ဒိုက်ဦးအကျဥ်းထောင်မှာ နိုင်ငံရေးအကျဥ်းသား တစ်ဦးကို အကြောင်းမဲ့ တိုက်ပိတ်ခံရ
နိုဝင်ဘာ ၁၇ ၊ ၂၀၂၄
ပဲခူးတိုင်း၊ ဒိုက်ဦးမြို့နယ် အကြမ်းဖက်ကောင်စီ လက်အောက်ခံ အကျဥ်းဦးစီးဌာန ဒိုက်ဦးထောင်အာဏာပိုင်တွေက နိုင်ငံရေးအကျဥ်းသားတစ်ဦးကို အကြောင်းမဲ့ ခြေချင်း ဒေါက်ခတ်ပြီး၊ တိုက်ပိတ်ထားတယ်လို့ မြန်မာနိုင်ငံလုံး ဆိုင်ရာ နိုင်ငံ ရေးအကျဥ်းသားများ ကွန်ရက်က ဒီနေ့မှာ ထုတ်ပြန် ပါတယ်။
မတရားဖမ်းဆီးထိန်းသိမ်းခံထားရတဲ့ ဒိုက်ဦးထောင်ရဲ့ အဆောင် (၃) အခန်း(၁) က နိုင်ငံရေး အကျဥ်းသား ကိုထက်လင်းဦး (ခ) ကိုအိုဝမ်း ကို ထောင်အာဏာပိုင် အဆောင်မှူး သီဟအောင်ဦးဆောင်တဲ့ ဝန်ထမ်းတွေက နိုဝင်ဘာ ၁၀ ရက်ညနေ ၆ နာရီ အချိန်မှာ ဝင်ရောက်ဆွဲခေါ်သွားပြီး၊ခြေချင်းဒေါက်ခတ် တိုက်ပိတ် ထားတာပါ။
ဒါအပြင် ဒေါက်ခတ်ခံထားရတဲ့ ‌ခြေချင်းဝတ်နဲ့ အဆောင်တွေ အတွင်း ပတ်ပြေးခိုင်းတဲ့ မတရားအမိန့်တွေကို အဆောင်မှူး မျိုးသီဟအောင် က ထပ်မံ စေခိုင်းခဲ့ တယ်လို့ ဆိုပါတယ်။
ကိုထက်လင်းဦးမှာ နဂိုမူလ ပန်းနာရင်ကြပ်ရောဂါ ခံစားနေရသူ ဖြစ်ပြီး နိုဝင်ဘာ ၁၄ ရက်မှာ တိုက်ပိတ်အပြစ်ပေးမှုကို ယာယီ ရပ်တန့်ပေးခဲ့တယ်လို့ဆိုပါတယ်။
ပြည်သူတွေ၊ တော်လှန်ရေးအင်အားစုတွေ ၊ လူ့အခွင့်အရေး အဖွဲ့ အစည်းတွေအနေနဲ့ အကြမ်း ဖက်စစ်ကောင်စီ လက်အောက်ခံ အကျဥ်းဦးစီး ဌာနကို မေ့မထားကြဘဲ ဝိုင်းကူညီ‌‌စောင့်ကြည့်ပြီး တရားမျှတမှုရှိအောင် ကြိုးစားလုပ်ဆောင်ပေးကြပါလို့လည်း တိုက်တွန်းထားပါတယ်။
#SpringRevolution
#PVTV
#PVTVNews
#PVTV Telegram Channel -https://t.me/pvtvmyanmar
#PVTV ရုပ်သံအစီအစဉ်များကို https://youtube.com/c/pvtvmyanmar မှာ ဝင်ရောက်ကြည့်ရှုခြင်း ဖြင့်တော်လှန်ရေးတွင် တစ်တပ်တစ်အား ပါဝင်ကူညီနိုင်ပြီဖြစ်ပါတယ်။