Ацумыжъ Маринэ идунаитIу

🔻Непэ адыгабзэкIэ тхэхэрэр макIэ тэIо шъхьаем, цIыкIу-цIыкIузэ нэбгыракIэхэм ацIэхэр къэтэшIэх. Ахэм ащыщ Ацумыжъ Маринэ. Ар урысыбзэмрэ литературэмрэкIэ кIэлэегъаджэу Яблоновскэ гурыт еджапIэу N 3-м илъэс 25-рэ хъугъэу щэлажьэ, ащ дакIоуи матхэ. Джыри кIэлэеджакIозэ усэнымкIэ творческэ гъогур къыхэзыхыгъэ бзылъфыгъэм непэ романхэр къыIэкIэкIых, урысыбзэкIи адыгабзэкIи зэфэдэу матхэ. Аужырэхэм ащыщ блэкIыгъэ илъэсым къыдигъэкIыгъэ романэу «ДунаитIу» зыфиIорэр.

📎Ацумыжъ (Шъхьэлэхъо) Маринэ къуа­джэу Псэйтыку къыщыхъугъ. Гурыт еджапIэм ыуж Адыгэ къэралыгъо университетым филологиемкIэ ифакультет къыухыгъ. 1996-рэ илъэсым къыщегъэ­жьагъэу непэ къызнэсыгъэм а зы чIыпIэм щэлажьэ. Адыгеим икIэлэегъэджэ пэрытхэм ащыщ ыкIи джырэ адыгэ литетературэм итхэкIо бэлахь.

🔻Тхылъым ыцIэр ыкупкI — дунаитIу къыщыгъэлъэгъуагъ: адыгэм итыгъуасэрэ инепэрэ. КъэгъэлъэгъокIэ амалэу авторым ыгъэфедагъэри гъэшIэгъоны: герой шъхьаIэу Ислъам непэрэ мафэм ицIыф. ПкIыхьапIэкIэ тыжъ пIашъэ­хэм ахахьэзэ, ахэсызэ, адэгущыIэзэ, Кавказ заор ынэгу кIэкIы, ары пакIошъ, шIулъэгъуи къыщегъоты. ЫужкIэ щыIэныгъэ шъыпкъэм пкIыхьапIэм нэIуасэ зыщыфэхъугъэхэм ялъэуж щефы. ЩыIэгъэ шъыпкъэхэу къычIэкIы.

Ацумыжъ Маринэ дытиlэгъэ зэдэгущыlэгъур мыщ дэжьым ит.

"Мэрамыжьей"

Зигукъэкlыр: Кlуращынэ Лейла
Гущ. зиер: Бемурзэ Зураб
Мэкъамэр: Къэбэрдэкъо Мурат
Анимациер: Нарт Алкъэс
Сурэтхэр: Зайна Эльсайд

«Щэшъхьалъэ иуахътэ щыIэныгъэм» - Adygvoice.ru
https://adygvoice.ru/single?post_id=159010

Ныбджэгъухэр, Iэнэ хъураем изэхэсыгъоу ситворчествэ фэгъэхьыгъэр зыщыкIощт мафэр зэблахъун фаеу хъугъэ, ар тыгъэгъазэм и 9-р ары зызэхащэщтыр. Сыхьатыр 11-м аублэщт. ЗэкIэхэми шъукъесэгъэблагъэ, уахътэм къышъуфидэмэ, шъукъыхэлажьэмэ, гуапэ сщыхъущт. Шъопсэу, шъотхъэжь!

Ныбджэгъухэр, тыгъэгъазэм и 10-м Адыгэ лъэпкъ тхылъеджапIэм ситворчествэ фэгъэхьыгъэ Iэнэ хъурае щызэхащэ. ШIэныгъэлэжьхэр, тхакIохэр, сиусэхэм яджэхэрэр ащ хэлэжьэщтых, шъори, синыбджэгъухэр, шъукъесэгъэблагъэ. Зэхахьэр пчэдыжьым, сыхьатыр 11-м рагъэжьэщт. Шъопсэу, шъотхъэж!