ချစ်သူကို စိတ်ကောက်အောင် ပြုလုပ်ခြင်းသည် နိုင်ငံတော်ပုန်ကန်မူအရတဲ့
ဒီလိုဆို ကိုကိုရယ်
နှလုံးသားနဲ့ ပြောမယ်
‌နှလုံးသားနဲ့ လေးနက်စွာ နားထောင်
မိသားစုဆိုတဲ့ ကျွန်းလေးမှာနေပြီး
ကိုကို့ရင်ခွင် အခြေချနေနိုင်မဲ့ ပြစ်မူကို ခံယူပေးပါ။

-ရှင်လွန်းညို

ချစ်သူသို့(၂)

ဒိုက်သရောမှတ်ဉာဏ်တွေကို
ချစ်သူရဲ့ ချစ်ခြင်းတရားနဲ့
ဖြေဖျောက်စေနိုင်ခဲ့တာပါ။

တူနှစ်ကိုယ် သံယောဇဉ်လေးရစ်ဖွဲ့လို့
နှလုံးသားလမ်းညွှန်မြေပုံလေးဆီ
ရဲရဲလှမ်းကြစို့လားကွယ်။

-ရှင်လွန်းညို
(၂၀၂၄..ဒီဇင်ဘာ)

ချစ်သူသို့(၁)

ကမ္ဘာကျော်အဆိုအမိန့်‌တွေလောက်
အဖိုးတန်တဲ့ ချစ်သူ့စကားသည်သာ
ဘဝလိူင်းတံပိုးဒဏ်ကို
ဖြေဖျောက်စေနိုင်တာပါ။

ချစ်သူရဲ့ယုယမူတွေသာလျှင်
သည်လူကို ကမ္ဘာကုန်ကျယ်စေခဲ့တာပါကွယ်။

-ရှင်လွန်းညို
(၂၀၂၄..ဒီဇင်ဘာ)

မလွဲချင်ဘူး အချစ်ရယ်
ဘယ်ဘဝရောက်ရောက်
ခွဲခွာရခြင်း ဒုက္ခမှ
ကင်းလွှတ်ပါရစေ။

-ရှင်လွန်းညို

မတည်မြဲချင်းနိယာမကို
လက်ကိုင်စွဲထားတဲ့ကိုယ်က

မင်းရဲ့ထာဝရအချစ်အကြောင်းကို နားထောင်မိတိုင်း ပြုံးမိတယ်

လူဆိုတာ တွေ့ဆုံကြုံကွဲပဲမို့
တွေ့ဆုံတုန်းကလဲဝမ်းမသာသလို
ခွဲခွာရတဲ့အခါလည်းထူးပြီး ဝမ်းမနည်းပါဘူး

ဒီလိုပြောလို့ ကိုယ်ဟာခံစားချက်မရှိဘူးလို့ပြောရင်တော့
ကိုယ်ရဲ့ ကဗျာဆန်တဲ့စိတ်က ရယ်သွမ်းလျက်ပါ

ပဋိပက္ခတွေ များပြားတဲ့ကိစ္စတွေကြားဝင်မပါချင်ရုံကြောင့်သာ
ကိုယ့်ရဲ့နှလုံးသားကို ဒဏ်ခက်ခဲ့တာပါ

တစ်ခါတစ်လေ ပြစ်ဒဏ်ကကြီးလေးတော့ ပင်ပန်းရမိတယ်
ဒါပေမဲ့ မတတ်နိုင်ပါ
ရွေးချယ်ခဲ့တာကိုယ်တိုင်မို့
ကိုယ်ပဲ အဆုံးထိတာဝန်ယူသွားရမှာပါပဲ

-ဘန်နီ ( ဒိုင်ယာရီထဲက စာတစ်ချို့ )
11st September, 2024

#Bunny ?

*မမေ့နိုင်တဲ့စကားတွေနဲ့
အိပ်မရတဲ့ဒီညကိုမုန်းလိုက်တာ

တော်ရုံမေ့လွယ်တဲ့ကိုယ်က
မင်းကိုတော့ မေ့မရဖြစ်နေတယ်

စကားသံတွေကပြန်ကြားယောင်ပြီး
ရင်တွင်းလဲဗလောင်ဆူနေရတယ်

ကျေးဇူးပြုပြီး
တရေးလောက်အိပ်ပျော်ပါတော့*

-ဘန်နီ
11st September, 2024

#Bunny ?

"မိုးညအလယ်က ခြေရာ"

လွတ်လပ်သွားတာလား လွတ်ထွက်သွားတာလားမသိတဲ့ စိတ်‌တွေနဲ့ ထွက်ပြေးခဲ့တဲ့ ညတွေဟာ အစိုးမရတော့တဲ့ မျက်ရည်တွေကို အလံဖြူပြနေတဲ့ မျက်ဝန်းတွေအပေါ် ခိုကိုးနေတယ်

အတွေးလွန်ခြင်း မီးတိုင်အောက်က စိတ်စေရာ ပိုးဖလံငယ်တွေ တစ်ဖြေးဖြေး အတောင်တွေကို မီးလောင်ကြွမ်းစေပြီးတော့ သေဆုံးခြင်းလမ်းကို ရွေးနေသလိုမျိုး

တစ်လောကလုံးနဲ့ တစ်ယောက်လဲခဲ့တာလည်းကိုယ်၊ ခံစားချက်တွေ မပြင်းထန်စေချင်ခဲ့တာလဲ ကိုယ်

လွှတ်ထုတ်လိုက်တဲ့ ခံစားချက်တွေဟာ အသက်ရှူသံနဲ့တစ်ကွ လေပြည်ကို ဆိုတယ် ငါ ဒီလူ့ခန္ဓာထဲမှာ ရှိခဲ့တာ ဖိအားများလိုက်တာတဲ့

ရေမွှေးနှင်းဆီနံ့ ရတယ်၊ ပိတ်လှောင်ပစ်တော့မယ့် အရာကို နောက်ဆုံးအကြိမ်နှင်းဆီတွေနဲ့ နှုတ်ဆက်နေပါလား

ဘယ်သူပိတ်လှောင်ခံရမှာလဲ၊ မြေစာပုံထဲကို ‌တစ်ဖြေးဖြေးဝင်တော့မယ့် ခြေလှမ်းတွေ ကျွန်တော် သဲနွန်မှာ နစ်တယ်

အကောင်းဆုံးအရာတွေကို မျှော်လင့်ထားသလို အဆိုးဆုံးအရာကိုလည်း လက်ခံထားပါတယ်၊ ငါဘယ်အချိန် ထွက်ခွါရတော့မလဲ ဆိုတာလည်း ခံစားမိတယ်

ငါ့ရှင်သန်ချိန်တွေ တိုလှတယ်...

#Rei

ကျွန်မက မောင်လို့ တင်စားတဲ့ အမျိုးသားလေးကို
ထိုမိန်းကလေးက အကိုတဲ့လေ။

ကျွန်မ ရင်ခွင်ထဲ ဆိုးနွဲ့တက်တဲ့ အမျိုးသားလေးက
ထိုမိန်းကလေးကို သူ့ရင်ခွင်ထဲ နွေးစေပြီ။

-ရှင်လွန်းညို

အတွေး နှင့် လူ့

ခြောက်သွေ့တဲ့ လေပြင်း
မှောင်မိုက်တဲ့ ညဥ့်ဦးယံ။

လွမ်းဆွတ်တဲ့ အတွေး
နာကျင်တဲ့ အသွေး။

သိမြင်လာတဲ့ အသိ
ချိုမြိန်တဲ့ အာရုံဦး
သာယာတဲ့ ဥသြမှင်သက်သံ။

တုပနေသော လူသား ၊
သဲနကျောက်ခဲ သဖွယ်ပင်
ပေါင်းစပ်၍ပင် မရချေ။

#Ding
May, 14 , 2024

ခြောက်သွေ့နေသော ညဥ့်ဦးယံ အချိန်မှာ တရေးနိုးလာတဲ့ လူငယ်လေး တစ်ယောက်၊

လူတွေရဲ့ အတ္တကြီးမှု၊ မမေတ္တာတရား၊ခေါင်းပါးလာမှု၊ သီလမစောင့်ထိန်းကျခြင်းတွေ၊နဲ့ နာကျင်ဖို့ကောင်းလာတဲ့ အသွေး အသားတွေ၊ လူတွေ အကြောင်း သိမြင်လာတယ်၊

အာရုံဦးရဲ့ နွေးထွေးတဲ့ နေရောင်ခြည်လေးကြောင့်တာယခုထိတည်ရှိနေရတေးကြောင်း

( လူတွေဟာ လူဖြစ်ဖို့ ) ကြိုးစားနေကြတာသဲနဲ့ကျောက်ခဲလို ပေါင်းစပ်လို့တောင်

မရနေတာမို့ ဥသြငှက်လေးက လှောင်ရယ်သလိုလိုနှင့် မှင်သက် အံ့သြနေပါသည်
ဟုအဓိပ္ပါယ်ရပါတယ်။

အချစ်က နှလုံးသားမှာနေရာယူထားတဲ့ သောကြာနာမ်လေးနဲ့ စတင်လာတယ်။
ကံအကောင်းဆုံးတွေ့ဆုံခြင်းဟာ ရှင်ပါလို့ ကင်မွန်းတပ်ပါရစေ

ကဗျာတွေ မချစ်တက်သော
ပန်းတွေ မပျိုးတက်သော ရှင့်ကိုမှ
နှလုံးသားထဲ နက်နက်ရိူင်းရိူင်းသဘောကျခဲ့တယ်

အချစ်က ‌ရှင် ဖြစ်နေလို့ ကျွန်မချစ်ခဲ့တယ်။ ဒီဘဝမှာ ရှင်သန်ခြင်းရဲ့အဓိပ္ပာယ်ကို ရှင့် ပါလို့ သတ်မှတ်မယ်။

တစ်ယောက်ထဲနဲ့တင် လုံလောက်တဲ့သူမို့ ရှင့်အချစ်နဲ့တင် ပြီးပြည့်စုံနေပါပြီ။
တစ်ပြည်ထောင်စနစ်မှာ ရှင့်လက်ကိုဆွဲကာ ရေကြည်ရာ မြက်နုရာ ခရီးတွေသွားချင်တယ်။

မတူညီသောနေရာဒေသတွေနဲ့ ဒီဘဝ၊ ဒီသံသရာ ရှင့်တစ်ယောက်ထဲကိုပဲ သစ္စာရှိ ချစ်သွားမယ်။

အချစ်ရေ
ကြုံတွေ့လာသော ကောင်းခြင်းဆိုးခြင်း ရင်ဝယ်ပိုက်ကာ
ရှေ့ဆက်လျှောက်မဲ့ ဘဝခရီးအတွက်
တစ်ယောက်လက် တစ်ယောက် တွဲစို့...။

-ရှင်လွန်းညို