🇸🇦 فرصة جديدة لاستخراج تأشيرة العمل السعودية من كمبالا ✨✈️

لو كنت من الناس اللي متأملين في فرصة عمل في السعودية وعندك اقامة وما عارف تفوضها على وين و تأشيرة العمل متوقفة من السودان؟ ما تشيل هم الحل موجود وباين قدامك👀

💼 إحنا هنا نسهّل ليك الإجراءات ونعرفك كل الخطوات المطلوبة عشان تحصل على تأشيرة العمل من كمبالا بكل سهولة

🔑 المتطلبات الأساسية:
1️⃣ عقد العمل: لازم يكون مصدق من الخارجية السعودية وموقع من الطرفين.
2️⃣ تأشيرة العمل نفسها.
3️⃣ التفويض، ويكون مصدق من الغرفة التجارية.
4️⃣ السجل التجاري للمؤسسة اللي هتشتغل فيها.
5️⃣ شهادات تخصصية: إذا كنت في المهن الهندسية أو الطبية، لازم توثيق شهادتك من الخارجية السودانية والسفارة السودانية.
6️⃣ شهادات الخبرة: حسب نوع التخصص والوظيفة المطلوبة.

ملاحظة مهمة: الشهادات مطلوبة فقط لبعض المهن، أما لو شغلك بيوصفه "عامل"، فمافي داعي للشهادات، باقي المهن لازم شهادات. 📄

🎯 تفاصيل البرنامج:

1️⃣ برنامج التكاليف الأساسية:
يشمل التأشيرة، الفحص الطبي، البصمة، تسليم المستندات للسفارة السعودية ورسوم المكتب.
وكل ده بيتم في خطوات بسيطة وسهلة عشان توصلك للسعودية بسرعة.

2️⃣ برنامج التكاليف المتغيرة:
يعني لو عندك شهادات أو مستندات إضافية هتكون تكاليفها محسوبة حسب حوجتك.

3️⃣ برنامج الاستقبال والسكن (اختياري):
- خدمة استقبال من المطار.
- العودة للمطار.
- سكن يحدد حسب رغبتك واحتياجك.

✈️ تذاكر السفر:
هنساعدك في توفير تذاكر السفر بأسعار تنافسية من السعودية أو السودان لمدينة كمبالا، ومن كمبالا للسعودية والتكلفة بتختلف حسب وجهتك.

👨‍💼 هل انت جاهز تبدأ مشوارك المهني في السعودية؟ الفرصة قدامك الآن، خطوة واحدة منك وبنساعدك تجهز كل شيء بسهولة واحترافية🤩.

📲 اتواصل معانا الآن لتحصل على استشارات دقيقة ومساعدة في كل خطوة وخليك جاهز للعمل في السعودية.
0100757650

#فرصة_عمل_في_السعودية #تأشيرة_العمل #فرص_عمل_دولية #السعودية

- المُواساة ❤️.

لما يجيك شخص زعلان ومتضايق من حاجة ما تقابلو بي برود وتقول ليهو كلنا حالتنا معروفة وأمورنا جايطة ما تحسسو ما مهم بالنسبة ليك وضاغط عليك حاول خفف عنو وواسيهو وطبطب عليهو لحدي ما يخف من الفيهو .

إستثناك وميزك عن الكُل عشان شايف معاك ح يخف من الفيهو وح تكون سبب ضحكتو بعد الحاصل ليهو .

والله المقابلة بي برود وعبارة كلنا هموم ومشاكل ما حلوة وبتزعل شديد.

هونو على بعض يا جماعة قساوة الايام وخصوصاً نحن كشعب سوداني الفترة دي بالتحديد محتاجين نقيف مع بعض ونخفف على بعض .

مهما كانت عليك الهموم جبل ومشاكل حاصلة ليك خليك ملجأ أمان لي الناس البيحبوك ولو لي كل الناس يكون أفضل لأنو ده في حد زاتو فهم وزوق ورحمة وحنية .

وأخيراً
"من أجمل وألطف الأمور لأي شخص أن يجد من يهون عليه صعوبة الايام" .

#محباتي.
#مارياأبوعبيدة.

المُحافظة على المسافات في العلاقاااات الإنسانية ضرورة 🤍.
#محبااااااتي❤️.
#MariaAbuobida❤️.

#خاطرة

من فترة ستة شهور كنت متابع بصورة متعمقة للاستشارات التي ترد من مغتربين السعودية
وحدود الحالة بالضبط بتكون في واحد أو واحدة زوجها جابها السعودية زيارة بسبب الحرب وفترة غيابو عنهم بتكون أكتر من خمسة سنوات .. والاستشارة بتكون في انها دايرا ترفع قضية طلاق لأنها ما طايقة الحياة معاهو .. أو هو بكون حاسي نفسو وصل لطريق مسدود وداير الشورة الحكيمة في التصرف قبل يُقدم على الطلاق

- لقيت انو المشكلة بتكون في الطرفين… الزوج والزوجة، الزوج لأنو عاش أكتر من خمسة سنوات واتعود ع طبع معين في البلد دي، طبع العزابي البياكل دليفري وبعد الشغل بشتغل توصيل طلبات أو اي شغلة هامشية وبالمساء يقعد مع اصحابو ويجي البيت زول نوم بس وانطبع على الطبع ده مدة طويلة ما أقل من خمسة سنوات .. يعني حتى هدومو يلمّها كلها ويجدعها عن اي محل غسيل وكوي ويجي يستلمها ، وغلبه تماما انو يعيش بنفس الوضع في السودان من انو رب أسرة وبجي وثت الغداء ويقعد مع الاولاد ويطلع المساء ويرجع البيت

- الزوجة غالبا بتكون مشكلتها انها عندها تصور معين ومسبق للحياة في السعودية ودايرا تعيش الوضع ده بأي طريقة يعني الأكل في المطاعم والعفش كيف وفلانة مشت السعودية وعايشة كيف، وعندها اعتقاد أصيل انو الراجل ده عنده قروش وكضاب لمن يقول ما عنده قروش لأنه برسل لأهلو ، وفي حالات عديدة الزوجة بتكون مشاكلها مع زوجها بسبب تواجد أهله وقرايبو في نفس الشقة ، والنسوان مع بعض ما بتحملو بعض غالباً وخاصة في الشقق حيث كل شيء ظاهر وبارز للعيان

- المشكلة انو الطرفين بكونوا حديين جدا، يعني أي مشكلة تحصل لازم يوصلوها الحد، والناس دي ما كانت كدا، بس شنو الغيّرها ؟ ما تعرف.

- واحيانا تلقى أهل الزوجة يتدخلوا تدخل مدمّر للحياة الزوجية خاصة مع اختلاف الثقافة بين البلدين، قبل ايام كنت في استشارة حقت واحد مرتو سجنتو بسبب انها عايزة تسفر لأهلها في مدينة تانية وهو رافض واتكلم مع ابوها وحصلت مشادة شديدة بينو وبين ابوها، في النهاية ابوها اتصل بالشرطة وقال ليهم الزول ده مهدد بنتي بالقتل وانا خايفو يقتلها وطوالي الشرطة باشرت البلاغ وهو الآن مسجون،طبعا هنا لمن تقول للشرطة الزول ده هددني بالقتل ما زينا في السودان بكون في تراخي، لا طوالي الناس بتخش في اجراءات تصعيد
الخلاصة انو الزولة دي فقدت زوجها تماما وما معروف بعد يطلع حياتهم ح تكون كيف
خاصة انو لمن تتسجن وانت موظف فالموضوع ده ح يأثر عليك تأثير شديد قد يمتد لأنك ما تلقى وظيفة في شركة طالما مفتوح فيك بلاغ زي ده

- ما عارف لشنو بغيب تحكيم صوت العقل بل حتى الأهل بدل يكونوا أداة إصلاح ببقوا معول هدم تضيع بسببه حياة الأطفال والزوجين

- الناس فقدت القدوات البتعلمهم كيف يتعاملوا بأسلوب عادل وحكيم وهذا يستدعي ممن فتح الله عليه في حلول المشاكل الأسرية أن يسعى في بذل ما علمه الله تعالى للناس وأن يدلهم كيف يتعاملون مع المواقف بطريقة صحيحة.

- والله الموفق

—

"هي خطاوِي، ربنا كاتبها عليك، ولازم تمشيها
فَـ يارب الخطاوي تكون علي هوانا ولا نشقي فيها ولا تشقي لنا قلب فيها يارب )"

الحمد لله تطبيق كونتي دا ورانا انو في ناس قريبين لينا واصحابنا قلوبهم ضعيفة وما بتحرو الحلال من الحرام ، خاصة في موضوع الأموال واكل العيش .
كيف انا اضمنك في اي موضوع كان ، اذا انت في نفسك ما ببتتحرى الحلال من الحرام كيف حيكون تعاملك معي .
كيف نفسك تسمح ليك تدخل لقمة في بطنك من قروش مشبوهة واقرب للحرام من الحلال .
عَنِ النُّعْمَانِ بْنِ بَشِيرٍ رَضِيَ اللَّهُ عَنْهُمَا قَالَ: سَمِعْتُ رَسُولَ اللَّهِ ﷺ يَقُولُ -وأَهْوَى النُّعْمَانُ بِإِصْبَعَيْهِ إِلَى أُذُنَيْهِ: إِنَّ الْحَلَالَ بَيِّنٌ، والْحَرَامَ بَيِّنٌ، وبَيْنَهُمَا مُشْتَبِهَاتٌ لَا يَعْلَمُهُنَّ كَثِيرٌ مِنَ النَّاسِ، فَمَنِ اتَّقَى الشُّبُهَاتِ فَقَدِ اسْتَبْرَأَ لِدِينِهِ، وعِرْضِهِ، ومَنْ وقَعَ فِي الشُّبُهَاتِ وقَعَ فِي الْحَرَامِ، كَالرَّاعِي يَرْعَى حَوْلَ الْحِمَى، يُوشِكُ أَنْ يَقَعَ فِيهِ، أَلَا وإِنَّ لِكُلِّ مَلِكٍ حِمًى، أَلَا وإِنَّ حِمَى اللَّهِ مَحَارِمُهُ، أَلَا وإِنَّ فِي الْجَسَدِ مُضْغَةً إِذَا صَلَحَتْ صَلَحَ الْجَسَدُ كُلُّهُ، وإِذَا فَسَدَتْ فَسَدَ الْجَسَدُ كُلُّهُ، أَلَا وهِيَ الْقَلْبُ.
مُتَّفَقٌ عَلَيْهِ.
فهمت شنو من الحديث دا؟
كدي اتدبر في الاية دي :
{يَا أَيُّهَا الَّذِينَ آمَنُوا أَنفِقُوا مِنْ طَيِّبَاتِ مَا كَسَبْتُمْ وَمِمَّا أَخْرَجْنَا لَكُمْ مِنَ الأَرْضِ وَلا تَيَمَّمُوا الْخَبِيثَ مِنْهُ تُنفِقُونَ وَلَسْتُمْ بِآخِذِيهِ إِلَّا أَنْ تُغْمِضُوا فِيهِ وَاعْلَمُوا أَنَّ اللَّهَ غَنِيٌّ حَمِيدٌ}
اها وريني فهمت منها شنو ؟
نصيحة للشباب وشباب الأبيض خاصة ، نظرا لأنو في جهل عام حاصل وغالبية الناس بتنظر للحجات الالكترونية والاونلاين واي حاجة على التلفون على انها عادي وكأنو ما فيها حلال ولا حرام ، السوشيال ميديا والمواقع دي زيها زي الواقع فيها الحلال وفيها الحرام وربنا حيحاسبك على الحاجات الفي الواقع وكمان على الحاجات الفي السوشيال ميديا ، انا شخصيا كزول عندي علاقة بالتكنلوجيا وحيثياتها وشغال على السوشيال ميديا وعلى المواقع وغيرها من واجبي انصح الشباب عشان ما يتغشو ويخشو في الحرام اولا ! وفي الاحتيال ثانيا .
عليك الله دولارات شنو تبيع قيمك واكلك الحلال عشانها ، في الف طريقة ممكن تكسب بيها دولارات اضعاف دولارات كونتي دي وبالحلال من مجالات العمل الحر ، مواقع او سوشيال ميديا ، بس بي عرق جبينك وتعبك ، تتعب تتعلم مهارة حقيقية تفيد الناس وتفيدك انت ، من هذا المنبر هسي اي زول عايز يستفسر من مجالات العمل الألكتروني الحلال يتواصل معي وبرشدو للطريق .
اتعلم مهارة حقيقية تخليك زول مميز وليك قيمة وتشتغل في اي مكان وزمان ، على سبيل المثال وليس الحصر مجلات البرمجة او التصميم او التعليق الصوتي او التسويق الألكتروني او او او .... مستحيل تفط ديل كلهم وتنط لكونتي ، الا لو قلبك ما نضيف .
الهم بلغت فاشهد .

‏وأكتب لنا مقعدًا في الجنة
‏حتى إذا جلسنا
‏ضحكنا على أيام
‏الدنيا المتعبة
‏كأننا لم نرَ حزنًا
‏ولم نشعر بهِ أبدًا.

"يا رب هكذا فقط، لأنني أحب هذا النداء
‏ولأنك تعرف كـل ما أنادي لأجله"

قائمة القنوات