السيده زينب عليها السلام
وجع بالروح صاباني ...... ولم عين
السبب ماضل اخو عندي .. ولامعين
رحت لحسين الم ضلعه ... ولم عين
شفت ضلعه وذكرت امي الزجيه.

علي سعيد

آه اعليچ يافاطمه

ــــــــــــــــــــــــــــــــــــــــ

يهب عطر الجنان امن الفظ احروفچ
يَـكعبه وقبلة الله اتلبي واتطوفچ
شگولن والرسول امقبل اچفوفچ
عهد يم الحسن وياچ ماعوفچ

انتي الماي لو مر ضمه

ــــــــــــــــــــــــــــــــــــــــ

يَمن گبل الوجود الرب رفع قدرچ
وجعل مُستودع لأسراره في صدرچ
الشمس شمسچ يَفاطم والبدر بدرچ
ونه اتشرف تُراب وأنسحگ حدرچ

سر والكون ما يفهمه

ــــــــــــــــــــــــــــــــــــــــ

يَحُجه اعله الحُجج مذكوره بِـرْوايه
يَكفو لحيدر وتكفيچ بس هايه
ابمقامچ راح اسولف بس هلحچايه
الچ كل الرُسل  قَرَّت بالولايه

صيتچ ذاع أرض وسمه

ــــــــــــــــــــــــــــــــــــــــ

عظيمه ومن عظمتچ شرفاچ الرب
لرضاچ الباري يرضه وللغضب يغضب
أذن خيعونه  لبمجلس عزائچ  طب
إله  اتكونين  من حبل الوريد  اقرب

عونه النال هلمرحمه

ــــــــــــــــــــــــــــــــــــــــ

خدم وابمجلسچ  يافاطمه الزهره
علينه انريد منچ يم حسن نظره
نحلفچ بالضلع والعصره والسطره
خدم خلينا عد الهشمو صدره

للمخضوب شيبه ابدمه

ــــــــــــــــــــــــــــــــــــــــ

خدم خلينا للحرگوها خيمتها
وحبل شدو اديها وذبحو اخوتها
العقيله المن جلوس الليل صلتها
وأشدها اعيون أهل الشام شافتها

وإلها متون متورمه

ــــــــــــــــــــــــــــــــــــــــ
الشاعر سيد علي عبدالزهره الناجي

ليلة ١٣/جمادي الأولى /١٤٤٦هجري
السبت 16\11 \2024 ليلة
استشهاد مولاتي السيده فاطمة
الزهراء عليها السلام
الروايه الأولى #قصائد1446هج

عليه ألصار ما صاير ولا دار
ولا حيدر رعوا حقه ولا دار
يدمعي شما تريد در ولا دار
على ألزهره ومصيبته الرزية
...........................................
المصايب والحزن صارن سملهه
وهي ألما لبست فضه سملهه
يا وسفه بحچي دسوا سملهه
ولــن نار ألعده تسعر سريه
...........................................
مـا يوم الدهر بشــر وسره
بحبال الحقــد شـــده وسره
هظيمة الناس جهلته وسره
وهم يدرون بت سيد ألبريه
...........................................
ليش الفرح بالدنية ما تمله
وملاك ألسمه نصبت ما تمله
وهي فگدك يوالده ما تمله
تنوح وتنتحب صبح ومسيه

شهيدة الامامة

عمري الوجودك فدوه
اوياك الـمواقف تسوه
لجلك يحيدر ضحيت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
آنه بمقامك عارفه .. وهذا سبب تضحيتي
البسمار اخذ حيلي ومشه .. والباب أخذ عافيتي
كله اعله مودك ياعلي .. غير أنته كشخة بيتي
ربيتلك أعظم ولد .. وانطيتهم حنيتي

اگبالك اغطّي السطره
خاطر اصون العشره
طردوني حته من البيت
وانكسر ضلعي وناديت
عمره الوجودك فدوه
ــــــــــــــــــــــــــــــــــــــ
عصروني بالباب وطحت .. طيحت شمس من قمه
يافضه أدركيني صحت .. راح الولد من أمه
امقدره احساسك ياعلي .. ومااريد ازيدك لچمه
وجه ابوجه من نلتقي .. عنك اغطي اللطمه

مثل الشمع بسكوتي
من أبچي اخفض صوتي
يمك علي ماونيت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
عشرتنه چانت ياعلي .. بالدنيه اجمل عشره
مايوم زعلتك ولا .. قولك اخالف أمره
تاج الـولايه أنته علي .. وبالتاج آنه الشذره
لله حبيتك علي .. وانته تحب الزهره

ابوجهك محمد شفته
اسمك حرز شايلته
مايوم عني اتخليت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
ماهمني بسمار النبت .. بضلوعي همني احساسك
ايأذيني ظل حته الهوه .. ومحتاجه اشم انفاسك
أهل السقيفه وكل حكم .. ياعلي جوه امداسك
لومتت لاتحفر گبر.. خليني شيبه براسك

موزوجي احس بيك ابني
وآنه ادري حيل اتحبني
يمك أظل اتمنيت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
أذكر احاديث النبي .. عنك اشگال وعني
گال اليحبك ياعلي .. معناهه هم ايحبني
وآنه الله لو أرضه رضه .. ويغضب عله الزعلني
كل هذا والثاني جسر .. شال ايده حيل وطگني

طگني وطحت ياحيدر
والقرط مني اتناثر
شكوه الـمحمد وديت
وانكسر ضلعي وناديت
عمري الوجودك فدوه
ــــــــــــــــــــــــــــــــــــــ
مااريد اودعك يالولي .. اوداعك أشد من كسري
لاكن يحماي الحمه .. ماباقي شي من عمري
ابتغسيلي اصبر لوشفت .. بسمار جارح صدري
وانته اوي الحسين وحسن .. گعدو سوه يم گبري

مجلس عزاء سوولي
واعله السبي اقرولي
الزينب وحقك حنيت
وانكسر ضلعي وناديت
عمري الوجودك فدوه

محمد الجماسي

#اللهم_عجل_لوليك_الفرج

(يا يُمه)

يـابـيـت الـيـلـمـنـه بـعـد   يـايـمـه
تـجـري الـمـدامـع للأبـد    يـايـمـه

اسـتـعـجـل الـمـوت ويـاچ  
طـول الـعـمـر مـا نـنـسـاچ

-------------------------------------------*

يجينه الليل واحنـه بـحـسـره وبـدمـعـه
حـلـم يـرجـع ييمـه وصـوتـچ انـسـمـعـه
نـطـب لـلـبـيـت وبـدونـچ بـلا شـمـعــه
نـحـن حـن الـثـكـالـه ونـذكـر الـجَـمـعـه

نـتـنـطـر ومـات الأمـل    بغيابج
والدمعه جرحت للمقل    بغيابج
هـذا الـزمـن مـاخـلاج

-----------------------------------------*

خـليتـي اعـلـه حـياطـن الـغـرف ذكـره
وبـغـيـابـچ تـضـل بـكـل گـلـب كـسـره
مـثـل حـال الطيور التـفـگـد الـشـجـره
بس الـثـوب عـدنـه ونـشـتـم بـعـطـره

بينه الـمـدامـع والحزن     خليتي
والدنيه تـشبـه للسجن     خليتي
نـتـذكـر اسنيـن اربـاچ

-------------------------------------*

التروح امـه يحس بـوحـشـت الـغـربـه
وأشـد كـلـشـي يزهره الينكسـر كـلـبـه
اليالي اتـمـر عـلـيـنـه بـلـيـتـم صـعـبـه
تـضـل عـينـه اليـفـارك لـلـفـجـر تـربـه

حگه ألتسّولف حسرته     بعيونه
والشافه يقـره القصته     بعيونه
اسمچ يـمـرنـه وننعاچ

----------------------------------------*

صـعب هذا الجرح ما نـگـدر انـكـتـمه
ولو ابـطيـف مـري وعـطـرچ انـشـمـه
تره المكطوع نـفسـه ايـكيـف بنـسمـه
صعب هيهات نـسـمـع مـنـچ ابـكـلـمـه

عاشرنه بغيابچ سهر     منعوفه
والاسود بطول الدهر   منعوفه
نحيه ونموت بذكراچ

---------------------------------------*

ردنـه ويـاچ يالـبعـضـه الـعـمـر كـلـه
تعوفينه بـعَـجـل بالحـسـره مو سلـه
بعد يابـيـت هـذا بـروحـتـچ يـحـلـه
تره الفاگـد عـزيـزه الـدمـعـه تـنـدلـه

مرسومه ضلت صورتچ    يالزهره
كسرتنه صـعـبـه بغيبتچ     يالزهره
هنيالـه مـره الـشـافـاچ

----------------------------------------------*

✍خادم الزهراء ع
الشاعر رعد الجريخي

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية?.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك ??.

التواصل مع @ahmed_alziwar0

قناة خاصة بتلحين القصائد

https://t.me/+PZwpTt2HLXcvUQZh

------------------------------------------------------

يل باب انشدك ..عن هالرزيه
بياحاله صاحت ..امي الزجيه
صاب الضلع مسمار…  الحكني يالكرار
…… ..
اجت زينب تهل عبره وگلبها شگد حمل لوعه
اجت للباب مهظومه وجفنها تنزف ادموعه
تنشده اعله الطهر لمن صدرها انكسرت ضلوعه
شلون ام الحسن طاحت بألمهه الزهره مفجوعه
زينب تناشد ... والدمعه تهمي
بياحاله طاحت  ...  بالعتبه امي
شلون انجوت بالنار
الحكني يالكرار
…
بملامح ذايبه امن الهم ووجه متغيّره اوصافه
تصد احسين ضل يبجي الدمع ينزل على شفافه
الزهره من تريد تكَوم تتوجّه على اجتافه
ولو تدري زغير حسين لجن تتجسد الطافه
تعرف ابنها ... ينحب عليها
ابمتنه ابشغفها ... خلت اديها
وتعرف يضل محتار
الحكني يالكرار
…
زينب شبكَت اعله امها زغيره وشابكَه اعليها
تون الزهره من الباب الوضع زينب يبجيها
كَوّه ام الحسن زينب بحضنها ضل تخلّيها
تخاف اعله الضلع ينزف الضلع كلش يأذّيها
الزهره خافت .. تلجمها زينب
حضنتها كَوه ... وجمرتها تلهب
دمع الزجيه حار
الحكني يالكرار
…
يباب اشلون صدر امي انكسر جاوبني ها يا باب
شلون امن العصر كَلّي صدر امي الزجيه انعاب
شلون اتكوّمت بالهم يباب ارد اعرف الاسباب
الباب امن الخجل ساكت مارد عل عقيله اجواب
زينب تشاهد ...جف امها احمر
وتسمع صدرها .. حين التكسّر
والعتبه تحجي خبار .. الحكني يالكرار
…
مكسوره ضلع امي وذابت من اذى العصره
وجهه احمر لان اعليه اثر من ظالم السطره
ومحسن مات بالمسمار يكَلب امي شعظم صبره
من شدّت المها امي هوت وياه عالغبره
روحي يعالم ... زايد حزنها
فاكد دليلي ... الام وأبنها
ما انسه هذا الصار
الحكني يالكرار
ـــــــــــ
الشاعر  محمد حسن ضيغم

#نعي **لمولاتي الزهراء فاطمة عليها السلام

اترجاك بويه ودمعي اسيله
من الدار  باب البيت شيله
اذا شافه الحسن يفطر دليله
بلايه امه ينام شلون ليله

مفجوعين بويه بعِظم المصاب
ونذب العتب ولوم عالباب
مسماره ذبحنه والظلع صاب
شفنه الزجيه فوك التراب
طاحت تشتكي بكسرت ضلعهه

ماينجهب بويه البيت خالي
يتيمه صرت وشلون حالي
زغيره ويتمو مني دلالي
الحزن من الزغر والهم صفالي
نتفارگ ابد موش عله بالي
تخليني يايمه وتروحين

خادم اهل البيت ع
فلاح طالب الماجدي**#اللهم_عجل_لوليك_الفرج

يحسين الله يصبرك
رديت لازم ضهرك
امك فاطمه وين
تبدي اجروحك امنين
يحسين الله يصبرك

ش**فتك تنوح ودمعتك تجريها
وكل ساعه حجرة فاطمه اطب ليها
لازم عباة الزهره وتشم بيها
جروحك جبيره ومحد ايداويها

كل ساع تشبك زينب
ووياك تبجي وتنحب
غربة الدنيه يحسين
تبدي جروحك امنين
يحسين الله يصبرك
*ليل الحزن يبن الزجيه ايبجيك
وباجر تجور بكربله الدنيه عليك
اكبال اختك اشلون الشمر يذبح بيك
ومن الذبح ترفس يخويه برجليك

عالسيف ينزف دمك
امن الكاع ياهو ليلمك
شيال العلم وين
تبدي جروحك امنين
يحسين الله يصبرك

بضلع الزجيه خويه شفتك حاير
ويحسين بيك اشلون يوم العاشر
يروح ويرد اعليك راح الحافر
وللخيل ملعب انته بالطف صاير

ايسحكون راح ضلوعك
وتسيل خويه دموعك
بزينب تدوي نارين
تبدي جروحك امنين
يحسين الله يصبرك

نار الدوت بالباب يبن الكرار
اهون يخويه ومو مثل ذيج النار
بحرك الخيم تتراكض ازغار اكبار
وانه يخويه بعايله راح احتار

الأيتام كلها بكتري
والصوط طبعها ضهري
اشمسح دمعة العين
تبدي جروحك امنين
يحسين الله يصبرك

كسر الخواطر كلي ياهو يجبره
ماتت احلامك خويه ويه الزهره
كلش حنين وكلبك انته اشكبره
كبل الهله للخيل فاتح صدره

هالناس بيش اطلبك
اويالخيل يطلع كلبك
ويبسون النساوين
تبدي جروحك امنين
يحسين الله يصبرك

تمت
تحسين الخفاجي