Nima deb, qanday o'ylasangiz ham o'ylang.
Men hech qachon o'quvchimning tartib-intizomi, o'qishlari, davomati uchun uning uyiga, ota-onasining yoniga borishga majbur emasman. Telefon ham qilmayman.
25 yil bordim-uyiga, ishxonasiga.
Qo'ng'iroq ham qilardim-uyiga, ishxonasiga.
Birda qabul qilishsa, birda eshigini ochmasdi.
Endi bormayman.
Qo'ng'iroq ham qilmayman.
Chunki birinchidan, bolaning tarbiyasiga uning ota-onasi mas'ul.
Ikkinchidan, ilm berilmaydi, u talab qilinadi. Ya'ni ilm sening yoningga kelmaydi, aksincha, sen ilmning yoniga borasan.
Afsus, bu qarorga juda kech-25 yildan keyin keldim.
Aqlim endi kirdi.
Shuning uchun ham jamiyatda o'qituvchining qadri hanuz past va katta ehtimol bu hol hali uzoq davom etadi.

E'tibor bering, korxona, tashkilot, muassasa, davlat organlariga ishingiz tushsa siz borasiz.
Ular kelishmaydi.

Kredit kerakmi, bankka borasiz.
Bank xodimi kelmaydi.
Sog'ligingizda muammo bormi, shifoxonaga borasiz.
Vrach kelmaydi.
Kommunal to'lovlar uchun borasiz(yoki onlayn).
Ular kelmaydi.
Huquqingiz toptaldimi, borasiz.
Organ xodimlari kelmaydi...

Suv-tekin, deyishardi.
Dunyoda suv tanqisligi kuzatildi.
Hisoblagichlar qo'yishdi.
Qadri bilindi.
Suv bilan hisob-kitob qilishadigan bo'lishdi.

Biz ham tekinmiz...
Hozircha...
Hali biz bilan ham hisob-kitob qilishadigan zamonlar keladi.
Ungacha bizga sabr bersin, O'zi.

Tuyaga yantoq kerak bo'lsa, bo'ynini cho'zadi, deyishadi.
Biz tuyalarni erinchoq qilib, kamiga yantoqlarni poymol qilib tashladik.

Erkinjon Yarashev
"Ta'lim fidokori" ko'krak nishoni sohibi.

O'g'lim aytadi:
-Dada, siz maktabni oltin medal bilan tamomlagan, ikki tilni biladigan, o'ziga to'q oiladansiz.
Shunga qaramay sizni nari borsa, butun shahar taniydi.
Ronaldo esa 3 ta maktabdan haydalgan, ma'lumoti o'rta, oilasi ham o'rta hol. Ammo uni butun dunyo taniydi.
Shaxsiy oroli, shaxsiy avialayneri, mehmonxonalari, bir nechta uylari, villalari, mshinalari bor. Kamiga "Forbes"da yetakchi...

Hurmatli ota-onalar.
Farzandingizning layoqati va iqtidoriga qarang.
Uquvsiz vrach bo'lgandan ko'ra, mohir rassom, noshud huquqshunos bo'lgandan ko'ra, iqtidorli sportchi, qobiliyatsiz pedagog bo'lgandan ko'ra, sohirnafas qo'shiqchi, bo'sh-bayov harbiy bo'lgandan ko'ra, qo'li shirin oshpaz bo'lar.

Balki, undan matematik emas, rassom, hunarmand, kosib yoki kreativ sartarosh chiqar.
Balki uning salohiyati siz aytgan kasbda yo'qdir.

Bolangizni qiynamang.
U sizning orzularingiz qurboniga aylanmasin. U bunga majbur ham emas, aslida.

O'g'lingiz kechgacha ko'chada to'p tepib, ust-boshi qumga belanib kelsa, "Alakaning itiday qayerda sang'ib yuribsan" deb koyimang.
"Alakaning iti" bo'lish harkimga hammas.
Yaxshi niyyat va farzandingizga ozgina e'tibor bering.
Kun kelib shu "alakaning iti" dunyoni oyig'ingiz ostiga to'shar...

Biz farzandlarimizga maktabda "a'lochi" bo'lishlari uchun emas, hayotda a'lochi bo'lishlari uchun zamin yaratishimiz kerak.
Maktabda 11 yil a'lochi bo'lgandan ko'ra, hayotda bir umr a'lochi bo'lgani yaxshimasmi(Singapur ta'lim tizimi)

Singapurda bo'lmaganman.
Ammo Singapur ta'lim tizimini bundan 25 yil avval boshlaganman.
Salomat bo'ling

Erkinjon Yarashev

Daftar jildi
Kimsanboyeva G dizayni asosida

@LiderUstozlar telegram kanaliga obuna bo'ling ✅
Adminlarimiz :
?‍♂ @Abrorustoz
?‍?  @Missustoz