ሶብር አላህ ዘንድ ምን ያክል ዋጋ እንዳለው ለማወቅ ከፈለግክ
የነብዩሏህ አዩብን عليه الصلاة والسلام ታሪክ ተመልከት።
አላህ ስለአዩብ ቁርአን ውስጥ የተረከልን ብቸኛው ነገር ቢኖር ስለታጋሽነቱ ብቻና ብቻ ነው።
አዩብ ከትእግስቱና ታጋሽነቱን ካንጸባረቀበት ዱዓው ውጭ ቁርአን ውስጥ የተጠቀሰ ሌላ ገድል የለውም።

አላህ ሰላምና ደህንነትን ይስጠን። ታጋሽነትንም ይወፍቀን።

ሰው ሆኖ የማይረሳ የለምና አማኞችም ሶላትም ዉስጥ ሆነው መጨመር የሌለበባቸውን ረስተው ሊጨምሩ ይችላሉ። አንዳንዴ ደግሞ መፈጸም የነበረበትን ያልፋሉ። በሌላ ወቅት ደግሞ ምናልባት ምን እንደፈጸሙና ምን እንደቀራቸውም ጭምር ግራ ይጋባቸው ይሆናል። ለእነዚህና መሰል ተያያዥ ችግሮች ሸሪዓችን ያስቀመጠው ማስተካከያ አለ። እሱም ሱጁዱ'ሰህው (የመርሳት ሱጁድ) ይባላል።

ሱጁደ ሰህው ምንምን ሁኔታዎችን ማሟላት አለበት?

በሱጁደ'ሰህው ሊስተካከሉ የሚችሉ ስህተቶችስ የትኞቹ ናቸው?

ሱጁደ'ሰህው የሚፈጸመው ከማሰላመት በፊት ወይስ በኋላ?

የትኞቹ ስህተቶች ናቸው ከማሰላመት በፊት የመርሳት ሱጁድ እንድናደርግ የሚያስገድዱን?

ከማሰላመታችን በፊት ማድረግ የነበረብንን የመርሳት ሱጁድ ብንረሳውስ?

ለየትኛዎቹ ስህተቶች ነው ካሰላመትን በኋላ ሱጁደ'ሰህው መፈጸም ያለብን?

ኢማም ተከትለን በምንሰግድበት ወቅት ረስተን የምንፈጽማቸው ስህተቶችስ በምን መልኩ ነው የሚስተካከሉት?

ይች በpdf  መልክ የተዘጋጀች ጽሁፍ እነዚህንና መሰል ጥያቄዎቻችንን የምትመልስ አጠር ያለች ማስታወሻ ነች።

እርሰዎ ያንብቧት። መልካም ነገርን ለሌሎች የጠቆመ  የአጅራቸው ተቋዳሽ ይሆናልና ለወንድምና እህቶቻችን ትደርሳቸው ዘንድ ደግሞ ያሰራጯት።

ያው ሰው ከስህተት አይነጻምና በጽሁl ዉስጥ ያገኙት ስህተት ካለ ደግሞ ያድርሱኝ።

t.me/telkhis

https://drive.google.com/drive/folders/1Z0-9x5cTtBu83H-yCLOlgKaslnWThm7r

አልሐምዱሊላህ ሀምደን ከሲረን ጦይበን ሙባረከን ፊህ

#አልሙለኸሱል_ፊቅሂይ ሚን ዑሉሚል ኢማሚል አልባኒይ

የዛሬ አመት September 25 -2023 የጀመርነውን ይህን ምርጥዬ ኪታብ
እነሆ በአመቱ September 20-2024 አጠናቀቅን። አላህ የበዛ የሆነ ዉዳሴና ምስጋና ይገባው። መልካም ስራችንን ይቀበለን። ስህተቶቻችንን ይቅር ብሎ ይለፈን።

#አያህ_ወተፍሲር

በአላህ ላይ መመካት
ወደ እሱው መጠጋት
ያለ አንተ ምን ዋጋ አለኝ ማለት
ለስኬት መብቂያ እና ከመከራ መጠበቂያ አዋጩ መንገድ ነው። ሺንቂጢይ

{ وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ }
{ فَوَقَاهُ اللَّهُ سَيِّئَاتِ مَا مَكَرُوا }. [سُورَةُ غَافِرٍ: ٤٤-٤٥]

T.me/telkhis

#አያህ_ወተፍሲር

በንጋትና በአመሻሹ ወቅት
ስግደታቸውን በትክክል የሚፈጽሙ እንድሁም በጥቅሉ ጌታቸውን በዱዓእ የሚማጸኑ ሰዎች ከሌሎች አማኞች ከፍ ያለ ልቅና አላቸው። ምክንያቱም እነኚህ ወቅቶች አብዛኛው የሰው ልጅ በስራ የሚወጠርባቸው፣ ወደ ስራ የሚሯሯጥባቸው እና ስራውን ለማጠናቀቅ ደፋ ቀና የሚልባቸው ሰአቶች ናቸው። በእነዚህ ወሳኝ የጥድፊያ ወቅቶች ላይ የጌታውን ትእዛዝ የጠበቀ አማኝ፣ በሌላው ወቅት ላይ ትእዛዙን የበለጠ ይጠብቃል ተብሎ ነው የሚታመነው።

ለዚህም ነው ጌታችን አላህ "እነዚያ የአምላካቸው ሽልማት ለመጎናጸፍ በማሰብ በጧቱና በአመሻሹ ወቅት ላይ ጌታቸውን በአግባቡ የሚያመልኩን ባልደረቦችህን በፍጹም እንዳትገፋቸው ብሎ ነብዩን صلى الله عليه وسلم ያስጠነቀቀው።

{ وَلَا تَطْرُدِ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ }. [سُورَةُ الأَنْعَامِ: ٥٢]

T.me/telkhis

#አያህ_ወተፍሲር

ጫማህን ከሌሎች ሰዎች ጫማ ጋር ማነጻጸርህ
ልብስህን ከሌሎች ሰዎች አልባሳት ጋር ማነጻጸርህ እና የኔ ከእነሱ ጋር ለንፅፅርም የሚቀርብ መሆን የለበትም በሚል በላጭ በላጩን ካልገዛሁ ማለትህ

'''ይህችማ የዝንተ ዐለሟ ሀገር ነች። እሷንም በምድር ላይ የበላይነትን ለማይፈልጉትና ብልሽትን ለማያሰራጩት አማኞች ነው የምናደርጋት" ከሚለው የጌታችን ቃል ጋር የሚካተት ነው።

( تلك الدار الآخرة نجعلها للذين لا يريدون علوا في الأرض ولا فسادا والعاقبة للمتقين)

T.me/telkhis

ለኡዱሂያ እርድ የተቀመጡ የተለያዩ መስፈርቶች ለዐቂቃ እርድ (ከልጆች መወለድ ጋር ተያይዞ የተደነገገ እርድ) ላይ ግን አይደነገጉም።

ለምሳሌ
1) የኡዱሂያን እርድ ስጋውን ለራስ መመገብ፣ ማስቀመጥና ለሚስኪኖች መስጠት ያስፈልጋል። ዐቂቃ ላይ ግን ሙሉ ስጋውን ለራስ ብቻ መመገብ ወይም ሙሉ ስጋውን ለሚስኪኖች ብቻ ማከፋፈል ይቻላል።

2) የኡዱሂያ እርድ የበግና የፈየሏን እድሜ በተመለከተ የተቀመጠ ወሳኝ ገደብ አለ። ለዐቂቃ ግን መታረድ የሚችሉን በየትኛውም እድሜ ላይ ያሉ በጎችንና ፍየሎችን ማረድ ይቻላል።

4) ለኡዱሂያ እርድ የሚቀርቡ እንስሳቶች ከተወሰኑ እንከኖች የነጹ መሆን አለባቸው። ለምሳሌ ግልጽ የማየት ችግር፣ ግልጽ ሽባነት፣ ግልጽ ስብራት እና ግልጽ የሆነ ህመም ያለባቸውን እንስሳት ለኡዱሂያ ማረድ አይቻልም። ለዐቂቃ ግን ይቻላል።

5) የኡዱሂያ እርድ ከፍየል፣ ከበግ፣ ከከብትና ከግመል መሆን ይችላል። የዐቂቃ እርድ ግን ከፍየልና ከበግ ዉጭ ማረድ አይቻል።

6) የኡዱሂያን እርድ በጥቂት ቀናቶች ውስጥ ብቻ ነው ማረድ የሚቻለው። በዒደል አድሃና ቀጣይ ባሉት ሶስት የአያመ ተሽሪቅ ቀናት ብቻ ነው ማረድ የሚቻለው። የዐቂቃ ግን በተወለደ በ7ኛው ቢሆን ሱንና ነው። ይህ ካልተሳካ በ14ኛው ይህም ካልተሳካ በ21ኛው ቀን መታረዱን የሚያበረታቱ የቀደምት አበዎች አስተያየት አለ። በእነዚህ ቀናት ካልተሳካም በየትኛውም በተመቸን ቀንና ጊዜ ዐቂቃን ማውጣት ይቻላል። ከ7ኛው ቀን በፊትም ከ21ኛው ቀን በኋላም በእነዚህ ቀናቶች መካከልም ዐቂቃን ማውጣት ይቻላል።

#ዱረሩል_አልባኒይ

T.me/telkhis

#አያህ_ወተፍሲር

ከዚህ የቁርአን አንቀጽ
መልካም ሚስትን ያገባ ሰው ሀብትንና መብቃቃትን እንደተሰጠ ተደርጎ እንደሚቆጠር እንረዳለን።

"ደሃ ሆነህ ሳለህ ኸዲጃን በመዳር ሀብታም አደረግኩህ ማለት ነው ብለዋል ቁርጡቢይ በተፍሲራቸው።

{وَوَجَدَكَ عَائِلًا فَأَغْنَىٰ}

T.me/telkhis