*ТОРТИШУВНИ БАС ҚИЛИНГ!

Улуғ саҳобийлардан бири айтади:
“Бизлар дин ишлари ҳақида тортишиб ўтирган эдик, Расулуллоҳ соллаллоҳу алайҳи ва саллам чиқиб қолдилар. Бизларни кўриб шундай қаттиқ ғазабландиларки, ҳеч ҳам бунчалик ғазабланмаган эдилар. Сўнг бизларни тўхтатдилар-да, насиҳат қилдилар:
– Эй Муҳаммад уммати! Сизлар шу нарсага буюрилганмисизлар?! Сизлардан аввалгилар худди мана шуни деб ҳалок бўлган эди. Тортишувни бас қилинглар, унда билим кам ҳосил бўлади. Тортишувни бас қилинглар, чунки киши (тортишганда барибир) тан олмайди. Тортишувни бас қилинглар, чунки тортишувчи бутунлай мағлуб бўлғусидур. Тортишувни бас қилинглар, тортишув туфайли гуноҳкор бўлиш бор. Тортишувни бас қилинглар, чунки мен тортишувчини қиёмат кунида шафоат қилмайман. Тортишувни бас қилинглар, чунки менга Раббим бутларга ибодат қилишдан кейин энг аввалги қайтарган нарсаси тортишувдур! Инсонлар орасида Аллоҳ энг ёмон кўргани ашаддий тортишувчидур!”.

🔰“Расулуллоҳ соллаллоҳу алайҳи ва саллам ҳаётидан лавҳалар” китобидан@Hikoyalar_olami_2020🍃*

#Назм *ҚАДРИГА ЕТИНГ

Қадрига етинг бўлса акангиз,
Қўлидан етакланг, бўлса укангиз.
Кун келиб, мабодо кучдан қолсангиз,
Бегоналар сари чопа олмайсиз,
Улардан бошқани топа олмайсиз.

Бошга кўтаринг, бўлса синглингиз,
Шу қизча кўтарар бир кун кўнглингиз,
Мудом интизордир, пойлаб йўлингиз.
Косада луқма-ошни юта олмайсиз,
Улардан бошқани топа олмайсиз.

Агар ёнингизда, бўлса опангиз,
Эмаклаб боринг-да, пойин ўпингиз.
Яккаю-ягона дуогуйингиз,
Бозордан бошқа бир опа олмайсиз,
Улардан бошқани топа олмайсиз.

Яхши кунда қадрин билинг ёрингиз,
Ўшадир номус, ўша орингиз,
Тарқалиб кетганда йўғу борингиз.
Кўз ёшни ўзгага сепа олмайсиз,
Ундан бошқасини топа олмайсиз.

Бугун шўх югурган жажжи болангиз,
Артади кун келиб, кўзда жолангиз,
Суйкалиб келса гар бошин силангиз.
Ўзганинг боласин ўпа олмайсиз.
Улардан бошқасин топа олмайсиз.

Оҳ, қадрига етинг бўлса онангиз.
Дуосини олинг бўлса отангиз
Тузатинг шу бугун бўлса хатонгиз.
Аттанг эшигини ёпа олмайсиз,
Улардан бошқасин топа олмайсиз.@Hikoyalar_olami_2020 🍃*

*Бир оқил зотдан сўрашибди:

- Коинотдан оғирроқ нима бор?
- Ердан кенгроқ нима бор?
- Денгиздан бойроқ нима бор?
- Тошдан қаттиқроқ нима бор?
- Оловдан даҳшатлироқ нима бор?
- Муздан совуқроқ нима бор?
- Заҳардан аччиқроқ нима бор?

У жавоб берибди:

- Одамларни ноҳақ айблаш коинотдан оғирроқдир.
- Ҳақиқат ердан ҳам кенгроқдир.
-Шукрли банда денгиздан ҳам бойроқдир.
- Мунофиқнинг юраги тошданда қаттиқроқдир.
- Золим ҳукмдор оловдан ҳам даҳшатлироқдир.
- Миннатчига муҳтож бўлмоқ музданда совуқроқдир.
- Хасад тўла қалб захарданда аччиқроқдир.

©Интернетдан.@Hikoyalar_olami_2020 ?*

#Ҳикмат *Баъзи бир «ўлдиришлар» ҳаёт бахш этади.
Боғбон дарахтларни бутамаса дарахтлар ривожланармиди?
Чевар матони парча парча этмаса либос чиқармиди?

✍ Мавлоно Жалолиддин Румий@Hikoyalar_olami_2020 ?*

#Ибрат *Муҳаммад соллалоҳу алайҳи васаллам ўз саҳобаларига:

« Ким ноҳақ бўлатуриб, баҳс-мунозарани тарк этса, унинг учун жаннат чекасида бир уй бино қилинади, кимки ҳақ бўла туриб тарк этса, унинг учун жаннатнинг ўртасидан бино қилинади. Кимнинг хулқи гўзал бўлса,  унинг учун жаннатнинг энг олий жойига бино қилинади», деганлар.@Hikoyalar_olami_2020 ?*

#Ибрат *Савдолашиш суннат. Лекин, бу суннатни суиистеъмол қилманг. Баъзан нарсанинг сўралган нархидан ортиқроқ бериш хам диндан.

Одамларнинг холис дуосини олиш у қадар қиммат турмайди, аслида.

Гадойга бериб дуо оламан деб ўйламанг. Уларнинг кўпи балки сиздан кўра кўпроқ топадилар.

Халол мехнат қилиб ризқ қидириб юрганлар бор. Уларнинг кўпи кунлик ризқларини аранг топадилар. Шуларнинг кўнглини олинг. Масалан, минг сўмлик иш хақи учун икки минг берасиз. Беш минг сўм сўраган мусофир аравакашга саккиз минг сўм берасиз. Қарабсизки, дунёда унинг учун сиздан яхши одам йўқ. Ичидан дуо қилади.

Ишингиздаги муваффақиятларингиз балки шундайларнинг дуосидандир...@Hikoyalar_olami_2020?*

*?«Фақат аҳмоқларгина 8 соат ухлайди»
✍Эрдал Демиркиран@Hikoyalar_olami_2020 ?*

#Ҳикмат *​​​​Агар, ота-оналар меҳнат қилаётган бирпайтда, фарзандлар кайфу-сафо билан банд бўлса, билиб қўйингки, уларнинг набиралари тиланчилик қилади.

✍Япон мақоли@Hikoyalar_olami_2020 ?*