10 Monate her

◾စစ်ကောင်စီသည်၎င်းတို့ စီမံခန့်ခွဲမှုညံ့ဖျင်းခြင်း‌ကြောင့် ဖြစ်လာသည့်အမှားကို ရွှေဆိုင်ပိုင်ရှင်များထံ ထိုးချကာဓားစာခံ လုပ်ခြင်းဖြစ်သည်

"ဒီနိုင်ငံမှာ ရွှေဈေးပြောင်းလောက်အောင် ဆော့နိုင်တာ လူတန်းစားတစ်ရပ်ပဲရှိတယ်။ အဲဒါ စစ်တပ်နဲ့ပတ်သက်တဲ့ အသိုင်းအ၀ိုင်းပဲ။ ဖမ်းရင်သူတို့ကိုအရင်ဖမ်းရမှာ။ ရွှေဆိုင်ပိုင်ရှင်တွေက အရောင်းအဝယ်ကမြတ်တဲ့အမြတ်ကိုပဲမက်ကြတာ။ ခု ရွှေဈေးတက်တော့ ရွှေဆိုင်ပိုင်ရှင်တွေ ပျော်တဲ့သူမရှိဘူး။ ဒီလိုဈေးတွေကမောက်ကမဖြစ်နေတော့ အရောင်းအ၀ယ်မှမရှိတာ ကျနော်တို့က ပုံမှန်အရောင်းအဝယ်လေးနဲ့ နေ့စဉ် ရောင်းဝယ် ရှေ့ဆက်ချင်ကြသူချည်းပဲ" ဟု ရွှေဆိုင်ပိုင်ရှင်တဦး ကပြောသည်။

စစ်ကောင်စီက ငွေအသစ်များရိုက်ထုတ်‌နေခြင်း၊ နိုင်ငံခြားရင်းနှီးမြုပ်နှံမှုများမရှိတော့ခြင်း၊နယ်စပ်ကုန်သွယ်ရေးရပ်ဆိုင်းသွားခြင်း၊နိုင်ငံဘတ်ဂျက်အလွန်မင်းလိုငွေပြလာခြင်း စသည့်စီမံခန့်ခွဲမှုညံ့ဖျင်းမှုကြောင့် ဖြစ်ပေါ်လာသော ရွှေစျေးတက်ခြင်းကို ရွှေဆိုင်ပိုင်ရှင်များအား ဖမ်းဆီးရန်ကြိုးစားခြင်းသည် ၎င်းတို့ စောက်သုံးမကျမှုကြောင့်ဖြစ်ပေါ်လာသောအပြစ်ကို ကောင်းရောင်းကောင်း၀ယ်လုပ်စားနေသည့် ရွှေဆိုင်ပိုင်ရှင်များထံ ပုံချပြီး ရှောင်လွှဲဖို့ကြိုးစားနေခြင်းသာဖြစ်သည်။

159 #

10 Monate, 2 Wochen her

တော်လှန်ကဆုန်ညောင်ရေသွန်းပွဲတော် (၁၃၈၆ ခုနှစ်)

နေ့ထူးနေ့မြတ်တစ်ခုဖြစ်တဲ့ ကဆုန်လပြည့်နေ့ ကာလမှာ ဘုရားကျောင်းကန် စေတီပုထိုးတွေဆီ သွားရောက် ရေသပ္ပာယ်ကြ၊ ဗောဓိညောင်ပင်မှာ ရေသွန်းလောင်းကြ၊ ကုသိုလ်ကောင်းမှုတွေ ပြုလုပ်ကြရင်းဖြတ်သန်လေ့ရှိကြပါတယ်။

ယခုကာလဟာ ဖက်ဆစ်အာဏာရူးတသိုက်ကို လူထုအားနဲ့ ခုခံတွန်းလှန်နေကြတဲ့ ပြည်သူ့တော်လှန်ရေးကာလဖြစ်ပါတယ်။

ဒီတော့ ဒီနှစ် မေလ ၂၂ ရက်နေ့၊ ကဆုန်ညောင်ရေသွန်းပွဲတော်ကိုလည်း တော်လှန်ရေးဆန်ဆန် ဆင်နွှဲကြဖို့ အထူးတိုက်တွန်းလိုပါတယ်။

တော်လှန်ရေးဆန်ဆန် ဆင်နွှဲတယ်ဆိုရာမှာ စစ်ကောင်စီ ထိန်းချုပ်ရာဒေသတွေမှာတော့ ဥပမာအားဖြင့် -

- ညောင်ရေအိုးများမှာ တော်လှန်စာ၊
- တော်လှန်ဆုတောင်းများ ရေးသားကြတာ၊
- လက်သုံးချောင်း တော်လှန်ရေးသက်ေတ ရေးဆွဲကြတာ၊

- ညောင်ရေသွန်းလောင်းကြရင်းနဲ့ အာဏာရှင်စနစ် အမြန်ဆုံး ကျရှုံးပါ‌စေ၊
တော်လှန်ရေးကြီး အမြန် အောင်မြင်ပါစေ ....

အစရှိသဖြင့် တော်လှန်ရေးအတွက် ဆုတောင်းဆုပန် ပြုကြတာ၊ လပြည့်နေ့ ကုသိုလ်ကောင်းမှုပြုကြရာမှာ တော်လှန်ရေးကို တိုက်ရိုက်အကျိုးပြုမယ့် ကူညီ၊ ထောက်ပို့၊ လှူဒါန်းမှုများ ပြုကြတာ အစရှိသဖြင့် မိမိတို့ အဆင်သင့်သလို၊ ဉာဏ်ရှိသလို ဖော်ဆောင်ကြတာကို ဆိုလိုပါတယ်။

တော်လှန်ရေးအင်အားစုများက စိုးမိုးထိန်းချုပ်ထားတဲ့ နယ်မြေဒေသများမှ ပြည်သူလူထုအနေနဲ့ကတော့ ကဆုန်လပြည့် တော်လှန်ညောင်ရေသွန်းလောင်းပွဲတော်ကို တော်လှန်ရေးပုံရိပ်များ ဝေဝေဆာဆာနဲ့ အင်ပြည့်အားပြည့် ဖော်ဆောင်၊ ဆင်နွှဲကြဖို့ အားခဲထားကြပါတယ်တဲ့ခဗျာ။

ကျနော်တို့ အဆုံးသတ်အောင်ပွဲမှတ်ကို အမြန်ဆုံးရောက်ရှိဖို့အတွက်ကလည်း ပြည်သူ့အား၊ ပြည်သူ့ရုန်းကန်မှု၊ ပြည်သူ့အထွေထွေအုံကြွတော်လှန်မှုက အခရာအကျဆုံးပဲ ဖြစ်ပါတယ်။ ဒါကြောင့် ပြည်သူတစ်ယောက်ချင်းစီအနေနဲ့ တက်စုံဖွင့် ရွက်ကုန်လွှင့်ရင်း အာဏာရူး စစ်ကောင်စီ ရဲ့ ဆုံးမှတ် ဖြစ်စေဖို့ ချီတက်ကြဖို့ တိုက်တွန်းလိုက်ရပါတယ်။

#May22
#FullMoonDayMovement
#တော်လှန်ညောင်ရေသွန်းပွဲ
#AJAY

236 #