https://shorturl.at/i3bGx

မတူပီမြို့မှာ ပြန်လာနေထိုင်သူ ဒေသခံတွေတစ်ဖြည်းဖြည်းတိုးလာပြီး လက်ရှိ ၂၀၀၀ ဝန်းကျင် ပြန်လာနေထိုင်ပြီလို့ သိရ

ဖေဖော်ဝါရီလ ၅ ရက်။

ချင်းပြည်နယ်၊ မတူပီမြို့ကို ဒေသခံတွေ တဖြည်းဖြည်း ပြန်လာနေထိုင်ကြသလို လက်ရှိ လူဦးရေ အားဖြင့် ၂ ထောင် ဝန်းကျင်လောက် ပြန်လာနေထိုင်နေပြီလို့ မတူပီမြို့ကိုထိန်းချုပ်ထားတဲ့ ချင်းပြည်ကာကွယ်ရေးတပ်ဖွဲ့ – မတူပီ (တပ်မဟာ – ၁)ရဲ့ ပြောရေးဆိုခွင့်ရှိသူ ကိုဘွေအုပ်ကပြောပါတယ်။

ချင်းပြည်ကာကွယ်ရေးတပ်ဖွဲ့ – မတူပီ (တပ်မဟာ – ၁) ပြောရေးဆိုခွင့်ရှိသူ ကိုဘွေအုပ်က “လက်ရှိမတူပီမြို့ကို ပြန်လာနေထိုင်တာ ၂၀၀၀ လောက်ရှိပြီ ပြန်လာနေကြဆဲဖြစ်တယ်၊ တစ်ပတ် တစ်ပတ်ကိုလည်း လူဦးရေတိုးလာပါတယ်” လို့ ပြောပါတယ်။

၂၀၂၁ မြန်မာနိုင်ငံမှာ စစ်တပ်အာဏာမသိမ်းခင်က မတူပီမြို့ပေါ်မှာ လူဦး ရေ ၁ သောင်းခန့် နေထိုင်ကြောင်းသိရပါတယ်။

ချင်းပြည်နယ်၊ပလက်ဝမြို့နယ်ကနေ အိန္ဒိယနိုင်ငံကို သွားလာတဲ့ရေကြောင်းလမ်း ကို အိန္ဒိယဖက်က တင်းကြပ်လိုက်တယ်လို့ သိရ

ဖေဖော်ဝါရီလ ၅ ရက်။

ပြီးခဲ့တဲ့ ဇန်နဝါရီလ ဒုတိယအပတ်လောက်စလို့ ချင်းပြည်နယ်၊ ပလက်ဝမြို့နယ် နဲ့ အိန္ဒိယနိုင်ငံ၊ မီဇိုရမ်ပြည်နယ်၊ လောင်တလိုင်ခရိုင်နယ်စပ်အကြား ရေကြောင်းလမ်းမှာ လူအဝင်အထွက်အသွားအလာကို အိန္ဒိယ အာသံရိုင်ဖယ်တပ်တွေက စစ်ဆေးရေးဂိတ်တွေချပြီး တင်းကြပ်လိုက်တယ်လို့ ပလက်ဝကောင်စီရဲ့လူမှုကယ်ဆယ်ရေးဌာနတာဝန်ခံက Chin World Media ကိုပြောပါတယ်။

ပလက်ဝကောင်စီရဲ့လူမှုကယ်ဆယ်ရေးဌာနက တာဝန်ခံက “အဓိကတော့ စစ်ဘေးရှောင်တဲ့ဟာကို လက်မခံတဲ့ သဘောဖြစ်တယ် ဒါပေမယ့် တစ်ခုက ဒီဘက်က အာဏာပိုင်အဖွဲ့အစည်းအနေနဲ့ လက်ခံပေးတဲ့ ထောက်ခံချက်နဲ့ ဆိုရင်တော့ သွားလာဖို့ အဆင်ပြေတဲ့အ ေနအထားပေါ့နော် ကာကီနဲ့ ကျနော်တို့ရဲ့ ကာရမိတ်ရွာပေါ့နော် ပလက်ဝဘက်က အဲဒီရဲ့ကြားမှာ ဂိတ်တစ်ဂိတ်ရှိတယ် ရေကြောင်းမှာပေါ့ နောက်ပြီး တွီဒန်းနဲ့ ကာကီကြားမှာလည်း ဂိတ်တစ်ဂိတ်ရှိတယ် ရေကြောင်းအဝင်အထွက်ကို လက်တလောမှာတော့ နည်းနည်းကြပ်တဲ့သဘောဖြစ်တာပေါ့” လို့ပြောပါတယ်။

https://www.youtube.com/watch?v=11A1IopFRMM

https://shorturl.at/drX0Y

မိုင်းအန္တရာယ် သတိပေးအမှတ်အသားနဲ့သဲလွန်စတွေက ဘာတွေလဲ ?? (မိုင်းအန္တရယ်အသိပညာပေး Video)

၂၀၂၁ ခုနှစ် မြန်မာနိုင်ငံမှာ စစ်အာဏာသိမ်းပြီးတဲ့နောက်ပိုင်း ၃ နှစ်အတွင်း ချင်းပြည်နယ်မှာ မြေမြုပ်မိုင်းနင်းမိလို့ ချင်းလူမျိုး ၃၆ ဦး သေဆုံးခဲ့ရပြီး ၆၆ ဦး ဟာ ထိခိုက်ဒဏ်ရာရရှိခဲ့တယ်လို့လည်း ချင်းလူ့အခွင့်အရေးအဖွဲ့ (CHRO)ရဲ့ မှတ်တမ်းအရ သိရပါတယ်။