ستشرُق شَمس المَهدي حتَّى وإِن طَالت ظُلمة الأَّيام". 💔

كل ليلة جمعه..... كلبي و دليلي ..... يكبر حسرته وخوفه
خوفي ينـدبه..... خايف اموتن ..... و مامره شفت طيوفه
العاشگله واحد .... مده و يفارك .... مايهده إلى يشوفه

شــنهو اليهــود دليــلي وأنه المـــفارك أمــام
ولله أكبــر امنــياتي بـــس اشــوفك وسـلام
كالــو اليعشك يضــحي من مــباديء الغـرام
وأنــه ضــحيت بشبابي وحتى ليلي مــاانام

بضعنك ارد امشي كون
ارد احـــــــــس بالأمان
و ما تخيــــب الـضنون
وي أمـــــام الـزمــــــان

[يابقية الله .... العجل ... العجل ... العجل]
_____
اكتب رسايل ... وارجع اجزهن ... لا وحده منها تلجمك
اقلامي عجزن ... و كل القوافي ... لورت اسولف بأسمك
كلبك مدينه ... من المـواجـع ... و ثگلها عصرت امك

الثاني و الاول عصرها فاطمه وصار لي صار
الحقــيقه تغطي بيها و يمـتى ينـشال الستار
خل نوضحها بعقـلنه و منهو يطلب بيــنه ثار
و المــثل عدنه يسولـف ماكـو دخـان بلـه نار

الزهــره بأجــر يـصــير
حـبهـا اكــبـر ضــــمــان
و ما تخيــــب الـضنون
وي أمـــــام الـزمــــــان

[يابقية الله .... العجل ... العجل ... العجل]
ـــــــــــــــــــــــــــــــــــــــــــــــــــــــــــــــــــــــ
صفنه الشوارع .... و غربه المدينه .... و حلامي مااندلهن
وحشه الليالي .... وخنكت وحدتي .... وهجرك يمهدي اكبرهن
حسبوني مختل .... كــد مــاأذكرك .... وعيونك العاشكهن

يامــحطه تلم غربتــي و ياقطــار يودي ليك
بكل حياطن ابقى أمسح بلكي لايحها بأديك
لو نـدب كافــر تدرگه قاري هل نص بحجيك
وأنه مــو كافــر ندبتـــك لاتــجي أنه اجــيك

انتــه بـــس كــلي وين
كـاعــد بــيا مـــــكــــان
و ما تخيــــب الـضنون
وي أمـــــام الـزمــــــان

[يابقية الله .... العجل ... العجل ... العجل]
ــــــــــــــــــــــــــــــــــــــــــــــــــــــــــــــــــــــ
أنه ضــلامي .... ضايع صباحه .... و روحي بحزن مشدوده
هوايه حجينه .... محد فهمنه .... و الســكته هــم مريــوده
هيه التكتــلك .... الوادم كلبها .... بلــونِ الـعبــاية ســـــوده

يمتــى اللهـم عجــل تصبح ألنــه ذكــريات
يمتى دولة ياحُسين تفـك سراديب الحياة
وزينب ترد مو غريبه بفي ابو فاضـل تبات
و البنات يلم شمـلها و ماكو نــسوه بارزات

و مـسجد السهله صــار
لنـــــــتظـــارك كــيــــان
و ما تخيــــب الـضنون
وي أمـــــام الـزمــــــان

[يابقية الله .... العجل ... العجل ... العجل]
.
.
.
محمد حسين

https://t.me/mpjfs

من يجزي حسن ضيك
يكبع لنهار احجاب

ياخذ جرة عيونك وسد راحة
زوية بحضرة المحراب

حزنك يوصل لباجر حمام ابيض
يزت شوفك يرد بنحر ماذبوح

طفلك واصل ليا كيض
خضار معاند جويريد
مايقبل يهد جفك يكع ويطيح

يصبحك عاند الجمعة ذخر لله...
وشيبك يبدي بالقران لامع جنك اسم الله
حرزك لسواجي اعتاب فقير ويجهب مصلة

يفيي النورس علة الماي فوك انت
وكلبك باقي يم حزني ذخر شباج
كلما سدتة ذنوبي تفكة انت

خنصر جفك البذرة دفن روحة حدر ياجيل....؟
عايف ذخرك اولاية يفز بدكة الزنجيل

متباركين بولادة سيد شباب اهل الجنة (ع)

#محمد_حسين

هَل شَعبَان باعيادَه ..
مُتَبارِّكين بحِلولّ شَهرِّ افرَاح الـ مُحَمد .🤍

هلا يافرحت الساده .... هلا بشعبان و عياده
ــــــــــــــــــــــــــــــــــــــــــــــــــــــــــــــــــ
هــــلا بجــيته يبعد البين الضلوع
خن طــش التهاني ونعـلك شموع
هلا بشـــعبان كد الحـسن من كال
خل صوت الفرح للسـمه مسموع

الخضار تأسر .... بجمال المنضر .... بتسامت حيدر
                         تحير الوادم
الجماد تكلم  ....  الهلال تهـندم .... فرحنــه تعــمم
                         بقاع العالم

خــنذب الســـواد و نــلبس الــوان
وخلي الضحكه تصبح لينه نيشان
الموالي المن صدك هليله مـعروف
مو بس احنـه حتى الباري فرحان

فطرس يأخذ مراده ...... هلا بشعبان و عياده
ــــــــــــــــــــــــــــــــــــــــــــــــــــــــــ
أجه شــعبان جـايب خير وياه
قـــرآن بضـــهر قرآن محـــلاه
بطن أمه الحُسين وراد عبـاس
الثـــالث يوم رابـــع الله سـواه

شحلات الخوه .... محنه ونخوه .... المحبه الحلوه
                          حبيب الزهره
نعم لله عليهم .... الرزق بيديهم .... بشنو نجازيهم
                           يبيت العتره

هذا الأـــــسم خل نعيده مـــرتين
لتسهيل الأمور حسين و حــسين
اسم بس بالحقيقه يعدل الـموات
حـرز جبــريل بي ذل الســلاطين

عشك من الله مو عاده .... هلا بشعبان و عياده
ـــــــــــــــــــــــــــــــــــــــــــــــــــــــــــ
اول مــنولــــد عـــالدنيا عــــباس
شايل بيده جربه و سيف و طاس
منــاره ثــنين مـــو جـفين تنشاف
واذا يعطش أمـامه يدخن الراس

يرفعت راسي .... هلا بعباسي .... يجوري وياسي
                         الگناطر عيده
يهيبة بخته .... غيور عالخته .... شكثـــر عاشکته
                        مشت بوريده

التـــــايه من يشــوف الــنور ينگاد
لان ساجد بمــــهده تســـمى سجاد
يامــــوسى زمانه و شــامه فرعون
الأرض و أهل الأرض صارلها الوتاد

هلا يازين العباده .... هلا بشعبان و عياده
ـــــــــــــــــــــــــــــــــــــــــــــــــــــــــــ
يوسـف من جماله محير العقول
لو شــــايف الأکبر بالله شيكول
شبيه المصــــطفى جده محمد
وجهه من شعاع العرش موصول

زليخه تشوفه .... تضل طوفه .... وتموت بخوفه
                         بسواد عيونه  
جماله يصفن .... وبعد متفرزن .... جنـون يجنن
                        سماره و لونه

اخدمــــه بنفسي كال الصادق عليه
هــــــذا ابن الحـــسن بروح افــديه
من ينـــذكر أسمــه الضـــامن يكوم
يخلي أيده على راسه ويرفع أيديه

يمتى نشوف أمجاده .... هلا بشعبان و عياده
.
.
.
محمد حسين

يبن شبيب ان كنت باكيا لشيء
‏فبكي الحسين ابن علي عليه السلام فانه ذبح كما يذبح ‏الكبش ".

‏#الامام_الرضا_عليه_السلام

يـــبنَ شــــبيب بدمــعة بكائك
أبكي الحُسين ونصــب عزائك
وخلي حسرتك بــس كربلائك

يبـنَ شبيــب نهتـكت حرمته
وكدامه تركـض خلـوها أخته
و عــــلى رقــيه نزلت دمعته

مثل الكــبش جــــدي نذبح ولسه لذبح بعيوني
واســـمع ونيــن الــفاجـده ام و طـــفل بجوني
امنيتي أواسي الثاكلى و لرض الغرب يسبوني

الحـــرمه الجبــيره مـو لتـعلعل
عرجه النياگ وكل خطوه تكتل
وتالي المضـــايف عماتي تدخل

مــن أسمــع بزينـــب طلعــوها ..؟
يغــمه عـــليـه و داعـت ابــوها
شلعــو كلبـها بطـــيحت اخوها
.
.
.
ــــــــــــــــــــــــــــــــــــــــــــــــــــــــــــ
يبـــنَ شبــيب مشــيب دليلي
وطاري النوايب هدتلي حيلي
وبس على زينب يگبر عويلي

نوم الخـرايـب نومـي حرمني
وذيـــج القصور شــكد عذبني
وكسرة غصن عبد الله كسرني

بكمـــاطه أمــه معصــبه ورمــاد كاروكه تشيل
يبنــي دللـــو للـــولد تقــــره علــى طــول الليل
راسه برمح طول الدرب وشمس برسومه تعيل

ذب العـمامه و يلطــــم محمد
و الزهـــره تصــــــرخ اللهُ لحد
لمـــن عـــلى طــول أبنـه تمدد

يبـنَ شبيــب اعمـــيها المحاجر
ماضل كتر صاحي من الخناجر
وهنـاكَ يبست صــوت الحناجر
.
.
.
ـــــــــــــــــــــــــــــــــــــــــــــــــــــــــ
فحــطانه صــعدت عالتله تـبجي
أدركني صاحـت يبن امي احجي
خـلافــه عــلى ضهر الناگه تتجي

ذيـج الهـــوادج صــارت حــلمها
و متــوذره بالـصــحرى زلــمـــها
وعــيالـه يمــتى الكــافل يــلمها

يبنَ شبــيب شـــماردت تشرب الماي اذكرهم
مدري العطش مدري الشمس مدري الحبل يسرهم
ندار الـوكت وتغــربن و لاكــو بشــر يفگدهم

مات الفــرح بكــلوب الهــواشـم
وصـــارت حيـاة السـاده مــأتـم
وحزني طويل ولا مو مـــواسم

كل موقف بطـف كلـــبي يلجمه
يبنَ شبيــب الــشام شيــهضـمه
وذاك المــضيف يدوهــله زلمــه
.
.
.
ـــــــــــــــــــــــــــــــــــــــــــــــــــــ
أنـــه مهـــيج حـــزن المـــحـنه
يبنَ شبيــــب مضـيعين اهــلنه
و احـــنا الأئــمه بالمهدي أملنه

يبـــنَ شبيــب بكل ليله جـمعه
أدعي الضهوره واهديله دمـعه
بأجــر يجــينه وحگنه يرجـعه

اليطـــلبله ثار أثني عــشر يبنَ شبيب شحاله
من يصفن يعرضــن عليه كل سحگه للخياله
ويــشوف عمـاته بيــسر و مجــتفـيها كـــباله

ذنوب الخليقه سهام عالصدره
وجم مره گلب الحـجه تكسره
اللـــه يعـــينه و ألله يــصــبره

يشوفونه غايب بس هوه حاضر
واكــــف اشــوفه بصـــف المنابر
وهايه الحقـــيقة و لا مو مشاعر
.
.
.
محمد حسين

هواي ذكرني انتظارك بالعليلة...💔

#يبن_الحسن_عج
.
.
.
#محمد_حسين

أخي حُسين ..... الطفُ قد أتعبني

موش اديه كلبــي المجتـفينه
و علي تأذينه ... يفي المـحمل
چن شضه مرايه دليلي تشضه
حزن شيفضه ... أريدن أسئل؟

أســئل .... خــدر الله ليــش ستباح .. ؟
عليمن .... طفــل راســه فـوك الرماح
أسكت .... و أنه مالي روحي الصياح

حرورت جدمي حركت حصيره
تأذيــــت و خـطــواتي زغــــيره
ولــو رايــد تســـأل عــالعــبايــه
مــن نار الــطف صـارت گصيره
.
.
.
ــــــــــــــــــــــــــــــــــــــــــــــــــــــــــــــ
فجـــر و غــروب المـوادع صاير
فترگنه بعــاشر ... خنك انفاسي
ياصدى النــسيان منــهن شنسه
و هذيج الرفسه ... تدك براسي

شنسى ... و جــرح كربلـه ما يطيب
اليدخل ... على الطف يسـمو غريب
يگـــتل ... وداع الحــبيب و حـبيب

اطــفالي التـرسم مـن عطشها
حبـوب و جربه تخـــفف ألمها
منتــضره الكــافل يرجـع ألهم
بحــرك الخــيمه حركــو أملها
.
.
.
ــــــــــــــــــــــــــــــــــــــــــــــــــــــــــ
تراب و الدم جامـــد على عيونك
ثكـــــــيله جـفونك ... أذا ترفعها
مـــن بعــدها ما لــمحت خيامـك
وركيض أيتامك ... رُعب ذابحها

الترعُب .... رعيد و عچاچه و بكاء
الحيره .... يتامه و جيوش و نساء
هــيمه .... و مـــلاها صريخ السماء

اصــعب موقـف ماريدن أروي
اختصره بجـف رقيـه مــجوي
اعــذرني عـلى تلــه صــعدتها
مشدوها و مـاادري شـــسوي ..؟
.
.
.
ـــــــــــــــــــــــــــــــــــــــــــــــــــــــــــ
ســــئلو الســـجاد شــنهو يهضمك
تذكره يلــجمك ... يبخــت الساده...!
الشـــام أخ الـــشام كــال شـــسوه
الخرايب بلوه ... الحجاره وساده

الغربه .... إذا رايد اشرحها شام
اليذكر .... أســمــها يفــز الأمــام
سالب .... علـى أهل النبوه المنام

لــسه اثار الصــدمـه بـناتي
لســه اثار الســـوط بعباتي
بكــابوس الهزل لسه احلم ....؟
و شلون معـــلعلهن خواتي
.
.
.
محمد حسين

https://t.me/mpjfs

الـيل و الــدم تارس مصــــلاتي
و بس حُسين تصير تسـبيحاتي
باهلت شمــسين ذيج الصـحرى
بلـــون وجـــه المغــرب بنـياتي

اصعب ... وداع ... بالدنــيا ياوداعـك
خدرنه ... ضاع ... ياسلوتي بضياعك
مــرت ... سنين ... مامـــرت عــالزلمه
وثكلها ... ويـن ... يـبن أمـي كربلائك

الغربه تريد ..... جــف عضيد
مو جف بيها الحبل
عشـنه أيام ..... آه الــشــام
يشيب راس الطفل
مستحيات ..... خجــلانات
من اذكر طاري الهزل
.
.
.
ــــــــــــــــــــــــــــــــــــــــــــــــــــــــــ
الكــمر من يحــزن يعيش لوحده
وموتي گرب و بتده يهل موعده
ماكــو لا راية اخو لا جــف كفيل
حتى جرحي يشــفه من يوسده

تعـال .... أصيح .... تدري الأخت حنينه
وحدي .... بقيت .... يمـتى بعـد تجيـنه
حُسين .... حُسين .... بح صوتي وأنه انادي
بنــتك .... و أنــه .... بالغربه شو صفينه

نعشي نشأل .... و بياحال
ماكو متون الأهل
وين الكاك .... من اشتـاك
لو اكــطع الأمل
هم تعــود .... لــيـه ردود
منكم رايدلي حل
.
.
.
ـــــــــــــــــــــــــــــــــــــــــــــــــــــــــ
هــواي اكره جلــمت أنه مغربه
وحـگي من الشام ياهو اليطلبه
شكد تمنيت الگبر برض العراق
مـوش يم وادم شـماته تسـلبه

وحشه .... أعيش .... لا تعزيه و مواكب
ولله .... عذاب .... و مادري ياهو أعاتب
سدو .... صحن .... و ضلمه مزاري صاير
لسه .... اشوف .... كــابوسي بالــخرايب

عفتو ام عون .... مدري شلون
مرقــد مــابــي بــجي
لازوار .... وحـــدي احتــار
خذني وردني الحجي
مشــتاگين .... اعــرف زيـــن
منــيتي العـالم تجي
.
.
.
ـــــــــــــــــــــــــــــــــــــــــــــــــــــــــــــــــــ
انتــو ولدي وأنه أمــكم حـاضره
بالمـجالس لو نــعه الناعي وقـره
مو فقط بس اليجيني أنه أجـيه
هــم أجــيها الــوادم الــمازايــره

امــسح .... دمــوع .... الگلبه حترك عليه
المازاير .... الضريح .... الماباجي يم رقيه
الـــلـــه .... يـــعـــين .... الماشايف المناره
تسهلها .... هل أمور .... سبــيحة الزجــيه

بس فراگ .... مــوگـواك
لاجم روحي شکثر
يهد الحيل .... نص الليل
يفحط گلب الصبر
براسي صياح ... يمتى رتاح
وصبح المهدي أنتضر
.
.
.
محمد حسين
https://t.me/mpjfs