**Өкпесиз өмир сүрейик.

Шəкирти устазына айтыпты:
- Сиз бәрҳама кеўилли жүресиз. Ҳешкимге ашыўланбайсыз, өкпелемейсиз. Мениң де сиз сыяқлы болғым келеди. Жәрдем бериңизши.
Шəкиртиниң өтинишине келисим берген устазы картошка менен қалта əкелиўин буйырыпты.
- Егер биреўге ашыўланып, ызаланып, өкпелесең, бир картошканы ал да, соған ренжиткен адамның атын жаз.
- Тек сол ма? - дейди шəкирти.
- Жоқ, сол қалтаны бәрҳә өзиң менен бирге алып жүриўиң керек. Биреўге ренжиген сайын бир картошкадан қосып отырасаң.
Шəкирти келиседи.
Бираз ўақыт өткен соң қалтасы картошкаға толып, өзи менен бирге алып жүриў қыйынлайды. Дәслепки салған картошкалары ширип, сасый баслайды.
Шыдамай кеткен шəкирти устазына келип:
- Устаз, мына қалта аўыр болып кетти. Және ширигенлериниң сасық ийисине шыдаў мүмкин емес. Ашыўланбаўдың басқа жолын үйретиңизши, - дейди.
- Буны саған не ушын ислеттим? Биреўге ренжиген сайын ишки жан-дүньяңда да усы қубылыс болады. Жүрегиң аўырлап, таза ниетиң бузылып, жаман ойларың сасый баслайды. Оны сен сезбеўиң мүмкин. Бирақ, исиң - əдетке, əдетиң - минезге айналады. Биреўге ашыўланбастан бурын яки биреўдиң зейнине тийместен бурын "ҳәрдайым өзиң менен бирге артық жүк арқалап жүриў" керек пе, керек емес пе, ойлан, - депти устазы.**@omir_sabaqlari

#ЖУЎАПЛАР

🌱5 ер адам тири қалсын дегенлер ушын.

Этикалық ҳәм инсаныйлық тәрептен туўры. Бирақ философиялық ҳәм нызамлы тәрептен дурыс емес. Өйткени егер поезд 5 адамды басса сиз араласқаныңыз жоқ еди. Егер сиз араласып оны 1 адам тәрепке бурып жиберсеңиз, онда бул адам өлтириўшилик болып есапланады. яғный сиз себеби қандай болыўына қарамастан адам өлтириўшиликти таңладыңыз. Солай екен сиз эмоционал инсансыз яки инсанларға исениў мүмкин деп есаплайсыз. Бес адамды сақлап қалыў ҳәм бир кисини өлтириў бул кейинирек ҳүжданды да қыйнаўы мүмкин. Солай екен инсаныйлық тәрептен жақсы адамда көбинесе оны соңын ойламай етиўи мүмкин екен.

⚡️Мәсләҳат. Сезимге берилмең. Сезимге берилген инсан көбинесе утылады. Бир сөзлилигиңиз, қатаңлығыңыз сизге жақсы жеңислер алып келеди.

🌱 1 ҳаял адам тири қалсын дегенлер болса көбирек ақыл ҳәм қайсарлыққа сүйенген инсанлар болып табылады. Олар қаттылаў болып көрингени менен айырым ўақытлары көп ойлап қарар қабыллаўға қыйналыўы мүмкин.
5 адамның өлиўи ақыбетинде сизиң ҳүжданыңызды қыйнайды. Әсиресе қутқарылған бир адам ақ кеўил болмаса ше (адам өлтириўши, нәшебент). Сол себепли көбинесе саналы қарар да зыянлы ақыбетке алып келиўи мүмкин.

⚡️Мәсләҳат. Көп затларды дым терең ойлай бермең. Бул бара бара қыялшыллыққа алып келеди. Қысқа ойлаң ҳәм истиң посгеллесин ислең.

@omir_sabaqlari

#Жумбақ

Жаўрағанды күйдирер,
Аяғы жоқты жүрдирер,
Өз еркине жиберсең,
Дуйым журтты бүлдирер.

ОТ (Жалын)

Сулайман алайҳиссәләм бир қумырысқаны көрип оннан:
- "Бир күнде қанша бийдай жейсең...?", деп сорапты.
Қумырысқа:
- "Бир дана", деп жуўап берипти.
Сулайман алайҳиссәләм оның алдына бир дана бийдайды қойыпты да, үстине бир кесени төңкерип:
- "Күнлик несийбеңди мен келтирип тураман..!", депти. Ертеңине келип, кесени көтерип қараса қумырысқа бир дана бийдайдың ярымын жеп, қалған ярымын услап отырған екен. Сулайман алайҳиссәләм қумырысқаға:
- "Маған бир дана бийдайды бир күнде жеймен, деген едиң! Ярымы аўысып қалғанғо?!" - депти.
Қумырысқа:
- "Ырысқым Аллаҳтың қолында екен, Ол маған күнлик ырысқымды жеткизиўди умытпайды. Бирақ күним саған қалғаннан кейин, есиңнен шығып кетсем не болады, деген уўайым менен ярымын алып қойдым.
Себеби бендеге исеним жоқ! Ырысқы тек Аллаҳтан" - деп жуўап берипти.

*Адамның жақсы өмир сүриўи ушын ол пүткил адамзатты сүйиўи шәрт емес, бир адамды шынтлап сүйиўи менен ҳәм жан сезимин қәнәәтлендиреди....

©Т.Қайыпбергенов
"Қарақалпақнама"*

@omir_sabaqlari

Интернет жәрдеминде қалай пул ислеўге болады?

Сизлерге тегин еки мәсләҳәт:

1. Интернетти өширемиз;
2. Ҳәм басқа исленбей жатырған жумысларымызды ислеп таслаймыз.

P.S.: Тек " @omir_sabaqlari " каналына кирип турсаңыз болады😊

Бир ойшылдан "зәҳәр не?" деп сорапты.
Ойшыл былай жуўап берипти:
— Мүтәжлигимизден артықша болған ҳәмме нәрсе зәҳәрдур. Артықша мийнет, артықша шаршаў, артықша қәўетер, артықша үнсизлик, ғәзеп, артықша қуўаныш, жеркениш ҳәм ҳәтте жақсы гүман да.

Өмирдиң мәниси ҳәм шыпасы тең салмақлылықты, биймәлелликти сақлай алыўдадур. Сол себепли ҳәмме нәрсени өз нормасында услап турыў керек.

@omir_sabaqlari

#ибрат

Өзиңизди жүдә зәрүрли шахспан деп есапламаң. Бул дүнья сиз болсаңыз да, болмасаңыз да тура береди. Шаңарағыңыз, перзентлериңиз сизден кейин де жасай береди. Жумысларыңыз сизсиз де пите береди. Барлығын мойныңызға жүклей берип өзиңизди жүдә қыйнай бермең. Өмириңиз қалай тез өткенин билмейде қаласыз. Әтирапыңыздағылар ушын емес өзиңиз ушын да жасаўды билиң. Оларды өзиңизге қатты баўыр бастырып қойсаңыз исениң, сизден кейин көбирек қыйналатуғын солар болады. Қойып бериң, оларды да ҳәрекет етиўге үйретиң, жумысларыңыз сиз болмасаңыз да пите беретуғын жағдайға келсин.
Исениң ҳәммеси жақсы болады....

✍️ Ориф Таскин "Өмир маған соны үйретти" китабынан

@omir_sabaqlari