📚 بیلدیر (۱۴۰۲) بهمن آیی، قیرخا آیاق باسدیغیم گون، «ایندی او نئچه ثانیه عذابی منه چکدیرن قاضینین قارنیندا نه‌لر یاتدیغینا هردن دوشونمک ایسته‌سم بئله فیکریمی یایارام کی چوخ دا حاقدان چیخمایام.» آدلی رومانیمی PDF اولاراق یایدیم.

🔹 ایللر بویو (۱۳۹۵دن بری) چالیشدیغیم، ایکی کره اتک‌دن باشا یئنیدن یازدیغیم بیر رومان.

🔹 بیر ایل یاییملانماسیندان کئچمیش، ایکی نفرین بو رومانی اوخودوغونو کسین بیلیرم. بیر اوچونجوسو رومانین بوتونونو اوخوموش‌مو؟ بیلمیرم (سانمیرام دا!)

🔹 چتین اوخونولان بیر رومان‌دیر. اوسته‌لیک کاغاذ اوزرینده ده دئییل. اوخونولماماسی چوخ نرمال. کیمسه‌نی قینامیرام.

🔹 گؤزه‌لرده بیر داها یاییملانماسینی ایسته‌دیم.

✅ ایکی اوخوجودان ایکی اولوملو یوروم، اوخوجولاری وریندن یوزده یوز باشاریلی بیر رومان اولدوغونون قانیتی!

😊 موتلویامم.

🌐 https://t.me/sharifmardi

?آلبومون آدی:
2002 - Mizu ni Inori te (Pray For Water)

?بسته‌کار: کیتارو

?سبک: new age

? @oykumuz

‍ #آلت_شیفت_شعر  کیتابیندا گئدن اؤنسوز

«شعر ترجومه‌ده، دالغالارین ساحیله گتیردییی یابانچی جسده اوخشاییر» دئییر کئوین پروفئر. بو یوزومدان شعرین ترجومه‌ده اورژینال واریانتیندان داها فرقلی اولدوغو، زده‌لندییی و یا ترجومه اولمازلیغی‌نی آلقیلاییریق. بلکه ده ترجومه باره‌سینده ان تانینمیش باخیشلاردان بیری ده ائله بودور اما بیر طرفدن ده همیشه ساحیله گلن جسد اؤزو ایله چیغلیق و قارغاشا گتیرر. بو او دئمک‌دیر کی شعرین ترجومه‌سی مقصد دیل و کولتورده اؤزونه مخصوص دَییشیم‌له یاناشی‌دیر و بعضا بو دَییشیم او قدر ائتکی‌له‌ییجی و تاثیرلی اولور کی، اورتامین تام دَییشیک بیر دوروما گلدییی ایله سونوجلانا بیلیر.
هر بیر ادبیاتین قاچینیلماز و مووجودلوغونو قورویان چیخیش یوللاریندان بیری‌، دونیا ادبیاتی ایله آیاقلاشماق و سینیرلاری آشماق‌دیر اما دونیا ادبیاتینا قوشولماق ایسته‌یی آنجاق دونیادا یارانان شعر و ادبیات آخیملارینی تانیماق‌لا حیاتا کئچه بیلر. یعنی اؤنجه یولو تانییب سونرا یولا چیخماق اولار. اؤزونه مخصوص یولونو سرگی‌له‌ییب تانیتدیرماق و اؤز جیغیرینی خریطه‌یه سالماق بو ایشله اولاسی‌دیر. بئله‌لیکله ترجومه صنعتی هر ادبیاتدا یول خریطه‌سی قونومونا صاحیب اولدوغونا گؤره اولدوقجا ضروری بیر ایش ساییلیر. طبیعی کی قاپیلاری باغلاییب، تکی بیربیریمیزی اوخویوب اؤیمک؛ قاپی‌سیز و پنجره‌سیز بیر اوتاقدا بیر سیرا معلوم بیچیم و ایچه‌رییی دورمادان گه‌وشه‌مکدن باشقا بیر شئی دئییل. بو اوزدن ان آزی بو یولدا داها قیوراق آددیملارلا یورومه‌یه چابا گؤسترمه‌لی‌ییک. و بیزی سینیرلارین اؤته‌سینده‌کی اؤلکه‌لرین ادبیاتی‌یلا گؤروشدورن کؤرپولری قوراشدیرمالی‌ییق.
بو کؤرپولرین مؤلف و معماری ایسه چئویرمن‌لردیرلر، ائله اونا گؤره‌ ده چئویری صنعتی‌نی داها آرتیق آکتیولشدیریب، گلیشدیرمه‌لی‌ییک. یابانجی دیللرده‌کی بوتون اثرلر ائله بو صنعت و بو صنعت‌ده چالیشانلارین آراجیلیغی ایله بیزیم اوچون اوخوناقلی اولور.

اؤنونوزده‌کی کیتاب یوخاری‌دا وورغولانان مسئله‌لردن دولایی یارانان ایدئا اوغروندا چابامیزدان عیبارتدیر. ۱۳۹۵ ینجی گونش ایلیندن باشلایاراق اینترنت اوزره شعرکولیک آدیندا بیر دوشرگه‌ده دونیا ادبیاتینا یؤنه‌لیک فعالیتین باشلاماسیندان یئددی ایل کیچیر. واختی ایله آلدیغیمیز قرارا اساسن ترجومه‌یه آلینان اثرلر شاعرلرینین آد و شهرتی اعتباری ایله دئییل اثرلرین  چیخاری و نیسبی اولسا دا آشیلادیغی گؤزللیک و دوشونجه ائتکی‌سینه گؤره سئچیلمیشدیر. اثرلرین گوونلی قایناقدان اولمالاری اساس شرطلردن بیری ایدی و بو قایناقلار کیتاب، درگی‌ و اینترنت سایتلاریندان عیبارت اولموشدور. ترجومه یؤنتمیمیزده موستقیل اولاراق اورژینال متنه او قدر ده صادیق قالماماق و تورکجه‌میزه یاتقین بیر طرز گؤز اؤنونه آلینمیشدیر. آلمانلی ادیب و دوشونر هانس وئرمئر-ین اسکوپوس قورامینا گؤره کلاسیک ترجومه یونتملرینین ترسینه اولاراق، متنین ترجومه‌سینین نئجه‌لیینی، ترجومه‌نین هدفی، ائله‌جه‌ ده مقصد دیلین موخاطبلرینین احتیاج و گؤزلنتی‌لری بلیرله‌ییر‌. بو قورام متنه صادیق قالما ایلکه‌سینی سورغولاییب مبدأ دیلی اؤز قونومو و کراللیق تاختیندان سالاراق مقصد دیلین اهمیتینی وورغولایییر. وئرمر مبدا دیلده یارانان اثرین بللی بیر موخاطب و کولتور اوچون اوره‌دیلدییی، ترجومه‌نین ایسه باشقا بیر کولتور و اوخوجو کوتله‌سی اوچون یارادیلدیغینی دئیه‌رک ترجومه‌نی موستقیل و یئنی بیر اثر کیمی موخاطبین دیل، کولتور اؤزللییی و طلبلری گؤز اؤنونه آلینمالی اولدوغو قناعتینده‌دیر. «بئله‌لیکله چئویرمن چئویری گئدیشینده اختیارسیز بیر واسیطه‌دن تعیین ائدیجی بیر عامیله چئوریلیر». بو طرزده چئویریلمیش بیر شعر بیر داها اورژینال دیله چئوریلرسه اوولکی افکت‌لی شعر دئییل بلکه‌ده تام فرقلی بیر یارادیق گؤز اؤنوموزده اولاجاق. بو اؤزللییه یوزوم اولاناغینی دا اکله‌رسک، بو کیتابداکی گئدن شعرلرین ایکینجی دیلدن چئوریلدییی گرچه‌یی، مسئله‌نی داها دا فرقلی بویودلارا گتیریب چیخاریر؛ یعنی دئمک اولار کی اؤنونوزده‌کی بو کیتاب دالغالارین ساحیله گتیردییی جسدی بیر داها دالغالارا قایتارماق کیمی دیرلندیریله بیلر. کتابدا دا درج اولان بلژیکلی شاعیر وئرنر لمبرسی دئییر کی: «شعر اؤلومون اؤلومودور» اما بیز دئییریک کی ابدییلیک دئیه بیر شئی اولمادیغینا گؤره ترجومه اؤلومون خورتلاماسی‌دیر.

عیسی زینی
زامان پاشازاده

telegram.me/sheirkolik

? دؤردونجو ائپیزوددا سون ایللرده آذربایجانیمیزدا یایینلانمیش اوچ رومان‌دان دانیشمیشام.

? اله آلدیغیم رومانلارین اورتاق نوقطه‌لری تاریخی بیر اولایا دؤنرک دونیالارینی قوروب آنلاتمالاری‌دیر. تراوماتیک اولایا دؤنوش طرزلری و قوللاندیقلاری دیل واسیطه‌سی‌یله اولایین آنلاتیجی ذهنینده نئجه تثبیت اولدوغونو گؤسترمه‌یه چالیشمیشام.

? یاییملانما سیراسی‌یلا اوچ #رومان بونلاردیر:

1⃣ #بوغاناق ـ محمد ملک‌نژاد 1396؛
2⃣ #ایتن_کؤلگه‌لر ـ ارسطو مجردی 1397؛
3⃣ #اومسوق ـ احمد روستم‌اوغلو 1399.

✅ #اله‌شتیری
✅ #تنقید
✅ #رومان

#حیکایه

?حیکایه‌نین آدی: مارادونا

✍️ یازار: رضا حسینی مرند

? اؤیکوموز، آذربایجان مودئرن ادبیات و حیکایه کانالی

? @Oykumuz