💥گوزل بیر آزربایجان رقصی قوی گولوم گَلسین آی ننه ماهنیسی ...💐 🎼

🔹 #مثل_وورماق

آغلایانین بیر دردی وار،

گۆله‌نین مین بیر دردی.

نه اومورسان باجیندان،
باجین اؤلور آجیندان!

دیندیرمه دمیرچینی،
درد یئییبدیر ایچینی!

💌محبّت یاشاییرسا

نه زامان کی راست گلیرم بیر-بیر قۏشا گزن‌لره،
بیر-بیری‌یچون یئردن چیچک، گؤیدن اولدوز اۆزن‌لره،
سئوگی اوچون هر جفایا، هر عذابا دؤزن‌لره،
دوشونورم بو جهاندا‌ موقدّس‌لیک یاشار هله.
عشق، محبّت یاشاییرسا توکنمه‌ییب بشر هله.

قوجا اولسون، جاوان اولسون، ذرّه قدر فرقی یوخدور،
کیم کی تنها یاشاییرسا، روحو یوخدور، قلبی یوخدور،
خیلقت اوچون عشقدن بؤیوک هیمٛن یوخدور، شرقی یوخدور،
کافیری ده سئون اولسا، آچار، گؤزل‌لشر هله،
عشق، محبّت یاشاییرسا، توکنمه‌ییب بشر هله.

اونون اوچون نه میلّت وار، نه قانون وار، نه سرحد وار،
آیاقلاری سایالی‌دیر*، اوندا خئییر-برکت وار،
او جهاندا حؤکمران‌سا، عدالت وار، حوریّت وار،
او یوخ ایسه، مودریک شخصلر لیاقتدن دوشر هله.
عشق، محبّت یاشاییرسا، توکنمه‌ییب بشر هله.

اونون آدی چکیلنده اصلی، کرم یادا دوشور،
لئیلی، مجنون یادا دوشور، درد و الَم یادا دوشور،
فضولی تک یانار اورک، سیرلی عالم یادا دوشور،
اونو مغلوب ائتمه‌ییبلر نه بیر ظولوم، نه شر هله.
عشق، محبّت یاشاییرسا، توکنمه‌ییب بشر هله.

اونو نه وار، نه ده زینت عوض ائدیر بو دونیادا،
نه بیر ثروت، نه بیر قودرت عوض ائدیر بو دونیادا،
محبّتی تک محبّت عوض ائدیر بو دونیادا،
اوندان غئیری دیَرسیزدیر مین جور لعل و گوهر هله.
عشق، محبّت یاشاییرسا، توکنمه‌ییب بشر هله.

سن اونا جان وئرمیسن‌سه، وئره‌جکدیر او سنه جان،
قانیمیزدا، جانیمیزدا چاغلاییر او اؤلنه‌جن،
آخیرینجی نفَسه‌جن، عزراییلی گؤره‌نه‌جن،
بیزلر گلدی-گئدری‌ییک، او ابدی یاشار هله.
عشق، محبّت یاشاییرسا، توکنمه‌ییب بشر هله.

#جابیر_نووروز

🔸موغانا جیران

یئردن آیاغینی قوش کیمی اوزوب،
یای کیمی دارتینیب اوخ کیمی سوزوب،
یئنه ئوز سورونی نظاملا دوزوب،
باش آلیب گئدیرسن هایانا، جیران؟
ازلدن میلینی سالیب چوللره،
بختینی تاپشیردین بیزیم ائللره،
او قارا گوزلرین دوشدی دیللره،
دیشلرین اوخشاییر مرجانا، جیران!
بیر مثل قالمیشدیر آتا – بابادان،
اوچاردا توراجدیر، قاچاردا جیران.
بیر من دگیلم کی، حسنونه حیران،
شهرتین یاییلیب هر یانا، جیران!
سکوتا غرق اولموش اورگیمله
من کئچیرم یئنه ده موغان چولوندن،
یانیندا بالاسی، یاغیش گولوندن
اگیلیب سو ایچیر بیر آنا جیران،
ائله کی، سون بهار مین بساط قورور،
کوللاری – کوسلاری ییغیب اوچورور،
سخناشیب بیر یئره، باش – باشا دورور
دوشنده چوغونا، بورانا جیران.
اون آددیم کناردا یاتماییر تکه،
گزینیر، اویلاغا باش چکه چکه؟
گلن قارالتیدیر، یوخسا تهلکه؟
بیر ئوزونه باخیر، بیر اونا جیران.
اوچی، اینصاف ائله، کئچمه بو دوزدن!
او چوللر قیزینی آییرما بیزدن!
قویما آغری کئچه اورگیمیزدن
- قییما ئوز قانینا بویانا جیران!
نه گوزل یاراشیر موغانا جیران!

کونول خاسیئوا💐

🎼 موغانا جیران

❇️ قوتاز یا پونچاق یا قوچ بوینوزو

قوتاز و بنجاق یا پونچاق هردو واژه تورکی هستند. پونچاق یا قوتاز یعنی گلوله پشمی یا نخی آویخته شده از گردن یا افسار شتر.
قوتاز به معنی منگوله هم می باشد. پونچاق نیز به معنی سند ، قباله و مدرک است. پونچاق به اوراق و اسنادی دلالت میکند که در گذشته توسط اشخاص با سواد و قبل از تصویب قانون ثبت نوشته میشد. اما در آلاچیق قوتاز به شکل
صلیب + از چوب خشک سبک مکعب مستطیل شکل تراشیده می شدند و با نخهای رنگی دور این چوبها شیرازه میرفتند و در بالای هر تکه دو یا سه تا پونچاق می دوختند.
قوتاز در تپلیک یا تپندیریک بالای چمبره قرار می گرفت و با قاتما محکم به آن دوخته می شد و از منظر دور بر منظره و زیبایی آلاچیق می افزود.
قوتاز یا پونچاق در بالای منزلگاه اوغوزها هم قرار می گرفت. علاوه بر قوتاز بالای تپلیک دو تا پونچاق به اورکن های داخلی آلاچیق می دوختند.
تا قسمت داخلی آلاچیق هم خوش منظرو خکش آیند شود.
گاها در اورکن کناره های قاپیلیق نقشدار آلاچیق
هم دو سه تا پونچاق دوخته می شد . این پونچاق ها معمولا سیاه - سفید بودند.
اما زنده یاد شهروز جدید در کتاب دلباخته ها
قوتاز را در بالای تپندیریک به عنوان نماد و سمبل مشخص کننده چهار جهت اصلی شمال ، جنوب ، مشرق و مغرب معرفی می کند.
در بعضی باورها رنگهای قوتاز نشانگر چهار فصل سال می باشد . مثلا رنگ سبز شیرازه و پونچاق نشانگر بهار ، رنگ قرمز نشانگر تابستان ، رنگ زرد شیرازهرو پونچاق نشانگر پاییز و رنگ آبی نشانگر فصل زمستان می باشد.

#ملانصرالدین_حیکایه‌لری

🔹 بولاماج، هؤره، خشیل

🔻ملّا نصر‌الدین بیر گون بیر کندده قوناق اولدو. ائو صاحابی‌نین خانیمی ناهارا بیر ساده غذا بیشیریب، سوفرایا قویدو.
ملّا غذادان یئییب گؤردو چوخ دادلی‌دیر. اونا گؤره بیر یول دا ایسته‌دی و دادلی دادلی یئدی.
ملا او ائوی ترک ائدنده، چوخ تشکر ائدیب، او غذانین آدینی سوروشدو و دئدی ایستیرم منیم ده خانیمیم بو غذادان هر گون منه بیشیرسین. ائو صاحبی دئدی بو غذانین آدی «خشیل» دی.
ملّا نصر‌الدین او آدی یاددان چیخارتماسین دئیه، تکرار ائده ائده یولا دوشدو. خشیل، خشیل، خشیل، و...
یول‌دا بیر بالاجا آرخ‌دان کئچمه‌یه مجبور اولدو. آرخ‌دان آتیلاندا خشیل کلمه‌سی آغیزیندان سووا دوشدو. اونا گؤره سویا گیریب، او کلمه‌نی آختارماغا باشلادی. بو زامان‌دا بیر کیشی اونو گؤروب سوروشدو:
قارداش، نه آختاریرسان؟
ملّا دئدی: بیر دنه دادلی بیر شئی!
کیشی ده ملّا ایله برابر سووا گیریب، آختارماغا باشلادی. بیر آزدان سونرا سو بولاندی. کیشی دئدی: ملا قارداش سو لاپ بولاماج اولدو.
ملّا دئدی: آی قارداش ائله بیر زاد ایدی. آختارساق تاپاریق.
یئنه سویو آختارماغا باشلادیلار. بیر آزدان سونرا کیشی دئدی:
قارداش سو هؤرره اولدو.
ملّا دئدی: جانیم سنه قربان. یاخینلاشدیق. بیر زاد قالمییب.
یئنه آختاردیلار. بیر آزدان سونرا کیشی دئدی: قارداش سویو بو قدر قاریشدیردیق، لاپ خشیل اولدو!
ملّا دئدی: آی ساغ اول، یاشا، تاپدیم، خشیل، اؤزودور، خشیل. و یئنه خشیل خشیل دئیه دئیه یولا دوشدو!

آراز ائلسس 🎤
قمیشه باخ قمیشه✨

✳ تۆلکو یه گؤره آتالار - آنالار نه دئییبلر؟!

- سایمادیغین دئشیکدن ، تولکو چیخار.

- چوخ بیلمیش تولکو قویروغوندان تله‌یه دۆشر
- تولکویه دئدیلر شاهیدین کیم؟ دئدی قویروغوم

- تولکو وار باش قوپاردیر، قوردون آدی یامان چیخیب
- تولکو وار گؤز اویور، قوردون آدی چیخیب دیر

-آصلان قوجالسا تولکو قویروغونون اۆستونده یووا قویار

- قارنیندا قیرخ تولکو دولانار هئچ بیرینین قویروغو بیر بیرینه ده‌یمز

- تولکو تولکویه بویورور
تولکو ده قویروغونا

- آرا خلوت، تولکو بَی
دره سایخیش، تولکو بای قوش

- تولکو سیغمیر یوواسینا، بیر سوپورگه ده باغلاییب قویروغونا

- آصلان قوجالاندا تولکو بَی‌لیک ائدر.

- یاتما تولکو دالداسندا قوی یئسین آصلان سنی

- تولکو وار باش قوپاریر ، قوردون آدی پیس چیخیب

- تولکو دوواری سوواقلی باغا گیرمز

- تولکو یالنیز خوطبه دن قورخار

- تولکو تولکولوگون ثابیت ائله یینجه دریسین بوغازیندان چیخاردارلار

- تولکو توزاناغي سالما.

💥ایرواندا خان قالمادی خالق ماهنیسی ایله ایلگیلی معلومات