*⏱ Markaziy Bank rasmiy kurslari o'zgardi. 19.11.2024 y. dan boshlab:*

USD = 12 825.01 +12.71
EUR = 13 552.19 +19.84
RUB = 128.62 +0.25
GBP = 16 199.27 -10.85
JPY = 82.86 +0.39
CHF = 14 475.18 +53.41
CNY = 1 770.85 -1.91

So'nggi valyuta kurslari —
@biznesreport

2025-yilda O‘zbekistonning davlat qarzi $45 mlrddan oshadi

O‘zbekiston davlat qarzi 2025-yil yakunida 45,1 milliard dollarga yetishi mumkin. Bu haqidaIqtisodiyot va moliya vazirligi tomonidan ishlab chiqilgan «Fuqarolar uchun budjet» nashrining keyingi yil uchun ishlab chiqilgan loyihasida qayd qilingan.

Davlat tashqi qarzi 2024-yil yakunida 33,9 mlrd dollar (YaIMga nisbatan 30,3 foiz), 2025 yilda 39,4 mlrd dollar (YaIMga nisbatan 32,1 foiz) bo‘lishi kutilmoqda.

Joriy yilda tashqi qarz olish chegarasi 5 mlrd dollarni tashkil etgan bo‘lsa, 2025 yilda bu ko‘rsatkich 5,5 mlrd dollargacha oshiriladi. Ushbu mablag‘ning 3 mlrd dollari davlat budjetini qo‘llab-quvvatlashga, 2,5 mlrd dollari esa investitsiya loyihalarini moliyalashtirishga yo‘naltiriladi.

Keyingi yilda O‘zbekiston nomidan 30 trln so‘mlik davlat qimmatli qog‘ozlari chiqarilishi ham ko‘zda tutilyapti.

Telegram I Instagram I Veb-sayt

2027-yilga kelib O‘zbekistonga pul o‘tkazmalari hajmi $20 mlrdga yetishi mumkin

Markaziy bank prognozlariga ko‘ra, 2024-yil yakunida O‘zbekistonga transchegaraviy pul o‘tkazmalari hajmi 25-30% ga oshib, taxminan $14,5−15 mlrdni tashkil qilishi kutilmoqda. Ushbu ko‘rsatkichlar 2025-2027-yillarga mo‘ljallangan pul-kredit siyosati konseptual loyihasining asosiy ssenariysida belgilangan.

? 2025-2027-yillarda pul o‘tkazmalari hajmi bozor tendensiyalari asosida har yili 10-15% ga oshib borishi kutilmoqda va yuqori daromadli mamlakatlardan pul o‘tkazmalarining o‘sishi tufayli umumiy hajm $20 mlrdga yetishi mumkin.

Muqobil ssenariyda davom etayotgan sanksiyalar tufayli rublning zaiflashishi hisobga olinadi. Bunday sharoitda O‘zbekistonga mehnat muhojirlarining pul o‘tkazmalari kamayishi mumkin, bu esa import inflyatsiyasining oshishiga olib keladi.

? Ushbu muqobil ssenariyga ko‘ra, 2025-yilda pul o‘tkazmalari hajmi 7-10% ga qisqarishi, keyingi yillarda esa 2026-2027-yillarda 7-11% darajasida mo‘tadil o‘sish kuzatilishi mumkin. Pul o‘tkazmalarining kamayishi uy xo‘jaliklari daromadlarini pasaytirib, yalpi iste’mol talabiga cheklovchi ta’sir ko‘rsatishi mumkin.

Telegram I Instagram I Veb-sayt

Kartadagi mablag‘larni komissiyasiz qanday naqd qilish mumkin?

Odatda bankomatlar orqali kartadagi pulni naqd qilishda 1% komissiya olinadi. Ammo, ba’zi usullar orqali komissiyasiz yoki past foizda naqd qilish imkoniyati mavjud.

Masalan:

Kapitalbank mijozlari so‘m Visa kartasi orqali Kapitalbank bankomatlarida 10 million so‘mgacha komissiyasiz yechib olishlari mumkin.

Paynet punktlari orqali 1 million so‘mgacha komissiyasiz naqdlashtirish imkoniyati bor.

TBC Bank ham yangi kartasi orqali ayrim summalarni komissiyasiz naqd qilish xizmatini yo‘lga qo‘yishni rejalashtirmoqda.

Shuningdek, bir nechta banklar o‘z bankomatlarida naqd pul olish komissiyasini pasaytirgan:

Davr bank — 0,5%
Asia Alliance Bank — 0,6%
Garant Bank — 0,7%

Telegram I Instagram I Veb-sayt

O'zbekistonga yangi avtomobil brendi — Geely kirib kelmoqda

Xitoyning Geely avtomobil brendi O‘zbekiston bozoriga chiqishga faol tayyorgarlik ko‘rmoqda. Bu haqda Spot nashri ma’lum qildi.

Brendnibg rasmiy ish faoliyati 2025-yilning ikkinchi choragida rejalashtirilgan. Kompaniyaning kommunikatsiyalar va brend bo‘yicha menejeri Levi Geely ushbu jarayondan oldin bir qator bozor tadqiqotlari o‘tkazishini va test-drayvlar uyushtirishini ta’kidlagan.

Iste’molchilarni o‘rganib chiqib, Geely o‘z modellarini, jumladan, gibrid avtomobillar va elektromobillarni taqdim etishni rejalashtirmoqda.

Mart oyida Geely Automobile Holdings Limited kompaniyasi O‘zbekiston bozorida Zeekr elektromobil brendini taqdim etgan edi. Iyun oxirida esa Tashkent City hududida Zeekr’ning birinchi dilerlik markazi ochildi.

Avvalroq Geely o‘zining to‘liq modellari qatorini, jumladan, Coolray va Tugella krossoverlari, Monjaro va Okavango yo‘ltanlamaslari, Emgrand sedan hamda Geometry E elektr krossoverini 2023-yil oxirigacha O‘zbekistonda rasman sotishni rejalashtirgandi.

Shu yilning dekabr oyida Geely elektromobillarini ishlab chiqarishni Toshkent viloyatida yo‘lga qo‘yishi mumkinligi haqida xabar qilgan. Birinchi bosqichda yig‘uv sexi qurilishi, ikkinchi bosqichda esa to‘liq ishlab chiqarish jarayoni tashkil etilishi ko‘zda tutilmoqda.

Telegram I Instagram I Veb-sayt