يقول:
ما يكيدني طول مرجاك،
لو كان غير قتلي ارجاني،
نرجا اسنين واسنين نرجاك،
فداك عمر والعمر فاني♥️،#صوب_غلاي

وفيك ارماق وبرمة ساق، وعين كما عين أم سباق وعندك سهرايه برواق ، بها ما نهون تجلي عالخاطر لغبون ، انتِ يا ونسة ??.

قديمًا:
ايفصّــل ونلبَـس والــعلل بالغايـة ..
ويحلف عليّ اوحدَه شرْب امويّه ?..

الآن:
يصِير ڪلّ شِي ويهُون مَيش قضيّة..
نــا فـــي عزيـــز الّيي تبـــدّل ديّـــه! ..

#صوب_غلاي

#قعده_بدون_ذكر_اسماء

في احد قرى المنطقه الشرقيه ، سارت قعده والتمو فيها اشوي شعراء ،والجيره والاصحاب ،الملفت فالامر انه في بنت فالقريه هذ معروفه بسماحتها وهلها عصاره وهي وحيدة بوها وامها لكن ثقيله وواعر هزها وعنها عمها شبوب اتطيح دونه وهو مأمن اسرارها، وحشاكم في ذكر فالقريه هذا امغير محسوب #مالرجاله الا هو حشا الرجاله منه ،تما كل ما يعلم واحد يبي البنت هذ يمشي يشوه سمعتها عنده وايحط فيها مية عيب ،الحاصل فالقعده هذ جوفيها هل البنت والشعراء وفي من المعازيم اللي كان يبي البنت هذ ،واغلب اللي قاعدين عارفين قصتها ،وعارفينها اكويس
ناض واحد من الغنايه قال :
اللي عنده فاهق يطريه..... الليله نبي انعزي فيه
ناض اول واحد يبي البنت :قال
كنت الا ناويه مرادي...لكن سومه عدا غادي
ناض الثاني قال :
كنت الا ننويه نصيبه....غالي لولا جاني عيبه
قال الثالث :
نحسابه عصران وغالي.... لكن مو امغيب لا والي
المهم اللي فالخيمه اعرفوا انهم يعزقوا ف ادواس عالبنت وهي مضلومه
ناض صاحب بوها قال :
عين الريم اللي اخسرتوها ....لي ماطالوها عابوها
ناض عمها قال :
ماضرتها قولت قاله ...مالمحسوب على الرجاله
ناض اللي شوه سمعتها قال :
ظالم نشهدبالله اني... شوهته غالي قاهرني
_قوين الشتاوي بينهم نين الي فالخيمه اعرفوا الموضوع وانهم غلطاني فالبنت
اشوي قال بوها هيتو المايك جاي :قال:
هذا هو احواش العمر.... ياقايل خطا في حقها
ناض واحد قال :
احواش العمر انغير عليه.... انكنك ياشايب تعطيه
رد بوها في غناوه وقال :
حتى لو اتغير عليه..... ايجو وراه ردات ياعلم ?
_وحلف بوها ماهو امعاطيها للوالي وحط العيل لي شوهها في ميعاد ،ويوم مالايام البنت جا نصيبها واحد من بنغازي ،اشوي يوم طلعتها باتها قال :
تهنيت اليوم عليه.... احواشي اللي لطوبها ❤️.
_
#صوب_غلاي

ابرمت فيك ريح الفقد..
يا دار قبل كنت عامرة...!?

صبرك خير انكان قدرتي ...
واجد ياعيني مادرتي?

﮼عمر العين بداء يَ دوبه ، والي فاتت مو محسوبه ?.

موسي العبد

نبذه بسيطه عن الشتاي موسي العبد

لاحظت في الفتره الاخيره من بعض متابعي صوب خليل
واغلبهم من الجيل الجديد لايدلون بأي أهميه للشتاي الكبير موسي العبد ....

ومن أجمل م قال

1. ماعد فينا ما دزينا ___ والي فيه نصيب أيجينا
2. قتال غلاي الله غالب____ لا يجلا لا يطالب
3. القينالك يا عين أصحاب ___ شحم في ذروه عام أجداب
4. مامن شيخ قبيله تما ____ براني بين ضنا عما
5. تعتا تمطر ليل نهار ___ عليهن ودياني لكبار
6. نقا كان سكتي وانتي ___ فيك أدموع علي كاينتي
7. فيه الي مادرت أحسابه ___ ساكت نين لهطني نابه
8. حتي لاطرش خرفتنا____ وتقولن مايسمع كنه
9. غلانا كي ورثت ليتام ___ أيرد عليكم يا ضلام
10. حتي والراعي بعصاته ___ ذيب الدنيا نيب شاته.

القليل من الكثير من القاموس العبد....
وقد أجاد الوصف من لقبه بالدجيتل

ودمتم بالف خير أعضاء الجمله

وكل عام وانتم بخير.......

رميت او جاعي بين ايدك
مرايف ياعزيز عليك ?.