نحنُ كطلَبةٍ نقضي جُلَّ وقتنا بينَ محاضراتٍ ومعاملَ و"راوندات"؛ لذا توجدُ نِقاطٌ أساسيَّةٌ يجبُ أنْ نوليها اهتمامَنا:

• النِّيَّة: تَخرُجُ من بيتِك، وتقضي أكثرَ من نصفِ يومِك وتتعنَّى في المواصلاتِ، لِمَاذا؟
ما الّذي ننتظره وقتما يضيعُ نصفُ يومِنا (أي ما يعدِلُ نصفَ عُمُرنا) في غيرِ ما خَلَقنا الله -ﷻ- لأجلِه؟

• الحفاظُ على الصَّلاةِ في ميعادِها: وعقدُ النِّيَّةِ منذ بدايةِ يومِنا أنَّنا لن نؤخِّر أو نُفوِّتَ فرضًا؛ لأنّه الامتحانُ الحَقيقيُّ (لا إخال أنَّنا بحاجةٍ لبسطِ القولِ بذا الخصوصِ!).

• غَضُّ البصرِ وتجنُّبُ الاختلاطِ قدرَ المُستطاع: ولا يَغرَّنَّك تَفشِّيهما، فذا مِمّا عمَّت بِه البَلوى، واللهُ المُستعانُ.

• التَّعاملُ بالحُسنى: والرِّفقُ واللِّينُ معَ أصحابِنا وزملائِنا ودكاترتنا وكلِّ مَن نقابلُ في المواصلاتِ والعاملين وحتَّى الشُّئون، وإن صدرَ من أيٍّ منهُم تصرُّفٌ يضايقُنا، فالأفضل ألَّا نغتابه؛ لأنّ في ذلك مَضَرَّةٌ لأنفُسِنا فقط!
(الشئون ها الشئوووون، لا ميمز بقى عليهم ولا نغلط في حد أكبر مننا كده كده الموقف هيعدّي ونقضي مصلحتنا والغلط معاهم أو فيهم مش هيضر حد غيرنا إحنا!)

قد تلهيكَ ضغوطاتُك وانشغالُك بالمذاكرةِ "شيتات وتاسكات"، لكن لا يغيبَنَّ عنكَ أبدًا قوله -ﷻ-: ﴿وَقُولُوا۟ لِلنَّاسِ حُسۡنࣰا﴾، وكلُّه بأجرِه وثوابِه يا صديقي!

• لا تُضِعْ وقتَكَ في تفاهةٍ، أو غِيبَةٍ، أو نميمةٍ، أبدًا! بل انتهِجْ طوالَ يومِك المبدأ الإلهيّ: ﴿وَٱلَّذِینَ هُمۡ عَنِ ٱللَّغۡوِ مُعۡرِضُونَ﴾.

• حاولْ قدرَ الإمكانِ أن تنتفِعَ بِكلِّ وقتِكَ: إن حضَرتَ محاضرةً فلْتُرَكِّز، وإن لم يكن فلْتقرأ في موضوعٍ آخرٍ، لكن لا تخرج من بيتِكَ لتنامَ في محاضرةٍ أو لتلعبَ أو تتكلَّمَ، ثُمَّ يكونُ كلّ ما جنيتَه من الحضورِ عناء ومَشقَّة المواصلاتِ!

• قلِّل قدرَ ما تستطيعُ من الـ "fast foods": وتذكَّر أنَّ: "المؤمنُ القويُّ خيرٌ وأَحبُّ إلى اللّهِ" قَويُّ النَّفسِ والجَسَدِ.

• وأخيرًا: إيَّاك واليأس يا صديقي! استحضِر دائمًا نوايا المذاكرة، وأَحْكِم ثغرَك، وإيَّاكَ أن يؤتَى الإسلام من قِبلك!

- أسماء حسن.

‏س/ هل عدم الصلاة بيأثر ع المذاكرة والفهم والاستيعاب ؟
ج/ بيدخل النـ.ـار.. هذا أهم.

- الشيخ أحمد سالم
#روحانيات

اللهم إنا نستودعك ماحفظنا ، وما قرائنا ، وما فهمنا ، فردهُ إلينا حين نحتاجه

❤

الإثنين الموافق ١٩ يونيو اول ايام العشر المباركة
فعليكم باستغلالها بالصيام والطاعات عسى ان تكون صلاح احوالكم وقبول لطاعاتكم
وفقنا الله واياكم ❤️

#غريق_الورق??

٣ شهور بـ ٩٠ يوم قادرين يحولوك لإنسان جديد! ♥️?

خطتنا هتتقسم لـ ٥ جوانب.

١- جانب ديني.

وعندنا هدفين هما: ?

✅حفظ جزئين من القرآن.

✅متابعة سلسلة شهريا لشيخ محبب لقلبك عشان تشحن روحك.

٢- جانب تطويري.

- وده هيتقسم لـ ٣ حاجات: ?

✅قراءة ٦ كتب بمعدل كتابين في الشهر.

✅انهاء مستويين إنجليزي من تطبيق ذاميركان إنجلش أو طليق.

✅تجربة مجال جديد شهريا مثلا الشهر الاول تجربة التسويق، التاني التصوير وهكذا.

٣- جانب صحي.

وبرضو عندنا هدفين ?

✅الوصول ل منع السكر وده تدريجي.

✅ممارسة الرياضة لمدة 10 د يوميا وفيه كذا ابلكيشن موبيل بيساعد على دا.

٤- جانب نفسي.

مع صعوبة الأحداث حوالينا لازم تكون عندك خلفية نفسية كويسة جدا.

✅فمن ضمن الخطة إنك تاخد دورة فقة النفس ومع نفسي لـ د. عبد الرحمن ذاكر الهاشمي خلال ال ٣ شهور.

٥- الجانب الاجتماعي.

متضيعش الإجازة دي من غير ما تشارك في عمل تطوعي.

✅انزل من تاني يوم من اجازتك روح مؤسسة موثوقة زي الهلال الأحمر أو رسالة واتطوع معاهم وشوف بعد ٣ شهور مهاراتك هتروح لحد فين.

= وعشان الإجازة تكون بأفضل شكل ممكن ومياخدكش حماس البدايات.

- عود نفسك تصحى الفجر عشان تصلي الفجر حاضر ويومك يكون طويل وتقدر تعمل فيه كل حاجة.

- أول ما تصحى لو قررت انك تمسك الموبيل ف مبروك عليك يوم جديد ضايع.

- استغل اول ٣ ساعات في اليوم في إنجاز مهامك من غير تشتيت السوشيل ميديا.

- الصلاة الصلاة الصلاة، لو مش منتظم أظن إن 90 يوم كافيين جدا أنهم يحولوك لشخص ملتزم بصلاتك، فخد قرار وانوي انك مش هتسيب فرض من النهاردة.

وبس كدا فالمطلوب منك يا عزيزي الإنسان إنك: ♥️

١- تجيب ورقة وقلم.

٢- تكتب الجوانب دي واهدافك الشخصية تحتها طبعا تقدر تغيير في الأهداف اللي فوق.

٣- تقسم المهام على كل شهر لوحده.

٤- تقسم الشهر على ٤ اسابيع وتقسم على كل اسبوع مهامه.

٥- تركز على الاسبوع اللي معاك وتنسى باقي الخطة وكل يوم جمعة تظبط الاسبوع الجديد وتقيم الاسبوع القديم وتكافئ نفسك.

لو نفذت الخطة دي فبعد ٩٠ يوم من دلوقتي هتشكر نفسك على حجم الانجاز.

وبس كدا أتمنى أكون قدرت أفيدكم.?

- حبيبة محمد.
#منقووووووول