حنينةّ يد اللّٰه

قدر الله وما شاء فعل
الحمد لله

**يراحة

بعلاة الصوت انادي ..يراحة

كفّـي عن دليلي بس .. يراحة

وكت دمعي فزعتيلي .. يراحة

أنعم الله مسحتيهن إليه**

#الشاعرة_شهد_صلاح_حسن

#سوالف
أحياناً يكون السكوت مثل ملجأ الك خَلف كل مشكلة خَلف كل انكسار يصيبك تجي تختل بي وتبقى عايش ابرعب لا يجي يوم وينهار هذا الملجأ ..
وبسبب هذا السكوت ، ممكن البعض يشوفك جبان والبعض يشوفك لاآبالي وناس يشوفوك قليل حيلة واكو اللي يعتقدون انك متگدر اتواجهم لأنك أقل منهم واكو الي يشوف سكوتك شي مُستفز وانتَ تتعمد اتسوي حتى اتغثهم .
بس الحقيقة المرة الي محد يدري بيها
خلف هذا السكوت كسرة گلب وكسرة خاطر وغصة ودمعة انحبست
خَلف هذا السكوت چم الله كريم انگالت
خَلف هذا السكوت صراعات نفسية ما يعلم بيها غير الله ..
والضحايا نفسيتك صحتك عيونك بشرتك طاقتك علاقاتك ..
أما السبب اللي ايخليك ساكت ومتحچي
لأن تدري الحچي ميفيد وتدري الكلام لا يقدم ولا يأخر وتدري بأن الكل يعرف غلطه ف ليش الحچي ! اكو ناس حالها حال الحايط اذا تحجي وياهم منا السنة يتغير شي برأيك ؟

والله مو جبن ولا قلة حيلة بس ساعات أخلاقنا ومبادئنا تكون ابمثابة حبل على ارگابنا تمنعنا نصير ابمستوى أقل من مستوانا تخلينا نسكت على أشياء ما من المفترض أن نُسكت الها
وذا اريد اعرف السكوت من منظوري ف اشوفه نرجسي سايكوباث سفاح يتلذذ بتعذيب ضحاياه
بس تدرون شوكت يُقتل ؟
لما الخصم يكون عزيز .....

https://t.me/shahadd1999

صدگ مهدود حيلي مو شعر ينگال
على امتوني ثگل شايل يهد جبال

الى عزيزة قلب رسول الله

#قصيدة يا مُصحف

⊱━━━━⊰???⊱━━━━⊰

يا مُصحف مُحمد يا حجاب الدين
يَعنوان الكرّم بابـچ فلا ينسد
.
أمي من الصغر علمتني هالتسبيح
وكت الضيج ورث البضعة يتردد
.
يا اطهر بشر يتوضى بيج الماي
حيَ اعله العفاف يصيح يتشهد
.
تتباها تضل الگاع من تمشين
ارض البور من ممشاج تتورد
.
من گد الأمان البيج تنحبين
عصافير السلف يم بابج اتغرد
.
اطرنه ابخيالي الليل واتعناج
وادگ بخوف بابج وأنه اتنهد
.
واصيح بصوت عالي صيحة المرعوب
دخيل الله ودخيلچ يا بنت احمد
.
واصيح بصوت يم احسين وين الغوث
علي ظلمة أصبحت دنياي بس ترعد
.
وسولف عن وجع گلبي شكثر مكسور
واشوفنج دليلي شلون يتسرد
.
احس عطشان وأنتِ اسگيني بيدج ماي
يمولاتي عسى المكسور يتجدد

https://t.me/shahadd1999

اللهم اجعلني من الذين يسعون للعلم ويرجون رضاك ?

و في الصمتِ كلامٍ بليغ

صباح الخير للطيبوون فقط ?

أصبحنا وأصبح الملك لله والحمد لله، لا إله إلاّ اللّه وحده لا شريك له، له الملك وله الحمد وهو على كلّ شيء قدير ربّ أسألك خير ما في هذا اليوم وخير ما بعده، وأعوذ بك من شرّ ما في هذا اليوم وشرّ ما بعده، ربّ أعوذ بك من الكسل وسوء الكبر، ربّ أعوذ بك من عذاب في النّار وعذاب في القبر).