غیبدن گلدی ندا دلبر دلدار گلور

کعبه دیواریوی آچ محرم اسرار گلور

افتخار ایلگینن شش جهت آفاقه

سنه مفخر یارانوب حیدر کرار گلور

مولود کعبه

بوگون جسم جهانین جانی گلدی

حرم پیشواز ائدور جانانی گلدی

عدالت فخر ائلور میزانی گلدی

رسولین یار و هم پیمانی گلدی

جمالین گورسده معبود کعبه

علینی ایلدی مولود کعبه

گوزل اعجاز ائدوب خلّاق رحمان

که یعنی خلق ائدوب بیر کامل انسان

علینین گلمگیندن حور و غلمان

یری برتر بیلوبدی آسماندان

دیولّر بو اوشاق اژدر بولندی

شجاع و با صلابت بت شکندی

عدالت روح تدبیرون مبارک

کرامت حسن تقدیرون مبارک

ملک تهلیل و تکبیرون مبارک

محمد(ص) شیر و شمشیرون مبارک

دئسونلر وار یری ذرّات عالم

وصیّ مصطفایه خیر مقدم

علی ختمِ رسوله جانشین دور

علی شاه ولایت رکن دین دور

علی معنای قرآن مبین دور

علی سرحلقه ی اهل یقین دور

علیسیز دین و ایمان درده دگمز

علیسیز باغ رضوان درده دگمز

علی شاه ولا شمس امامت

علی کان سخا دریای رحمت

علینین خلقتینده چوخدی حکمت

آدین ذکر ایلین ایلور عبادت

علی توصیفینه یوخ حدّ و پایان

علینی وصف ائدوب آیات قرآن

علی آئینه ی ایزد نمادی

علی اون بیر امامه رهنمادی

علی درده دوا قلبه صفادی

علی شاهنشه مشکل گشادی

قدومیندن شرافت تاپدی کعبه

آلوب آغوشه زینت تاپدی کعبه

علوم عالمه دارا علیدور

سلونی سویلین تنها علیدور

ولیّ حق دئدی طاها، علیدور

سیزه مندن صورا مولا علیدور

علیدور عالمه مولا و رهبر

علیسیز هر عمل باطل دی "زعفر"

"زعفر آزادمهر "

غسل کوثر

روی مغسل جسم پاک فاطمه جان علیست
تا زمان غسل، آن مظلومه مهمان علیست

آتشی در قلب مولا گشته از غم شعله‌ور
مشعل آن بزم هجران آه سوزان علیست

زینب و کلثوم و اسما و حسین و هم حسن
اشک ریزان شاهد دیدار پایان علیست

گرچه میگویند بر آن جسم اسما آب ریخت
لیک اصل آب ریزان چشم طفلان علیست

کی توان با آب این دنیا به کوثر غسل داد
آب غسل فاطمه اشک دو چشمان علیست

«زعفر آزادمهر»
https://eitaa.com/joinchat/3002007585Ca8d3ac8bd8

واقعیت محض

ملت ایران بو گون صحنه ده آماده دی
تک به تکی ياور رهبر آزاده دی

بیلمسه بیلسون بونی کاخ سفید، انگلیس
ایندی جهان سلطه ی زاده ی زهراده دی

فکر پلیدیله کیم گیچسه خط قیرمیزا
پیکر نحسین گورر تپراقا افتاده دی

آند اولا قخ بش ایله ناحق آخان قانلارا
دشمنی محو ایلمک بیزلره چوخ ساده دی

قدرت مافوقه بیز حمد خدا یتمیشوک
موشک پیشرفته میز دیده ی دنیاده دی

زنگ خطر دور بو بیر نکته میز اسرائیله
پوزه ی اول صهیونی ضرب نوک پاده دی

"زعفرآزادمهر"

تسلیت یابن الحسن

تسلیت ای صاحب عصر و زمان یابن الحسن
قلبیوی هجران اوخی ایتدی نشان یابن الحسن

شیعه لر گوزیاشوه قربان اولا اولدون یتیم
عرشه قوزانسون گرک آه و فغان یابن الحسن

معتمد بیر ظلم ائدوب ارکان هستی تتریوب
غصّه دن محزون اولوبدی انس و جان یابن الحسن

ایلسون الله عذابین چوخ شدید اول ظالمین
آغلاشار بو غمده حتی قدسیان یابن الحسن

بو جنایتلر هاچان پایان تاپار ای دادرس
گل بو ناحق قانلارا سن ایله قان یابن الحسن

آل عدالت تیغینی گوزیاشی سیلمیش اللره
انتقامه ائتگیلن چهره عیان یابن الحسن

"زعفرین" اولسا گناهی رحم ائله گچ جرمینی
آغلیوب جدون حسینه چوخ زمان یابن الحسن

(زعفرآزادمهر )

شورای سقیفه

دریای کینه ایلدی طوفان سقیفه ده
ظلمه آچیلدی پرچم طغیان سقیفه ده

دفن اولمامیش پیمبر خاتم جنازه سی
گلدی بروزه کینه عدوان سقیفه ده

بدر و حنین ئولنلرینه انتقام ایچون
جمع اولدی بیر یره نچه نادان سقیفه ده

شیخین تیره دل یغوب اطرافه اونلاری
شورای شرّی قوردولا پنهان سقیفه ده

بعد از صلاح و مشورت و رای و گفتگو
گلدی وجوده دولت عصیان سقیفه ده

بوبکر، جانشین ، سئچیلدی پیمبره
امضای خلقه یتدی او فرمان سقیفه ده

ثانی مقرر اولدی ابوبکره جانشین
تنظیم اولوندی دفتر و دیوان سقیفه ده

دوشدی بو اتحادیده چوخ اتفاقلر
آز قالدی آسمان اولا لرزان سقیفه ده

اجباریلن مهاجر و انصاری چکدیلر
بیعت رضایتی اولا اعلان سقیفه ده

بعضی گلوردی دعوتیلن بعضی زوریلن
امضا ائدوب اولوردی پشیمان سقیفه ده

تثبیت اولوندی امر سقیفه بو نحویله
یغمایه گئتدی مذهب و ایمان سقیفه ده

باد فنایه وئردی عرب اوز حمیّتین
حقّی قویوب دانشدیلا بطلان سقیفه ده

دوندی صحابه ی نبوی قالدی دورت نفر
آختاردی چوخلاری تاپا رجحان سقیفه ده

ایمان راسخیله او مردان پاکباز
حقّه اولوبلا یاخشی نگهبان سقیفه ده

کیمدور او دورت نفر قوی ائدوم آدلارین بیان
دوتمیشدی دوردیده ره عرفان سقیفه ده

عمّاریلن ابوذر و مقداد حق شناس
بنیاد حقّی ائتدیله بنیان سقیفه ده

دوردیمجی شخصه وار یری ایرانلی فخرائده
ایماندا آلدی رتبه ی شایان سقیفه ده

دوندی مهاجرین هاموسی حقّه لا دئدی
حقّی دانشدی دونمدی سلمان سقیفه ده

صد مرحبا او مظهر ایمان و غیرته
حقه گتوردی منطق و برهان سقیفه ده

حقدن حمایت ایتدی او وارسته حق شناس
ناحقّدن آپارمادی فرمان سقیفه ده

پیغمبرین بیان شریفی عبث دگول
سلمان ُمنّی اولدی نمایان سقیفه ده

سلمانی اهلبیته قوشوب ختم الانبیا
خطّین آیردی ملت ایران سقیفه ده

طومار ظلمی باغلادیلار غاصبان غرض
امضا ائدوبدی ذیلینی شیطان سقیفه ده

ظلمین بناسی تاپدی او مجلسده خاتمه
اولدی هامی جنایته پایان سقیفه ده

اجرای حکمه اولدی عمر انتخاب او گون
رفتاری قیلدی شیعه نی گریان سقیفه ده

عشق ریاست ایلدی پامال عقلینی
دنیایه ساتدی دینینی ارزان سقیفه ده

ائتمشدی گر غدیرده بیعت ازل اوزی
یاددان چیخارتدی بس نیه الآن سقیفه ده

بیلمم تفکّر ائتدی و یا اینکه ائتمدی
سیندردی بیعتین ائله آسان سقیفه ده

حکم خدانی امر غدیری ایاقلادی
ظلمونده قویمادی قالا نقصان سقیفه ده

بیر کیمسه اولمادی دیه ای تشنه ی مقام
دنیادن اوتری ایلمه طغیان سقیفه ده

قان اولدی غصّه دن اورگیم غملی سینه ده
بو ماجرایه اولموشام حیران سقیفه ده

نه ماجرا که شرح اولا احبابی یاندیرار
گوردی روا نئجه اونی انسان سقیفه ده

بیر ایش گوروبدی گورمز اونی صاحبان عقل
جاهلدن آلدی سبقت او نادان سقیفه ده

ثانی چکوب جماعتی باب رسالته
درگاه وحیی ایلدی سوزان سقیفه ده

ظلم آتشینده اوتلادی باب رسالتی
یاندی او ناره عالم امکان سقیفه ده

مسمار زخمی فاطمه نی سالدی زحمته
اولدی ستمله قانینه غلطان سقیفه ده

باغلاندی ظلم الیله یداللهین اللری
دوزدی جفایه اول شه مردان سقیفه ده

دو غراندی مجتبی اورگی زهر کینیه
نعشین ده اوپدی ناوک پیکان سقیفه ده

اخیام شاه کرب وبلا  یاندی کینه دن
یانمازدی اولماسیدی او بحران سقیفه ده

((زعفر))،تمام شیعه لری بو جفا ایله
حشره کیمی قویوبدیلا گریان سقیفه ده

«زعفر آزادمهر شیخ درآبادی»
@zafarazadmehrshurashura

بسمه تعالی
نوحه اربعین زبانحال زینب (س)

شامی گئدیب دولاندیم قولدا رسن حسین جان
گلمشم اربعینه دلده محن حسین جان

زینبی پیشواز ائت قامتی خم گلوبدی
وار سنه عرضحالی دل دولی غم گلوبدی
غرق عزا یانیجا اهل حرم گلوبدی
نصب ائده بو دیاره قاره علم گلوبدی
لطف ائله بو غمینه جان حسن حسین جان

گئتدیم ائلیکه شامه قولدا طناب کینه
خارجی آد قویولدی عترت شاه دینه
ائتدیله چوخ شمادت غمله قالاندی سینه
اولمادی حامی اولسون کیمسه بو دل حزینه
دل یاراسی ووراردی یولدا گئچن حسین جان

نیزه ده سن دولاندون بیز یریدوک پیاده
چاتدی یزید نادان فکر ائلدی مراده
مست ائلدی او پستی کبر و غرور و باده
چکدی بنات زاری کنگره ی فساده
کینه سینی او ظالم ائتدی علن حسین جان

رذل و دنی جماعت رخت حیانی سویدی
قانلی باشی جدادن طشت طلایه قویدی
ائتدی یزید اهانت قلبیمی غصّه اویدی
کینه ی ناروادن نه یورولوب نه دویدی
باخمادی قانلی باشی واردی گورن حسین جان

چوبه ی خیزرانه وئردی تکان او ظالم
قانلی دوداقلاروندا دوتدی نشان او ظالم
ووردی اوچوب ظلمی نعره زنان او ظالم
قامتیمی او غمده ایتدی کمان او ظالم
لعل لبون اوپردی چوب فتن حسین جان

گرچه او ماجراده ضعف ائلدیم سارالدیم
صحبت آچوب یزیدی گورملی حاله سالدیم
فاش ائلدیم جفاسین یخدیم ائوین اوجالدیم
قوردیم عزا او یرده غارت اساسین آلدیم
گَتدّیم آنام نشانی کوینگی من حسین جان

شکر ائدیرم خدایه ائتدی منه حمایت
فاتح اولوب قیتدیم قبرون ائدم زیارت
گورملی قبری گوردیم قالمادی دلده حسرت
حیف اولا که رقیّه ایتدی منی خجالت
گلمدی قالدی شامی ایتدی وطن حسین جان

هاردا دوشوب بلایه آلما خبر رقیون
مختصر عرض ائدیم که چکدی نلر رقیون
هر گونی گوندن اولدی دردی بتر رقیون
شمر وسنان الیندن تاپدی خطر رقیون
سیلی یدی هاچان که ایتدی سخن حسین جان

خون دلین رقیه ،اشکِ عذاره قاتدی
زجرین الینده هر گون ناله گویه اوجاتدی
ووردی اونی او ظالم درد و غمین چوخاتدی
قمچی یوروب او طفلی عالمی گوزدن آتدی
اولمادی غسله ممکن نیلی بدن حسین جان

ئولدی رقیّه قیزلار محشری ائتدی برپا
غش ائلیوب او غمده تاپدیلا حال اِغما
بعضی لری سووردی تپراقی باشه اوردا
اولمادی کیمسه ائتسون قبر و کفن محیّا
اللریم اوسته قالدی الده ئولن حسین جان

هاردا مگر جنازه الده قالا روادی
هانسی باشی بلالی من کیمی مبتلادی
هانسی قیزین مزارین عمّه قازا سزادی
قازدیم اوزیم مزارین غصّه لی ماجرادی
قویدیم اونی او قبره قاره کفن حسین جان

نوبه یتوب توکولسون خاک عزا مزاره
کیم اله توپراق آلدی توکدی یره دوباره
آتدی اوزین او قبره باشلادی آه و زاره
حشردن آرتیق اولدی صحنه بو دلفکاره
اولمادی کربلادن داده گلن حسین جان

اهل حرم او قبره گوز یاشینی الردی
سینه ی آسمانی ناله و غم دلردی
سس اوجالاندا هر دم یولدا گچن گلردی
بعضی ائدوب شمادت بعضی باخوب گولردی
هیچ یوخدی او غمده غصّه چکن حسین جان

بو غمه تا قیامت عودیله مجمر آغلار
قاسم و عون و فضل و جعفر و اکبر آغلار
قولسوز امیر لشگر هم علی اصغر آغلار
نوحه سینی یازاندا نوکری((زعفر))آغلار
قلبی اولار او طفله بیت الحزن حسین جان

«زعفر آزادمهر شیخ درآبادی»
@zafarazadmehrshurashura

عادت عوام

یاحسین گور نه ستم صنف عوام ایلدیلر

سنی ئولدوردیله هند اوغلین امام ایلدیلر

بویورب شیعه لره حضرت سجاد بالون

شامده عترتوه ظلمی تمام ایلدیلر

عمه می شام قوجالدوب باجیمی شام یوروب

زندگینی بیزه بو قوم حرام ایلدیلر

بابامون گئتدیله تالاره کسیلمش باشینی

اهلبیتین گونوزین شامده شام ایلدیلر

نه دیوم طشت طلاده قورولان محکمه دن

خیزرانی گوتوروب تیغی نیام ایلدیلر

او قدر آب و غذا وئرمدیلر دوتدوق اروج

بیزه ماه صفری ماه صیام ایلدیلر

ووردیلار قمچی او قدری یورولوب ئولدی باجیم

زجریلن شمر دنی اخذ مرام ایلدیلر

کفن اولمادی بی بیم معجرینی ائتدی کفن

گور نه اندازه بیزه ظلم مدام ایلدیلر

«زعفرا» ختم کلام ائتمگه ثبت ایلگیلن

بو جنایاتی فقط ملت خام ایلدیلر

«زعفر آزادمهر شیخ درآبادی»
@zafarazadmehrshurashura

کعبه ی عشق

شرار  عشقه  یانوب  ناله ی  دراز  ائلدیم
سرشک چشمیله تا غسل و دستماز ائلدیم

وصال زائرین اسب خیاله میندردیم
گئجه زمانی اونی عازم حجاز ائلدیم

طواف کعبه ی گل باشلادیم اورک دولی غم
او قدری طوف ائلدیم سرّ عشقی باز ائلدیم

ندا یتیشدی دایان ای مرید معنی عشق
وئریلدی رتبه ، سنی صاحب امتیاز ائلدیم

دایانما بوردا داخی سنگ و گلده عشق اولماز
دولان مرادیوی تاپ قورخما بی نیاز ائلدیم

صفالی کعبه گزورسن بیر آیری کعبیه گئت
او کعبه کعبه ی دلدور که کشف راز ائلدیم

بیر آدی کعبه ی کرب و غم و کدردی اونون
تمام حاجی لرین غرق سوز و ساز ائلدیم

ورودی در عشقه حسین دی رمز عبور
دی یاحسین سنی بو ذکره ده مجاز ائلدیم

لوای عشقی گوتور حق دانیش بلالره دوز
مراد عشقیوی چون اونلا سرفراز ائلدیم

او دمده شهپر عشقه سوار اولوب اوچدیم
قوای  همتیلن  بابِ عشقی  باز  ائلدیم

وصال زائری دل کعبه سین گزوب تاپدی
طواف قیلدیم اونی اهل رازه ناز ائلدیم

او کعبه اوخشوری عرشه نماسی شش گوشه
اوپوب او گوشه لری صبحه تک نماز ائلدیم

او یرده «زعفری» گوردیم گزوردی گوزیاشلی
دیوردی حرّ کیمین منده حرص و آز ائلدیم

قبول توبه امیدیله گلمیشم بو یره
حسین (ع) دییه بونیدا حرّه همتراز ائلدیم

«زعفر آزادمهر شیخ درآبادی»

@zafarazadmehrshurashura