اللهم فاطر السماوات والأرض
انته وليي في الدنيا والإخره
توفني مسلمًا والحقني بالصالحين .

‏اللهم في يوم العيد لنا احبه فارقونا فنسألك يا الله طمأنينة تُحيط قبورهم، اللهم نعيم يحفّهم وأنهار تسرّ ناظرهم اللهم اضئ قبورهم بنور الجنة اللهم أرحم موتانا وموتى المسلمين وآنس وحشتهم???.

دعاء لتحقيق الامنيات

اللهُـم يا أكرم الاكرمين ويا إرحم الراحمين
يا من تسجد له الجباه وتسبح بحمده الأفواه
اسألك بأسمائك الحُسنى وصفاتك العُظمى
التي اذا سألت بها اجبت .. ثم تذكرون حوائجكم

﴿أُجِيبُ دَعْوَةَ الدَّاعِ إِذَا دَعَانِ﴾

﴿أُجِيبُ دَعْوَةَ الدَّاعِ إِذَا دَعَانِ﴾

العلاقة التوكسيك الوحيدة في حياتي علاقتي بالشتاء..
مهما عمل فيني ح افضل احبو

...

عندك سؤال أو استشارة او حابي تفضفض او حابي تقول لي حاجة اتفضل؛ حالياً انا فاضي و معندي اي شغله.
@Wad_Roy

جزء من الراحة النفسية لما تكون علاقتك حلوة ومريحة مع كل الناس، عارف الزول القدامك دا كعب وبتكلم عنك بالسوء برضو بتعاملو كويس، وعارف إنو العايزك لمصلحة أو حاجة مؤقتة برضو بتقضي غرضو وعلى قلبك ذي العسل..

الراحة نفسية تكمن في فكرة تبطل تربط مزاجك بالناس، خليك رويّح وخلي الناس كأنك ما فاهم جوهرها شنو، صدقني مافي حاجة حتعكّر مزاجك.

يا غريب عن ديارك مَصيِّرك تعُود، بعد غُربة سنيّن مصيِّرك تعُود..

_في لحظة سكون وإنت قاعد براك حواليك كل وسائل البهجة والسعادة، أي حاجة حلمت بيها في يوم من الأيام أضحَت قدامك حقيقة..
المفروض تسعد وتعيشها بس للأسف مافي حاجة حتحرك فيك ساكِن..

لإنو أي حاجة إنت وصلت ليها، أي غاية إنت حققتها دفعتها حقها غالي..
دفعت حقها بإنك إتغربت عن بيتكم..
وبعدت عن أهلك وصحابك..
حتى وسائل البهجة العادية الكنت بتستهتر منها..
ذي الجنبات والقهاوي..
التمرين والخُماسي..
فطور الجمعة، ولمة الأهل، وزيارة الأصحاب والطلعات..
والصور البتجي عفوية الكلها ذلة وضحك..

حتلاقي نفسك بتبكي كيف ضحيت بالحاجات دي كلها ومشيت..
في بعض الأحيان الإنسان بيكون مُجبر يفارق..
يخلي كل حاجة..
بس لما يحقق كل حاجة حلم بيها..

حيعرف وقتها كل حاجة جميلة في حياتك خليتها وراك..
قد بتجي عليك أيام وإنت مليان نواقص..
وبتجي عليك لحظات بتحس بنفسك قاعد بلا هدف..
بس لو عاينت للنص المليان..
حتلاقي نفسك محاط بأسباب كتيرة بتصنع يومك كل يوم..

صح في تفاصيل في حياتنا ما بنحس بقيمتها إلا لما نفارقها أو نفقدها..
بس لما ندرك الحاجة دي حيكون فات الآوان..
في تفاصيل بتجي مرة واحدة بس في الحياة..

في طلعات بتجي مرة واحدة بس..
وفي قيم خماسي بيجي مرة في العُمر..
وفي صورة جماعية حلوة بتتأخد مرة بس..

على قول روني صُباحي في بودكاست شاي لبن..

بتلاقي الإنسان بيفكر في بُكرة..
بفكر في حاجات لسة ما حصلت، وشايل هموم..

بس في نفس الوقت في يدو حاجة بس ما مديها إهتمام بسبب تفكيرو في الجاي بينسى يعيش اللحظة الآنية.