​​**МУРОЖААТГА МУНОСАБАТ

Жорий йилнинг 27 ноябрь куни телеграм ижтимоий тармоғи орқали Асака туман тиббиёт бирлашмаси тасарруфидаги КТМП Тўрттош ҳудудий бўлимида Акушер-гинеколог шифокор йўқлиги тўғрисида қилинган мурожаат юзасидан Асака туман тиббиёт бирлашмаси қуйидагиларни маълум қилади.

Туманда 17 та бирламчи тиббий санитария ёрдами муассасалари мавжуд бўлиб ушбу муассасаларга жами бўлиб, 16 штат бирлигида акушер-гинеколог шифокор штати ажратилган. Ҳозирги кунда ушбу муассасаларнинг 3 тасида акушер-гинеколог шифокор етишмайда яъни 3 штат бирлигида вакант. Бундан ташқари туғруқ уйларида ҳам навбатчи акушер-гинеколог шифокорда етишмовчиликлар кузатилади. Ушбу камчиликларни бартараф этиш, вакантларни тўлдириш  мақсадида Андижон Давлат тиббиёт институти билан ҳамкорликда ишланиб, битирувчи талабалар билан индивидуал суҳбат ўтказилиб, тумандаги етишмаётган мутахассислар ўрнини тўлдириш учун амалий ишлар олиб борилмоқда.

Бундан ташқари ҳамширалар томонидан инъекция қилганликлари учун пул сўраганлиги мурожаатда иддао қилинган. Ушбу ҳолат туман тиббиёт бирлашмаси масъул ходимлари томонидан синчковлик билан ўрганиб чиқилди. Туғруқ уйининг рўйхатга олиш журналлари кўздан кечилди, ўша кунги навбатчи ходимлар билан сухбат ўтказилиб, тушунтириш хатлари олинди.  Тушунтириш хатларида навбатчи хамширалар томонидан инъекциялар учун беморлардан пул талаб қилмаганлиги ёзилган.

Ҳурматли фуқаролар шу каби ҳолатлар ёки тиббиёт ходимлари томонидан Сизга қилинган муолажалар, кўрсатилган ёрдамлар учун тамагирлик ҳолатларига дуч келсангиз барча муассасаларга ишонч телефонлари илинган шу ишонч телефонлари орқали ёки тиббиёт бирлашма маъмуриятига ёзма мурожаат қилишингиз мумкин.  Сиз йўллаган мурожаатлар масъул ходимлар томонида ўз вақтида, қонунийлик асосида ҳал этилади.**

Асака туман тиббиёт бирлашмаси
Матбуот хизмати

#диққат *⚡️*⚡️Онкологик касалликка чалинган аёллар бепул даволанади — Президент қарори.**

“Аёллар орасида онкологик касалликларни назорат қилиш тизимини такомиллаштириш чора-тадбирлари тўғрисида”ги Президент қарори қабул қилинди.

Қарорга кўра, тиббиётнинг бирламчи бўғинида 30–65 ёшдаги аёлларнинг электрон базаси (рўйхати) шакллантирилади, уларни тиббий кўрикка таклиф қилиш тизими яратилади.

Ҳар йили 30–50 ёшдаги аёлларда бачадон бўйни саратони скрининги одам папилломаси вирусини полимераза занжирли реакция текшируви усули орқали аниқлаш ҳамда суюқлик цитологияси усулида текшириш йўли билан амалга оширилади.

30–65 ёшдаги аёллар ҳар 2 йилда бир маротаба тиббиёт ходимлари томонидан бирламчи саралашдан ўтказилади.

Скрининг натижасида онкологик касалликка чалинганлиги аниқланган беморларни ташхислаш ва даволаш билан боғлиқ харажатлар бюджет ҳисобидан молиялаштирилади.

Асака туман тиббиёт бирлашмаси
Матбуот хизмати