*⚡"Родныя словы"*

... Дзяды і бацькі нашу мову стваралі,
Каб звонка звінела, была, як агонь.
У сёлаў імёны, як гукі цымбалаў,—
Блонь, Струнь, Звонь!"..

*⚡️Творчасьць | Tvorčaść*

Свой першы верш «Ой, не шапчы, мая бярозка» Пятрусь Броўка напісаў у 1926 годзе. Ён тады толькі пераехаў у Полацк, даводзілася жыць у горадзе, і паэт вельмі сумаваў па вёсцы. Пад гэтымі ўражаньнямі й быў напісаны верш. Яго надрукавалі ў газеце «Чырвоная Полаччына» і ў літаратурным альманаху «Надзьдзьвіньне».

А першы зборнік вершаў «Гады як шторм» апублікаваў праз чатыры гады, у 1930-м.

Пятрусь Броўка быў удзельнікам вайны.  Ён губляў родных і бачыў, што стала зь яго роднай зямлёй. Менавіта дзякуючы асабістым перажываньням вершы на ваенную тэму ў паэта атрымліваліся досыць пранікнённымі. Прыклад таму - паэма «Голас сэрца», прысвечаная загінулай у канцлагеры маці паэта.

📍Галоўную спадчыну Броўкі складаюць вершы. І, вядома ж, справа ўсяго яго жыцьця – Беларуская энцыклапедыя, да выданьня якой ён прыклаў нямала сілаў.

Варта адзначыць, што некаторыя творы паэта былі экранізаваныя: «Каландры» (у 1931 годзе) і «Калі зьліваюцца рэкі» (у 1961 годзе).

Броўка таксама праявіў сябе як перакладнік – перакладаў на беларускую мову творы Шаўчэнкі, Маякоўскага, Байрана й іншых.

📍Сёньня атрымала вось такі камэнтар у тыктоку
У бліжэйшы час хачу разабраць гэтую тэму.

А пакуль адкажыце, а ці ведаеце вы творы Васіля Быкава, дзе ёсьць пазытыў?