https://www.facebook.com/share/v/19WJACVT4H/

Pse janë kaq shumë të shqetësuara shtetet arabe nga çlirimi i Sirisë dhe themelimi i Shtetit Islam? E para, është urrejtja që kanë ndaj islamit; e dyta, Shteti Islam, si shembull, me drejtësinë dhe zhvillimin e tij, paraqet një alternativë ndaj dështimeve të tyre, duke u shpalosur të gjitha mizoritë dhe krimet e tyre. Kjo bën që populli të trazohet ndaj tyre dhe pushteti i tyre të luhatet.

Pas çlirimit të Sirisë nga regjimi mizor dhe diktatorial alevit, menjëherë u rikthye debati për projektin e gazsjellësit nga Katari për në Siri dhe Turqi, ku destinacioni i fundit është Evropa. Çfarë vlere ka ky gazsjellës? Për këtë gazsjellës ndërhyri Irani dhe Rusia në Siri. Amerika, me dekada, mundohet që ta pavarësojë Evropën nga gazi rus, në këtë mënyrë të izolohet Rusia ekonomikisht dhe të thyhet palca kurrizore e ekonomisë ruse.

Problemi është se të gjitha burimet alternative të gazit, të mjaftueshme për nevojat e Evropës, janë shumë larg Evropës. Gazi i Katarit është alternativa e duhur, por nëse gazsjellësi Katar-Evropë nëpërmjet Sirisë realizohet, atëherë thyhet palca kurrizore ekonomike ruse, si dhe bllokohet arritja e gazit iranian në Evropë. Kjo është arsyeja kryesore e ndërhyrjes iraniane dhe ruse në Siri. Irani ka për qëllim që ta shtyjë përpara projektin e gazsjellësit Iran-Evropë nëpërmjet Sirisë dhe njëkohësisht të bllokojë gazsjellësin nga Katari (konkurrenti strategjik në Lindjen e Mesme).

Nga ana tjetër, Rusia ka për qëllim të bllokojë të gjitha projektet e gazsjellësit, qoftë nga Irani apo Katari, që kalojnë nëpër territorin sirian, me qëllim që Evropa të mbetet e varur nga gazi rus. Prandaj, Rusia në Siri ka interes ekonomik (ruajtjen e ekonomisë ruse) dhe strategjik (ruajtjen e varësisë së Evropës ndaj gazit rus).

Konflikti sirian, që zgjati 13 vjet, nuk është vetëm një luftë e brendshme për liri, por edhe një luftë e interesave dhe gjeostrategjive ndërkombëtare. Në Siri gërshetohen dhe preken interesat e të gjithëve; prandaj, interesi për luftën në Siri është aq i madh dhe në nivel botëror.

Prishja e baraspeshave (balancit) në mes forcave shkakton tensione që shpiejnë deri në luftë, kështuqë paqja ruhet me ruajtjen e baraspeshave.

Fitorja pas Allahut qëndron në:
1. Udhëheqësin.
2. Moralin.
3. Mjetet.