✅တွေ့ဆုံဆွေးနွေးရေးဖိတ်ခေါ်ထားပေမဲ့ မျက်ကွယ်ပြုခံနေရတယ်လို့ စစ်ခေါင်းဆောင်ပြော

လက်နက်ကိုင်ပဋိပက္ခချုပ်ငြိမ်းရေးအတွက် နိုင်ငံရေးပြဿနာကို နိုင်ငံရေးနည်းလမ်းနဲ့ တွေ့ဆုံဆွေးနွေးဖို့ ဖိတ်ခေါ်ထားပေမယ့် တိုင်းရင်းသားလက်နက်ကိုင်အဖွဲ့အချို့ကမျက်ကွယ်ပြုထားတယ်လို့ စစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင် က ပြောလိုက်ပါတယ်။

ဒီဇင်ဘာလ ၂၈ ရက်နေ့မှာ ကျရောက်တဲ့ နှစ် (၅၀) ပြည့် ရွှေရတု အာခါအမျိုးသားနေ့ အခမ်းအနားကိုပေးပို့တဲ့ သဝဏ်လွှာထဲမှာ စစ်ခေါင်းဆောင်က ပြောခဲ့တာ ဖြစ်ပါတယ်။

ဗိုလ်ချုပ်မှူးကြီးမင်းအောင်လှိုင်ဟာ ရှမ်းပြည်နယ်အရှေ့ပိုင်းကျိုင်းတုံအခြေစိုက် တြိဂံတိုင်းစစ်ဌာနချုပ် တိုင်းမှူး လုပ်ခဲ့ဖူးတဲ့အတွက် အာခါခေါင်းဆောင်တွေနဲ့ ရင်းနှီးတဲ့ဆက်ဆံရေးရှိခဲ့ပါတယ်။

လက်ရှိအချိန်မှာတော့ မြန်မာစစ်တပ်ဟာ အရှေ့မြောက်တိုင်းစစ်ဌာနချုပ်နဲ့ အနောက်ပိုင်းတိုင်းစစ်ဌာနချုပ်တို့ကို ဆုံးရှုံးထားတာဖြစ်ပါတယ်။

သတင်းများကိုသိရှိနိုင်ဖို့ ?
ဒီ channel လေးကို join ထားပါ ဗျို့
https://t.me/bigcountrycitizen