Kogon tuman hokimi kam daromadli oilalarning turmush sharoitini yaxshilash bo‘yicha o‘rganishlar olib bormoqda

Xabaringiz bor, joriy yilning 1-noyabr kuni davlatimiz rahbarining Navoiy viloyatiga tashrifi chogʻida hududlarda kambagʻallikni qisqartirish, ijtimoiy muhofazaga olingan oilalarni qoʻllab-quvvatlash, mehnat migrantlari, chet elga ishlashga ketgan fuqarolar bilan muloqot qilish, ularning oilasidan xabar olish, daromadini oshirish uchun zarur shart-sharoitni yaratish boʻyicha masʼullar zimmasiga aniq vazifalar belgilab berildi.

Aytish joizki, bu boradagi ishlar Kogon tumanida ham izchil davom etmoqda. Xususan "Ijtimoiy himoya yagona reyestri" ro‘yxatidagi oilalarning munosib turmush kechirishi uchun qulay shart-sharoitni yaratish, ishsizlarni ish bilan band qilish, ijtimoiy himoyaga muhtojlarga yaqindan ko'maklashishga doir chora-tadbirlar belgilangan.

Jumladan Kogon tuman hokimi Otabek Qazoqov hamda tuman IIB boshlig'i Zafar Davronov tumanning "Bahouddin Naqshband" hamda "Tun-Iroq" mahallalarida bo'lib, o’zlariga biriktirilgan og’ir toifadagixonadonlarda bo'ldilar. Samimiy ruhda o'tgan suhbatlarda ularga amaliy ko‘mak berish, bunda nafaqat moddiy, balki ma’naviy jihatlarga ham e’tibor qaratish, bandligini ta'minlash, ularni og'ir ijtimoiy vaziyatdan olib chiqish bo'yicha chora-tadbirlar belgilandi.

|Kogon tuman hokimligi rasmiy kanali

Telegram | facebook | Youtube

#Yashil_makon

3-UMUMTA'LIM MAKTABIDA "USTOZLAR BOG'I" TASHKIL ETILDI

Xabaringiz bor, “Yashil makon” umummilliy loyihasi doirasida ayni kunlarda tumanimiz barcha ta’lim muassasalarida ham ko‘chat ekish harakatlari qizg‘in boshlab yuborildi.

Jumladan bugun, 16-noyabr kuni Kogon tumanidagi 3-umumiy o'rta ta'lim maktabida Bolalar tashkiloti maktab "Sardorlar kengashi" a'zolari hamda pedagoglar ishtirokida ezgu niyatlar bilan katta bog‘ barpo etishga kirishildi.

500 tup mevali ko‘chat hamda 700 tup manzarali ko'chat o‘tqazilgan ushbu mo'jazgina bog‘ “USTOZLAR BOG'I” deb ataladigan bo‘ldi.

|Kogon tuman hokimligi rasmiy kanaliTelegram | facebook | Youtube

YUZAGA KELISHI MUMKIN BO'LGAN KO'NGILSIZ HODISALARNI OLDINI OLISH MAQSADIDA TARG'IBOT TADBIRLARI AMALGA OSHIRILMOQDA

Sir emaski, salqin kunlar kirib kelishi bilan aholining turli isitish moslamalariga bo'lgan ehtiyoji yanada ortadi. Bunda aholi xonadonlarida isitish pechlari yong'in xavsizlik qoidalariga amal qilgan holda foydalanish asosiy talab hisoblanadi. Mavsumni betalofat o'tkazish, aholini yuzaga kelishi mumkin bo'lgan noxush holatlardan ogoh qilish maqsadida Kogon tuman hokimligi hamda tuman favqulodda vaziyatlar bo'limi boshchiligidagi ishchi guruh tomonidan doimiy ravishda targ'ibot tadbirlari amalga oshirilib kelinmoqda.

Jumladan  ishchi guruh tomonidan mavsum davomida aholi xonadonlarida yuzaga kelishi mumkin boʻlgan noxush xodisalarni oldini olish, tegishli xizmatlar bilan hamkorlikda aholi honadonlarida kuz-qish mavsumini betalofat oʻtkazish maqsadida targʻibot tadbirlari o'tkazilib, aholi xonadonlarida nostandart gaz uskunalari va gaz soʻrgichlarini oʻrnatmasliklari, moʻrilarni tozalash boʻyicha zaruriy topshiriq va koʻrsatmalar berilmoqda.

Shu o'rinda tumanimiz aholisidan yong'inlar, is gazidan  zaharlanish, gaz va havo aralashmasi chaqnashi kabi ko‘ngilsiz hodisalarning oldini olish hamda o'z xonadonlarini qolaversa oila a'zolarini xavfsizligini ta'minlash maqsadida belgilangan chora-tadbirlarni amalga oshirishlarini so'rab qolamiz.

|Kogon tuman hokimligi rasmiy kanali

Telegram | facebook | Youtube

Hurmatli kogonliklar!

Joriy yilning 11-noyabr kuni Kogon tumanida joylashgan 21-son ixtisoslashtirilgan Davlat umumta'lim maktabida Kogon tuman "Inson" ijtimoiy xizmatlar markazi tomonidan “Aholiga ko'mak - oliy qadriyat!” shiori ostida kouching tashkil etiladi.

Mazkur kouchingda Ijtimoiy himoya milliy agentligi tomonidan ko’rsatiladigan barcha ijtimoiy xizmatlar haqida fuqarolarimizga batafsil ma’lumotlar beriladi.

Siz ham albatta, ishtirok eting hamda kerakli ma’lumotlarga ega bo’lib, o’zingizni qiziqtirgan hamma savollarga soha mutaxassislaridan to’laqonli javob oling!

Manzil: Kogon tuman 21-son ixtisoslashtirilgan Davlat umumtaʼlim maktabining faollar zali

‼️Vaqti: 11–noyabr soat 10:00 da

|Kogon tuman hokimligi rasmiy kanali

Telegram  | Facebook | Youtubе

Kogon tuman hokimi Otabek Qazoqovning “Tibbiyot xodimlari kuni” munosabati bilan soha xodimlariga bayram tabrigi!
Assalomu alaykum qadrli tibbiyot xodimlari!
Barchamizga ma’lumki, 2006-yil 12-sentyabrda qabul qilingan "O‘zbekiston Respublikasi Tibbiyot xodimlari kunini belgilash to‘g‘risida”gi qonunga muvofiq har yili noyabr oyining ikkinchi yakshanbasi mamlakatimizda "Tibbiyot xodimlari kuni” bayrami sifatida keng nishonlanib kelinmoqda.

Shu munosabat bilan, avvalo, o‘z hayotini el-yurt salomatligini asrashdek g‘oyat mas’uliyatli va sharafli ishga bag‘ishlagan siz, azizlarni kasb bayramingiz – "Tibbiyot xodimlari kuni” bilan chin qalbimdan samimiy muborakbod etaman.

Hurmatli soha xodimlari!

Ayni davrda Muhtaram Prezidentimizning bevosita tashabbusi va rahnamoligida sog‘liqni saqlash tizimida tub o‘zgarishlar amalga oshirilmoqda. Xalqaro andozalar darajasidagi tibbiy xizmat tizimini barpo etish, har jihatdan barkamol avlodni voyaga yetkazish, xalqimizni yanada sog‘lomlashtirish yo‘lida beqiyos imkoniyatlar yaratilmoqda.

Darhaqiqat, sog‘liqni saqlash tizimida amalga oshirilayotgan izchil islohotlar inson manfaatlarini muhofaza qilish, sog‘lom va barkamol avlodni voyaga yetkazish va xalqimiz salomatligini mustahkamlashda muhim omil bo‘lmoqda.

Aziz shifokorlar!

Sizlarni qutlug‘ kasb bayramingiz bilan yana bir bor samimiy muborakbod etib, barchangizga sihat-salomatlik, ulkan zafarlar, oilaviy baxt-saodat tilayman. Mehnatingiz ortidan doimo e’zoz topshingizni, el ardog‘ida bo‘lib yurishingizni tilayman.

|Kogon tuman hokimligi rasmiy kanaliTelegram | facebook | Youtube

*⚡️КОГОН ТУМАН ҲОКИМИНИНГ НАВБАТДАГИ ҚАБУЛИ БЎЛИБ ЎТДИ*Бугун халқ билан бевосита мулоқот қилиш, аҳоли муаммоларини жойига чиқиб ўрганиш ва уларнинг дарду ташвишлари билан яшаш ҳар қачонгидан ҳам долзарб ҳамда олий мақсадга айланган.Когон туманида ҳам аҳоли муаммоларини жойига чиқиб ўрганиш, уларни қийнаётган масалаларга ечим топиш юзасидан жойларда очиқ мулоқот ҳамда сайёр қабуллар ташкил этилмоқда.

Жумладан бугун 14 август куни туман ҳокими Отабек Қазоқов туманнинг Янги-Ҳаёт маҳалла биносида туман аҳолиси билан тасдиқланган режа-графикка мувофиқ учрашиб, уларнинг талаб ва таклифларини ўрганди. 21 нафар фуқаро иштирок этган қабул давомида ер масаласи, тунги чироқ ўрнатиш масаласи, тадбиркорлик учун кредит масаласи, ишга жойлашиш масаласи ва бошқа масалаларга оид мурожаатлар қабул қилинди.

Мурожаатлар ўрганилиб, қолган масалалар ечими юзасидан тегишли ташкилот ва корхона раҳбарларига муҳим топшириқлар берилиб ижроси назоратга олинди. Аҳоли билан бундай очиқ мулоқотлар натижасида, ҳудудларда аниқланган ижтимоий масалаларнинг аксарияти жойида бартараф этилиб, ижтимоий муаммолар ўз ечимини топмоқда.

|Когон туман ҳокимлиги расмий каналиTelegram | facebook | Youtube