دایان، آیاغینین توزوندان اؤپوم!
گؤزوندن اؤپمه‌رم، آیریلیق دوشر،
دانیش، کلمه-کلمه سؤزوندن اؤپوم!

گئتمه! یالواریرام آیاقلارینا.
یاز منی کؤنلونون واراق‌لارینا؟
قییمارام اوتانان یاناق‌لارینا،
گؤتور آیاغینی، ایزیندن اؤپوم.

گئتمه! بو «کؤنول»و سالما گؤزوندن!
آخی دویمامیشام شیرین سؤزوندن.
بیلیرسن اوتانار اوزوم، اوزوندن،
باغلا گؤزلرینی، اوزوندن اؤپوم!

#فاطمه_عبدی_کؤنول???

@afraurmia

ت حرف ایله باشلانان #بایاتیلاردان
سس: #ماهرخ_افرا

@afraurmia
https://youtube.com/@mahrokhafra10
https://www.instagram.com/mahrokh_afra1340

‍ #بیر_یئتیم_بولود_زار_زار_آغلاییر

دام باجا قاپسانمیش ،حالوا ایییندن،
اوجاغین اوستونده اؤلوم بوغلاییر.
هاوادا لال دومان، هاوادا لال چن،
آه بیر یئتیم بولود زار-زار آغلاییر.

آرزوم اله دوشر آیاغا دوشر،
دئدی، بئش آددیمی بیر آددیملادی.
"بیردن اَریم اؤزگه سوراغا دوشر،
نئیلیم کی دالیمجا گلن اولمادی "

او اؤزو قاییتدی سس‌سیز-سمیرسیز
آخی آرزو قیزی یادینا دوشدو.
سحر گؤردولرکی هر یئر تر-تمیز،
هر طرف سولانیب سوپورولموشدو.

ال آتدی باغچادان بیر چیچک اوزدو
اونو گوله-گوله، تئلینه تاخدی.
بیرده شیرین-شیرین شریتی سوزدو،
بیرده شیرین-شیرین چینارا باخدی.

یوخویا وئرمیشدی آتا، آنانی
هامیدان خبرسیز چیخیب گلمیشدی.
اؤزونون بیلمیشدی او آستانانی،
دالیجا کؤرپونو ییخیب گلمیشدی.

آستانا شیریندی گولدو آغلادی،
چَرقَتله گؤزونون یاشینی سیلدی!
او آچان قاپینی طالع باغلادی،
اَر اونو ائوینه قویان دئییلدی!

بو گونو قال، صاباح دور ایتیل دئدی
ساخلایان دئییلم، بونو بیل دئدی

حسرت اوره‌یینین ساپاغین اوزدو
گئجه‌نین یاریسی حیطه آخدی.
بیرده آجی-آجی، شریتی سوزدو
بیرده آجی-آجی چینارا باخدی.

سئودا ساچلارینی داراییر پاییز،
اوجاغین اوستونده اؤلوم بوغلاییر!
آه بیر یئتیم آرزو، آه بیر یئتیم قیز،
قاپینین دالیندا زار-زار آغلاییر

#استاد_نادر_الهی???

https://t.me/secilmiseirler
@afraurmia

آشیق فرزانگان???????

@afraurmia