جهنم ما اطبها
ولا اعرف دربها
شلون تلوحني النار
وأمامي علي الكرار

مرتاح انه ياعلي صك القيامه بايدك
ماتوصل لجسمي ابد هالنار وانه اريدك
يابالحسن يوم الحشر عليته بس نشيدك
اصرخ اوالي حيدره درب السراط يريدك

بس حبك نجاتي
واغلى من صلاتي
وصفك سر الاسرار
وامامي علي الكرار
...
من مهدي انه تعلمت ولاية علي مطلوبه
امي تناغيلي بصدق وابوي هم محبوبه
لاعذب الله امي وابو غذوني ريحة ثوبه
لمايشم ريحة علي روحه تظل مسلوبه

بروحي عايش انته
اميري وتاجي ردته
عليه الزمن لو جار
امامي علي الكرار
...
لمن اصلي ياخلگ وبسمك علي اتشاهد
وبايدي مااجتف ابد وبصحنه انه كاعد
متوضيه روحي بالنجف وربي عليه هم شاهد
يامنكر يخوفك بعد يم الفحل متواعد

النواصب من اذلها
وبحبك اعلها
صهر النبي المختار
وامامي علي الكرار

لاعذب الله امي وابو بولايتك ربوني
گالولي اشهد ان علي ولوله تطفى عيوني
ملفوف كاروكي بعلگ بسمك علي يسموني
هلاسم خاتم عالگلب ودگات له سمعوني
...
الباري مجد اسمه
وبالكونين رسمه
ملاذي شماحجه وصار
وامامي علي الكرار
...
ماكو خلافه بس علي اسمع كلامي وفهمه
ماعوف نهجه للابد وارفض حكمهم نقمة
يالناصبي اسمع احجي اول خليفه بحكمه
تايه تضل بلا علي ماعدكم انتم علمه

ابو بكر وعمرهم
بس بسمكم نذلهم
اصلهم ذله وي عار
وامامي علي الكرار
...
شيعي انه وبكل فخر رافضهم اعله الفطرة
باحساسي عايش ياعلي وماناسي انه السطرة
وماناسي بابك من حرگ ولمن سبوها الحرة
هاي سقيفتهم غدر ودموعي نزلت عبرة

الثار ومانسينه
وينك يمهدينه
بسيفك شل الاشرار
وامامي علي الكرار
...
باقر جبار الشويلي

الكره الارضيه كلها اليوم فرحانه
وشغلنه اشموعنه بمولد السلطانه
واجب كــــــل موالي يفرح ويانه
انولــــــدت فاطمه والنور ضوانه
ريحانة محـــــــمد وأغله ريحانه
نبينه للـــــــــفرح شرعها بيبانه
اذا ننــــــسه الزجيه الله ينسانه
نهوه الزهــــرة احنه وهيه تهوانه
عشكنه الفاطــــمه للحفل جابانه

المحـــــــفل رتل رادوده
يقره اليوم احله انشوده
غير الزهـــــــراء مولوده
ليله الفرحه مريـــــــوده
للبألمـــــــــحفل موجوده
الزهراء هيه المقـــصوده

محلاها
ها ها
محلاها
ها ها

محلاها من فرحه ليله

حسين عبد الزهرة الدراجي

#قناه_نشر_القصائد_المنبريه

افراح. مولد البتول الزهراء عليها السلام
.................................

صوت النوارس .غنّــه.
يا هلا. بعطر. .الجنّــه.
ــــــــ ــــــــ ــــــــ

فاحت نسايم والورد ضل خجلان.
ونتشر عطر الجنه بين الأكوان.
رحمه واجت عالارض من الرحمان.
انولدت الزهره .وفاركينه الاحزان.

ياس. بصواني. وحنه.
ياهلا.. بعطر.. الجنه.
ــــــــ ــــــــ ــــــــ
صوت المشاعر عالگلب يقره انغام.
يتنفس بشهگت عبير الاحــــلام.
من اجت فاطــــم نورت هالايام.
وارتفع وي مولدها سور الاســلام.

حب فاطمه الحزمنه
ياهلا.. بعطر.. الجنه.
ــــــــ ــــــــ ــــــــ.

نورت دنيانه وخجل حتى النور.
عن هالولاده كل محب ضل مسرور.
كلمن هجر صفگت فرح ما معذور.
خلّي الهلاهل تعبر السبع ابحور.

كل محب خل يتغنه.
ياهلا.. بعطر ..الجنه.
ــــــــ ــــــــ ــــــــ.

هاي.. العزيزه الام لبوها انولدت..
وبسر سماوي وحجر طه تربت
بشهگت حنان انفاس امها تغذت
والملك. والحور.بسماهه انسعدت

جن وانس تتهنه
ياهلا بعطر الجنه.
ــــــــ ــــــــ ــــــــ.

حوراء انسيه ابتشر بيها الكون.
ياقوت جمشت. يشم. لؤلؤ مكنون.
آيه احتوت ايات صــار المضمون.
مصحف الشيعه غصب عالمايرضون.

الليله انولد موطنه.
ياهلا بعطر الجنه.
ــــــــ ــــــــ ــــــــ..

هــاي البشاره اتكللت بالافراح.
يم طاري اسمها المرض والهم ينزاح.
الليله البتول اتمركزت بالارواح.
نتبادل ابمحفلنــــه ورد القداح.

اجمل ورد قدمنه.
ياهلا بعطر الجنه.
ــــــــ ــــــــ ــــــــ
✍️ ابو منتظر الحجامي

خادم للخدم وفقني يامولاي:
#ابوذيات_وهوسات للولاده سيد الرسل

#مولاتﮰ زينب(ام باقر الشويلي)

هلا بسيد البريه وانته اباها

يحق لنا بمحمدنفخر وانتباها

يلخذت مني العقل كله وانتباها

يشع نوره ابو الزهره الزجيه
➖➖➖➖➖➖➖➖➖

هله بنور الولايه ومرسل الرحمن

يافخر الهواشم وكل بني عدنان

يااخر رسول وخاتم  الاديان

وبحروفه….. علمنا الدنيه
➖➖➖➖➖➖➖➖➖

ياتاج الامامه وسر الاكوان

يانور الولايه اختارك الرحمن

بميلادك فرح كل واحد الحزنان

قرآن… .وصادق عنوانه

#مولاتﮰ زينب(ام باقر الشويلي)

❌لااجيز حذف او تغيير الاسم❌

الشاعره مولاتﮰ زينب
اكتب ياقلم وسطر حروفك
وعن معركة الطف سجل حضورك