КЕТТИҢ

(Мийнет Каҳарманы, аты аңызға айналған врач Оразымбет аға Халмуратовтың естелигине)

Дүньяға келиўдин кетиўи де бар,
Қызықлы күнлердиң өтиўи де бар,
Ойлаған ойлардың питиўи де бар,
Халқыңның хызметин питкерип кеттиң.

Күшиңди сарп етип емлеў исине,
Жеткенше асығып наўқас кисиге,
Машина жоқ жерде елдиң ишине,
Дәри-дәрмағыңды бөктерип кеттиң.

Доктор деген исенимди ақлаўға,
Күшти жумсап кеселликти саплаўға,
Халқымыздың ден саўлығын сақлаўға,
Медик кадрларды жеткерип кеттиң.

Инсанға көпсинип өмир сүриўди,
Әжел пәнже урса қысып жүримди,
Арашалап, узақ созып өмирди,
Гейде өлимге де пәнт берип кеттиң.

Кеселин анықлап, емин бергизип,
Аўыр қәстелерге диңке енгизип,
Бир көринсек болар еди дегизип,
Халыққа қәдириңди өткерип кеттиң!
1981-жыл
Байнияз Қайыпназаров Бүгин, 28-февраль Оразымбет Халмуратовтың туўылғанына 124 жыл толды.

(Сүўрет Қарақалпақстан Республикасы Орайлық Мәмлекетлик архив фонды дереклеринен)

Каналымыз силтемеси:
@Bayniyaz_Qayipnazarov

#Архив_сүўретлер

1969-жыл. Ташкент қаласында Қарақалпақстан әдебияты ҳәптелигинде. Жазыўшылар форумы қатнасыўшылары.

"Қарақалпақ тарийхы, этнографиясы, мәденияты" фейсбук бетинен.

Каналға ағза болыў: https://t.me/QRARXIV

Қыял жетсе —
        Ой шыңының,
                  Уша басына,
Илҳам келер — 
        Көзи түссе,
                 Гүл шақасына,
Жағымталлы — 
        Сап ҳаўадай,
                 Ел арасына,
Сөзи тарар,
        Өзи қалар,
                 Байнияз болып.

Байнияз Қайыпназаров

Каналымыз силтемеси:
@Bayniyaz_Qayipnazarov

Бүгин, 25-август қарақалпақ әдебиятының көрнекли ўәкили, гүлқумар жан, шайыр Байнияз Қайыпназаровтың туўылғанына 107 жыл толып атыр.

Шайыр 1916-жылы Шымбай районының шығысындағы Саңмурын аўылында дүньяға келеди.

Каналымыз силтемеси:@Bayniyaz_Qayipnazarov

Байнияз Қайыпназаров пенен ленталарға жазылған сәўбет (шамалап 1995-жыллар)

Окопта жазылған «Көк емен» қосығын шайырдың өзинен тыңлаймыз.

Каналымыз силтемеси:
@Bayniyaz_Qayipnazarov

​​ЖЕҢИС КҮНИ

Аса қуралланып ләшкерин үйген,
Бизге урыс ашып өзлери тийген,
Тыныш ана жерге бастырып кирген,
Жаўға қарсы турыў мәртке тән еди.

Бузылмас бирликтиң күшине исенип,
Халық коллап бойға қуўат-күш енип,
Жаўды шегиндирип, үстине дөнип,
Қан майданда жүрген солдат мен еди.

Душпан оғы тийип жығылғанымда,
Тура алмай еңбеклеп жылысқанымда,
Қансырап, ҳәлсиреп қысылганымда,
От ишинен алып шыққан сен еди.

Қызыл гүлдей жайнап ысық жүзлериң,
Уллы үмит оты толы көзлериң,
Жазылып кетесен деген сөзлериң,
Жарадарға шыпа, дәртке ем еди.

Топ атылып бомба түсип жарылған,
Ҳәр адым жеңисли алға барылған,
Гүрес пенен жаўдан қайтып алынған,
Бир сүйем жер тәнде жанға тең еди.

Қаша-қаштан жаў өкпеси сығылды,
Ең изинде өз инине тығылды,
Рейхстаг алынды, туўы жығылды,
Бизлер жеңген бул жеңисли күн еди.

**1979-жыл
Байнияз Қайыпназаров

Каналымыз силтемеси:**
@Bayniyaz_Qayipnazarov

Байнияз Қайыпназаров, Тәжетдин Сейтжанов, Ғалым Сейтназаров, Зоя Акимовна Насурлаева, Исмайыл Қурбанбаев, Узақбай Пиржанов

Сүўрет Б. Зиварованың фейзбукынан алынды

Каналымыз силтемеси:
@Bayniyaz_Qayipnazarov

КӨРДИҢ БЕ

Сөзи: Байнияз Қайыпназаров
Атқарыўшылар: Динара Айтжанова ҳәм Саҳибжамал Ербаева (дуэт)
Намасы: Ғаний Аманиязов

Каналымыз силтемеси:
@Bayniyaz_Qayipnazarov

КӨРДИҢ БЕ

Сөзи: Байнияз Қайыпназаров
Атқарыўшылар: Динара Айтжанова ҳәм Саҳибжамал Ербаева (дуэт)
Намасы: Ғаний Аманиязов

Каналымыз силтемеси:
@Bayniyaz_Qayipnazarov

КӨРДИҢ БЕ

Сөзи: Байнияз Қайыпназаров
Атқарыўшылар: Әзима Үсенова ҳәм Гәўҳар Сайтова (дуэт)

Каналымыз силтемеси:
@Bayniyaz_Qayipnazarov