3 maja 1877 hodu naradziŭsia Anton Hrynievič — źbiralnik biełaruskaha muzyčnaha miełasu (falkloru), vydaviec, piedahoh.

Siabra vydavieckaha tavarystva «Zahlanie sonca j u naša vakonca». Vydaŭ svaim koštam zbornik «Biełaruskija pieśni z notami», zbornik «Biełaruskija narodnyja pieśni z notami» (razam z A. Ziaziulem), zborniki paezyi Ja. Kupały «Huślar», «Adviečnaja pieśnia», try zborniki apaviadańniaŭ Ja. Kołasa, pieršuju knihu Ŭ. Hałubka «Apaviadańni», zborniki navieł Taŭrusa j Hvazda.

3 мая 1877 году нарадзіўся Антон Грыневіч — зьбіральнік беларускага музычнага меласу (фальклёру), выдавец, педагог.

Сябра выдавецкага таварыства «Загляне сонца й у наша ваконца». Выдаў сваім коштам зборнік «Беларускія песьні з нотамі», зборнік «Беларускія народныя песьні з нотамі» (разам з А. Зязюлем), зборнікі паэзыі Я. Купалы «Гусьляр», «Адвечная песьня», тры зборнікі апавяданьняў Я. Коласа, першую кнігу Ў. Галубка «Апавяданьні», зборнікі навел Таўруса й Гвазда.

23 krasavika 1794 hodu utvaryłasia Najvyšejšaja litoŭskaja rada — časovy revalucyjny ŭrad, orhan najvyšejšaj vykanaŭčaj ułady Vialikaha Kniastva Litoŭskaha padčas Paŭstańnia 1794 hodu.

Na fota: Piačać Deputacyi zabieśpiačeńnia z Pahoniaj.

23 красавіка 1794 году утварылася Найвышэйшая літоўская рада — часовы рэвалюцыйны ўрад, орган найвышэйшай выканаўчай улады Вялікага Княства Літоўскага падчас Паўстаньня 1794 году.

На фота: Пячаць Дэпутацыі забесьпячэньня з Пагоняй.

23 krasavika 1886 hodu naradziŭsia Źmitrok Biadula — biełaruski paet, piśmieńnik, publicyst, litaraturny krytyk habrejskaha pachodžańnia. Klasyk biełaruskaje litaratury. Dobra viedaŭ niekalki movaŭ. Pisaŭ spačatku na idyšy, paśla na rasiejskaj, ale asnoŭnuju litaraturnuju spadčynu pakinuŭ na biełaruskaj movie. Rabiŭ pierakłady.

23 красавіка 1886 году нарадзіўся Зьмітрок Бядуля — беларускі паэт, пісьменьнік, публіцыст, літаратурны крытык габрэйскага паходжаньня. Клясык беларускае літаратуры. Добра ведаў некалькі моваў. Пісаў спачатку на ідышы, пасьля на расейскай, але асноўную літаратурную спадчыну пакінуў на беларускай мове. Рабіў пераклады.

Станіслаў Баніфацы Юндзіл

Батанік, заолаг і прыродазнавец, адзін зь першых дасьледчыкаў расьліннага й жывёльнага сьвету Беларусі, доктар філязофіі й тэалёгіі (1798), прафэсар батанікі й заалёгіі Віленскага ўнівэрсытэта, загадчык катэдры гісторыі прыроды.

У 1785 C. Б. Юндзіл адбывае ў Шчучын, дзе прыняў кіраўніцтва школай піяраў. Рэфармаваў у ёй выкладаньне ў адпаведнасьці з новым статутам Адукацыйнай камісыі, увёў курс батанікі й заклаў батанічны садок, пачаў ствараць навуковы гербарый мясцовай флоры. У выніку рэформ, праведзеных Юндзілам, Шчучынская школа ў хуткім часе стала адной зь лепшых піярскіх школ.

22 lutaha 1883 hodu naradziŭsia Stanisłaŭ Bułak-Bałachovič — biełaruski vajskovy dziejač. Hienerał Asobnaha atrada BNR. Taksama viadomy jak Baćka Bułak-Bałachovič.
Na fota: Stanisłaŭ Bułak-Bałachovič sa svaim sabakam Rajtam, kastryčnik-listapad 1919 hodu.

22 лютага 1883 году нарадзіўся Станіслаў Булак-Балаховіч — беларускі вайсковы дзеяч. Генэрал Асобнага атрада БНР. Таксама вядомы як Бацька Булак-Балаховіч.
На фота: Станіслаў Булак-Балаховіч са сваім сабакам Райтам, кастрычнік-лістапад 1919 году.