**دوعـای نـوێـژی بـەیـانـی

اللَّهُمَّ اكْفِنِي بِحَلالِكَ عَنْ حَرَامِكَ، وأَغْنِني بِفَضْلِكَ عَمَّنْ سِوَاكَ

خودایە بە حەڵاڵی خۆت چاوتێرم بکەو بێ نیازم بکە لە حەرامت تا مەجبوری نەبم و بەفەزڵی خۆت دەوڵەمەندو بێ نیازم بکە لە غەیری خۆت، بە جۆرێک کە چاوم لەدەستی کەس نەبێ و پێویستیم بە کەس نەبێت و داوا لە کەس نەکەم

اللهـم ئـامـیــن**

حەسەنی بەصڕی فەرمووی:

بڕوا ناکەم اللە‌‌❪ ﷻ ❫ کەسێک سزا بات ، کە استغفراللە بکات .

ووتیان ..بۆچی ؟
فەرمووی :کێ یارمەتی داوە ..کە وا بڵێت ؟
وتیان :اللە❪ ﷻ ❫
ووتی : دەی اللە ❪ ﷻ ❫ گەر بویستایە سزای بدات ..یارمەتی نەئەدا استغفراللە بکات

(وَمَا كَانَ اللهُ مُعذِّبَهُمْ وهُمْ يَسْتَغْفِرُون)

**دوعـای نـوێـژی بـەیـانـی

«رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ»

خوایە هەم لەدنیا و هەم لە ڕۆژی
دواییدا خێرو خۆشیمان پێ بدە وە بمان پارێزە لە سزای ئاگر.

اللـهـم ئـامـیـن**

عَنِ ابْنِ عَبَّاسٍ رَضِيَ اللَّهُ عَنْهُمَا قَالَ : قَالَ النَّبِيُّ صَلَّى اللَّهُ عَلَيْهِ وَسَلَّمَ : " نِعْمَتَانِ مَغْبُونٌ فِيهِمَا كَثِيرٌ مِنَ النَّاسِ ؛ الصِّحَّةُ وَالْفَرَاغُ ".

رسول اللە ﷺ دەفەرمووێت :

دوو نیعمەت هەن زۆربەی خەلکی لێییان بێئاگان قەدریان نازانن ئەوانیش تەندروستی و دەست بەتاڵی.

عەباسی کوڕی عبد المطلب خودا لێی ڕازی بێت دەڵێت :

گوتم: ئەی پێغەمبەری خودا شتێکم فێر بکە داوای بکەم لەخودا ، ئەویش فەرمووی: (سل الله العافية) داوای لەش ساغی لەخودا بکه ،

ماوەیەک مامەوە وچەند ڕۆژێکی بەسەردا چوو وپاشان هاتم و گوتم : ئەی پێغەمبەری خودا شتێکم فێر بکە داوای بکەم لەخودا ئەویش پێی فەرمووم : (يا عباس!يا عم رسول الله سل الله العافية في الدنيا والاخرة).

ئەی عەباس! ئەی مامی پێغەمبەری خودا داوای لەش ساغی و پارێزراوی لە خوا بکە لە دونیا و دواڕۆژدا .

ئیمامی موسلیم لە صەحیحەکەیدا بۆمان دەگێڕێتەوە:
عومەری کوڕی خەتاب کە بینی پێغەمبەری خودا (ﷺ) خەمبارە، وتی: ئێستا شتێک دەڵێم پێغەمبەری خودا (ﷺ) پێ بکەنێت!

خەڵکی پێویستیان بە کەسێکە دڵنەواییان بکات،
سۆعبەت لەگەڵ خەمباردا بکە
بەڵکوو بە قسەکانت خەمەکەی بڕەوێتەوە،
دڵنەوایی ئەو کەسانە بکە ئازیزێکیان لەدەستداوە،
بـەڵکوو قسەکانت ئاوێک بێت بۆ ئاگری ناخ و دەروونیان...

سەردانی نەخۆش بکە چونکە پێی خۆشە،
هەواڵی بێکەسەکان بپرسە چونکە شادومانیان دەکـات،
سادەترین شت گەورەترین کاریگەریی هەیە
بەڵام تۆ پەی پێ نابەیت چونـکە تۆ بەخشەری،
ئەمما ئەوەی وەریدەگرێت
ئەندازە و کاریگەرییەکەی دەزانێت..

تۆ نازانیت دەستهێنان بەسەر منداڵی بێباوکدا واتای چییە،
بەڵام منداڵەکە زۆرباش دەزانێت!

لە کتێبی: چەند پەیامێک لە هاوەڵانەوە، ئەدهەم شەرقاوی

ئەبوهورەیرە خودا لێی ڕازی بێت دەڵێت: پێغەمبەری خوا صلى الله عليه وسلم فەرمووی:

(حق لله على ككل مسلم ان يغتسل في كل سبعة أيام يغسل رأسه و جسده).

واتە: مافی خودایە بەسەر بەندەکانیەوە کەهەر حەوت ڕۆژ جارێک خۆیان بشۆن.