лелий хьо дарз хьекхаш дег чу,
ша санна шелъенна кер чу?
фу вахар со воацаш эшаш,
хьанех я хьо тахан тешаш?

йилхарий даьлча вай довне,
тIоадаеш хьай гIайба гIовге?
хьан хиннад гIанаш хьа суртех?
таръеннай сона хьо чуртех.

бакъдолаш дешаш да дахаш
иштта хул массане яхаш:
«ца хайташ ший дег чу доалар
хийла йоI иразагI йоалар».

Ахмад Шадиев

ЙиIий уйлаш.

юрта хазар детташ герзаш,
йоагIар я хьа саг.
херцар дег чу са синбердаш
елхаш санна дак.

укх коа бахка бийза замеш,
бахар кхыча юрт.
нанна хьалха аз ца йохаш
лохабинзар корт.

наха хьона харжача йоIо
хьа коа баьккхар ког.
«Ираз хилда хьа», - аьлар шорттиг
тоха ца луш дог.

«лаьрхIар хилац дегIар мара», -
аьлар нанас шийла.
са бе баьлла нув Iобежар,
елхар даьнна гIийла…

Ахмад Шадиев

Девушка, которая летела сегодня на самолете Победа и сидела в этом телеграмм канале, отзовись))
Тебя ищут 🤫