MUDDAO

Men kimni yoʻqotdim,
Men kimni topdim?
Koʻzing yomgʻirlari
koʻnglimga botdi,
Yoʻllar ming azamning
azobin totdi,
Men kimni yoʻqotdim —
Men kimni topdim?

Uning qoʻllarida ketdi mungʻayib
ming bir yozilmagan sheʼrlarim—
gʻarib,
Endi borib boʻlmas,
boʻlmas axtarib,
Men kimni yoʻqotdim?

Tushini yoʻqotgan tunlarda qoldim,
Yashab charchamadim,
yashamay toldim,
Koʻnglimni ne tuban kuylarga soldim,
Oldin qandoq edim,
Oʻzing ayt,
oldin?
Men kimni yoʻqotdim?

Bir shak oʻrmaladi koʻkrak — qafasda,
Men parvoz izladim
tuproqdan pastda,
Makka donasiday sitilib ketgan
irodamga
malham boʻlmogʻin istab,
Men kimni topdim?

Oʻzim murdorman-u
muddaoyim moʻl,
Rang tilab,
ranglarga boʻlmadim maʼqul,
Ey mening kaftimga
chizilmagan yoʻl,
Men kimni topdim?!

11.01.2023

Rashid Xoʻjamov

... Shoirlar,
Sindirib tashlang qalamni!
Qanotsiz tuyg‘ular,
Ilmoqli gaplar,
Vaznga solingan shodlik,
qayg‘u,
Sevgi kerakmas!
She'r zamonni yelkasiga ortib,
Raketadek shiddat bilan yuksaklikka uchmasa,
Atom bombasi kabi ajal urug‘ini emas,
Shunday qudrat bilan
Ezgulik urug‘ini sochmasa,
Ehtirosdan ta'sirchan,
Erkinlikdan yuksak,
XX asrdan kuchli bo‘lmasa,
She'r kerakmas!
Sindirib tashlang qalamni!..
Va uzr so‘rang:
She'r kechiradi,
Odamlar kechiradi...

✍️Akromjon Aminov

@R_Xojamov

​​Бу ранглар ортида осмон бор,
Замин бор - хосларга оиддир.
Томон йўқ, айлана - олмазор,
Урф эмас ҳеч қандай қоида.

Бу ранглар ортида денгиз бор,
Соҳил йўқ.
Тўлқинлар тушлардай
Кўзингга урилар, урилар
Туйғулар - балиқчи қушлардир.

Бир йўл бор - нафасдан нафис йўл,
Айрилмас, бўлинмас турларга.
Юрсанг - гул, йиғласанг, кулсанг - гул,
Баландроқ яшайсан ҳурлардан.

Бу ранглар ортида тоғлар бор,
Қўрқув йўқ, ҳадик йўқ, ўлим йўқ.
Афсона уч бошли аждаҳо,
Одамлар афсона - зулм йўқ.

Бу ранглар ортида ҳислар бор ...
У ранглар ортидан сарғариб
Яшайман шаклда интизор
Оқ-қора суратлар сингари.

Бу ранглар ортида қушлар бор,
Туғилар, куйлар-у соврилар.
Бу тоғлар ортида тушлар бор -
Кўзимда тунайди қумрилар.

Бу ранглар ортида ранглар бор,
Кўнгил бор шу рангларни енгсам.
Бу ранглардан ўтсам - олмазор,
Бу ранглардан у ёғи Сенсан!

© Башорат Отажонова

BAXTLI ODAM

Yer qorishdi quyqa oqshomga,
Shahar shovqinidan zerikdi.
Chayqalaman qoʻshilib jomga
Qushlar uxlatmagan terakday.

Hoʻv yulduzlar — oʻtmish bitigi,
Oʻqiy olmas yerdagi avom.
Olislarda itlar uliydi —
Qismatidan norizo qavm.

Osmon — dengiz,
Oy — yangi qayiq,
Suzar bulutlarni tindirib.
Uchay desang, manziling aniq
(Tasavvuring bermasa firib)!

Xayollar pok, nigohlar keskir…
Mugʻanniyning kuyida ne gʻam?!
Bir oʻksiz sheʼr yozolmay oʻksir
Dunyodagi eng baxtli odam.

Rashid Xoʻjamov

2024-yil 26-may.

T.me/R_Xojamov

Nimadir his qilsanglar, izohda yozib ketarsilar...

Sirdaryolik yosh ijodkorlarning adabiy-ijodiy kanallari:

1. Dilmurod Doʻst:
   https://t.me/Dil_Dost

2. Majnuna:
   https://t.me/majnuna_mirzayeva

3. Husniddin Hayit:
   https://t.me/husniddin_hayit

4. Aziz Xoʻja Nur:
   @Aziz_Xoja_Nur_99891_501_57_57

5. Aziza Yusuf qizi:
   @yana_sherimga_aziza_yusuf_qizi

6. Rashid Xoʻjamov: (Samarqand)
   https://t.me/R_Xojamov

7. Quddus Asad:
   @Quddus_ASAD_sahifasi

8. Zarnigor Abduolimova:
   @Zarnigorxon_1227

9. Durdona Bahodirova:
   @BahodirovaDurdona

10. Begzod Xazratov:
    @begzodning_kanali

11. Fotima Abdurazzoqova:
    @fotimaabdurazzoqova

12. Sitora Naimjonova:
    https://t.me/dil_qoralamasi

13. Ortiqboy Samandarov:
    https://t.me/qalb_sari_qalam_bilan_2020

14. Odina Abdumoʻminova:
    http://t.me/Odina_Abdumuminova

15. Kumush Odina:
    @kumush_odina

16. Shohista Ergasheva:
    https://t.me/NISAN_8

17. Karima Husanova:
    https://t.me/khusanovaF

18. Sulton Mamatqobulov:
https://t.me/sulton_mamatqobulov

МАКТУБ

Она,
уйимизга баҳор келгандир,
Қутулгандирсиз
aзонлаб печкага кўмир қалашдан...
Қутулгансиз, эҳтимол, ҳар кун
“Етарми” деган ўйда
кўмир қопларини санашдан.

Омонми, она,
Ҳар фаслда "бир пасилга" келадиган,
фасллардан кўнгли совиган,
Бир Худодан кўнгил узмаган,
Қишдан ёмғир билан чиққан
бойчечакдил опам...

“Чарчашга вақти йўқ”
Баҳордан бехабар,
Ўзининг туғилган кунини
(Эҳтимол ўзини) унутиб қўйган,
Боласини унутса-да ини(с)ини унутмайдиган оғам...

Ўзидан ортмайдиган,
Худди ўзимдай оғайниларим...

Мен дунё билан ёши тенг
деб ўйлайдиган,
Қулоғи тамоман эшитишдан озод,
Асрнинг тишини тўккан,
Бутун оилани ҳужрасидан чиқмай боқаётган,
Сиз-да “бир пасилга” йўқлаб борадиган,
Қуёшли кунларда ўлишни орзу қилиб
Ўлимдан сира қўрқмай қўйган бувим...

Уч капалакдай
Ҳовлимизда учиб юрадиган,
Қулоғидай отқулоқларга
Туз сепиб ейишни хуш кўрадиган
Акамнинг уч қизи...

Томимизга варраги илиниб қоладиган шумтакалар,
Менинг шеъримни ёдлаб
Ўзимни қарғайдиган қизлар,
Тугамайдиган манбали
чироқ ва газли кунларга
Иймон келтирган одамлар, омонми?

Мен бораман —
ҳаммасини кўришга,
Яшил далаларга шеър экиш,
Қабрини ҳам дунёдай гуллатган,
Мен йиғлаб экиб келган гулларни ҳидлаб ётган,
Ҳар қандай давраларга,
Ҳар қанақа ҳашамга ярашган,
Биргина қабристонга ярашмай ётган отамни кўриш
ва яна бош олиб кетиш учун баридан
Бораман...

2020 йил

Р.Хўжамов

T.me/R_Xojamov

Uch kundan beri shu qoʻshiqni eshityapman)

@R_Xojamov

#янги

Ютиб борар мени бу шаҳар,
Тортиб олар шиддатим, сезгим...
Кўзларимга кўзлари маҳтал,
Юзларимни силайди севги.

Кулдай сочиб ташланган ризқим?
Вақти йўқлар вақтим бошқарар.
Мен куйлаган қадим оҳангда
Мендан гўзал куйлар бошқалар.

Хиралашар кунлар – хазонрез,
Туман ичра топар ғар ғарни.
Терга ботиб ташийди поезд
Вагон-вагон ошқозонларни.

Тонгги азон аллалар мени,
Ғазабингни чандон оширдим...
Ҳар на қилсам жимсан, ё Тангри,
Сукутингда нелар яширдинг?!

✍ Рашид ХЎЖАМОВ