•
Regret for time wasted is wasting more time ..??

الندم على الوقت الضائع.. هو إضاعة للمزيد من الوقت ..??!
So don't regret..just start ?

Everyday is a new beginning ✨

take a deep breath ..smile ..and start again ?♥️♥️??

كل عام وأنتم بألف خير عيد فطر سعيد
.
إن شاء الله كل حدا فينا بيوصل للمكان يلي بناسبه ويلي بيفرح قلبه ♥️والله يعيننا على السعي ويكافئنا بالنتيجة المرضية يا رب ♥️??
.
حاولت من أول السنة كون معكم وفيدكم قدر الإمكان رغم الضغط عليي هالسنة وكانت النصائح نابعة من كل قلبي وكأني عم انصح أخواتي والله ♥️ وعسى تكونوا استفدتوا ??♥️..
وفي طلاب بعتولي أنهم طبقوا النصائح من أول السنة وماشيين بكل المواد صح ف الحمدلله وحتى يلي كان عندهم مشاكل حكولي عالخاص وحاولنا انحلهم
وبإذن الله لسه مكملة معكم وبالذات لطلاب السنة الجاية منكون اتفضينالهم منييح?♥️..

الله يوفقكم ويحققلكم أمنياتكم ♥️??

اكتشفت أنه الدكتور يوسف نشر الرابط ع قناته ???♥️..هي لتعرفو اديه الناس بتحبه ♥️♥️♥️???

ما شاء الله شو عم يصير !! شو هالإقبال والتفاعل يلي صار 😂😍😍😍😍😍🔥 يبدو أن أحدهم نشر الرابط 🤣🤣♥️

منرجع لموضوعنا
..فلازم تحذفو الانستغرام يلي مو قادر وكل شوي بفوت بيفتحه يحذفه كلو أحسن شهرين وبترجعله مابصير شي ..احذفو كل التطبيقات يلي ما الها علاقة بالدراسة ..
وبنفس الوقت شفتلكم بالصدفة الاستاذ محمد عرابي عم ينزل عالانستغرام سلسلة فيديوهات لحفط العلوم عم يحكي المعلومات بطريقة سهلة للحفظ وعم يربط الفقرات بشكل سهل وحلو ..لهيك قلت بخبركم بركي بتستفادوا بس لا تاخدوها حجة لتفتحو انستغرام وترجعوا تفوتوا بدوامة الريلز??كنت محتارة اذا بدي خبركم او لا بس يلي مابدو يحذف الانستا وبيقدر يضبط حاله يفوت يشوف الفيديوهات بركي بيستفاد وبيسهل عليه الحفظ هي اسم صفحته dr._mohammad_orabi

مرحبا كيفكم ♥️♥️♥️
جاييتكم بموضوع مهم ماكنت بدي أحكي بصراحة بس لما حسيت أنو الأغلبية عم يصير معه نفس الشي قلت لازم أحكي ...
هالموضوع لمستخدمي الانستا بالذات?
موضوع الريلز ..يلي صار شبه ادمان عند الكل تقريباً وعم يأثر بشكل كبير على دراستكم ..شو الريل ؟ ..بكل بساطة عبارة عن فيديو جداً قصير خلال ثواني بيحكولك فيه قصة نجاح أو قصة فشل ..موقف مضحك أو محزن
..ريلز للتحفيز ..وكل هاد خلال ثواني!!
أوك خلونا نتفق أنو مخكم اتعود أنو ياخد المعلومة بفترة جداً قصيرة ..ف لما عم ترجعوا للدراسة خلص ماعاد في صبر لحتى ناخد المعلومة يلي هي بالأساس المفروض تاخد وقتها منيح وتنفهم وتصبر عليها لتتثبت منيح بالمخ ..بس المخ من ورا الريلز اتعود أنو تجيه كتير معلومات بفترة جدا قصيرة ..فموضوع الصبر خلص باي ..وهاد أكبر غلط الدراسة بدها صبر وبدها وقت ..فهاد الشي حسيته بكل معنى الكلمة مدمر للعقول ..عنجد مدمر ..وعم يأثر بشكل رهيب وماحدا حاسس..حتى ريلز التحفيز اذا مفكر رح تشوفهم لتتحفز ف ماعم يكون في فائدة عم تتحفز بنفس اللحظة بس وبعد ماتسكر خلص ولا كأنو اتحفزت قبل شوي ??...وحتى انتو جماعة الفيس (دوامة الفيديوهات) برضو نفس الشي ..وبهي الفترة في طلاب بتمل لهيك بتلجأ لمتل هيك شي ..لهيك اتخلوا عن هالمتعة المؤقتة وابذلو كلشي بتقدروا عليه بهل فترة يلي بقيت وشو ماكان وضعك أنت بس ابدأ ولا تنتظر الوقت المناسب ولا تنتظر الظروف تتحسن او تتغير مهما كان وضعك ..الشي الوحيد يلي فيك تغيره هو نفسك يلي كنت عليها مبارح ..
وهي أنا معكم امتحاني قرب متلكم ولازم عوض منيح بالفصل التاني لأوصل للشي يلي بدي ياه فادعولي كتير أمانة بهل أيام المباركة ..
وآخر شي إياك ثم إياك تندم على شي ..دائماً لازم تسأل حالك هالسؤال (شو الخطوة الجاية)؟
حياتنا كلها معتمدة ع (شو الخطوة الجاية ؟)

..(عم تكتئبوا لانو ماعم تأنجزوا وعم تراكموا وعم تقارنو حالكم بغيركم لهيك لا تراكموا وادرسو لتحسوا بالإنجاز وتنبسطوا ) هي من أقوال دكتورنا يوسف البردان ♥️لتصيروا تحضيرية بتتعرفو عليه ?❤وهو معنا بالغروب أصلاً لهيك غروبي فيه طاقة وأمل ونور ???♥️

مساء الخير ❤❤
بكرا إن شاء الله جاييتكم بموضوع كتير كتيير مهم ..وكمان بدي قلكن على وسيلة شفتها بتفيدكم بدراسة العلوم وبتساعدكم بإذن الله ..
لا تنسوني من دعائكم بهالليالي المباركة كمان امتحاني عم يقرب ???..وبدي قلكم على شي ..يومياً عم ادعيلكم عالإفطار كتير والله أنو تجيكم أسئلة سهلة وتتيسر أموركم يارب ويكون كلشي لصالحكم هالسنة يا رب ????❤❤