POLEMICO'нинг "Экопартия нимани кутмоқда?" номидаги пости эълон қилинганидан сўнг, Экопартия фракцияси аъзолари Наврўзбек Юсупов ва Носиржон Аминов ушбу жиддий вазиятни ўрганиш ва таклифлар ишлаб чиқишни бошлашибди.

☝️ Наврўзбек Юсупов экологик фожиани бартараф қилиш бўйича ўрганишларини жамоатчиликка улашиб боришини эълон қилди.

❗️ Носиржон Аминов қурилиш жараёнида “СанПин” талабларига риоя қилмаган қурилишчилар кескин жавобгарликка тортилиши бўйича ва бошқа бир қатор таклифлар бермоқда. Бузамиз, қурамиз дейишдан олдин, экологияни ҳам ўйлаб қўйиш керакда.

Яхши гумонда бўламиз. Диққат билан кузатамиз. Йўқотганимиз эвазига топадиганимизни билсаккина ўпкамиз хотиржам нафас олади.

*?*** @polemicouz

⁉️ Экопартия нимани кутмоқда?

Эсингиздами, 2021 йилда бутун Ўзбекистон чанг билан бурканган эди, шундан буён яна бу ҳолат бир неча маротаба такрорланди. Бора-бора эса одатий ҳолатга айланди.

IQAir рейтингида Ўзбекистон энг биринчи ўринларда, афсуски ифлос ҳаво бўйича.

Наҳотки минг-минг одам устига ёғилаётган астма, саратон, дистрофия чақираётган, умримизни қисқартириб бораётган чанглар ҳақида нега давомий гапирилмаяпти? Ҳамфикрим Макаренкодан ташқари нега қолганлар жим?

Мабодо бу вазият янада жиддий тус оладиган бўлса, панага ўтиб олган экологлар қандай чора кўришади?

Камқон оналардан дахшатли асоратлар билан туғилаётган болаларни кўришмаяптими? Саратонга чалинганлар кўплигига эътибор беришмаяптими?

Мутасаддилар бу чангларни зарарли деб очиқ айтмайди. Аммо ҳозирги Тошкентдаги бу чангли ҳаво саратон ва астмага олиб келишини мутахассислар бот-бот такрорламоқда. Нега Экопартия ҳақиқатни очиқ айтмаяпти? Нега бу масала юзасидан мутасаддиларни уйғотмаяпти?

Баҳор ёки кузда яна шамоллар ва бўронлар мавсуми бошланиб қолса бу чанглар яна одамлар ўпкасига, кўзига, энг муҳими умрига зомин бўлмайди деб ким кафолат беради?

Бошқаттан Америка кашф этиш шарт эмас! Қайта-қайта такрорланаётган таклифлар: пуллик автотураргоҳлар, автомобиллар қатновини қисқартириш, жамоат транспортларини кўпайтириш масаланинг ечими сизнинг бурнингиз тагида!

*?*** @polemicouz