▪️ АРНАДА 300.000 БОЛЫППЫЗ!

Күйбең тірлік, жұмыс, түсірілім деп жүріп, арнадағы тіркелген көрермен санына мән беруді ұмыт қылыппын. 300.000-нан асқанымызды құттықтап жазған оқырмандарымнан бүгін білдім. Кеше ғана хобби ретінде бастау алған шағын арна, бүгін өз әлемі, өз әзілдері мен мем-сөздері бар ауқымды қауымдастыққа айналып отыр. Әрбіріңізге алғысым шексіз, достар!

❗️Келесі мақсат - 500.000!

👍 ❤️ Telegram | 🧐 Instagram | ❤️ Youtube

▪️ Талғардағы оқиға, яғни, 16 жастағы Шерзат Полаттың өлімі жайлы деректі фильм шығаруымды сұрап жатқан көрермендер саны көп. Әрине, бұл қайғылы оқиға мені де бейжәй қалдырған жоқ. Жіті бақылаудамын. Алайда, деректі фильм шығаруға әлі ерте. Себебі, тергеу амалдары әлі аяқталған жоқ. Қылмыстық іс Бас Прокуратура мен Ішкі Істер Министрінің қадағалауында болғандықтан, іс материалдарын ешкім маған бермейді. Ешкімнің «басы екеу» емес. Яғни, тергеу аяқталғанша деректерді біреу-міреу беріп қойса, істі болып қалады. Сондықтан, тергеудің мәреге жетуін тосудан басқа амал жоқ.

Әрине, ашық дереккөздер мен алып-қашпа сөздерге және үзік-үзік ақпараттарға сүйеніп шығара салсам болады. Бірақ, бұл менің жұмыс жасау салтыма кереғар. Деректі фильмдерімді қарап жүргендер біледі. Оған қоса, «Хутор бандасы» жайлы ақпараттың да растығына кәміл сенім жоқ. Сұрастыру барысында, осы «Хутор» деген атаумен белгілі ықшамаудан бар екенін білдім. Бірақ, бүкіл ауданды қамтыған ұйымдасқан қылмыстық топтың бар екеніне нақты көзім жеткен жоқ. Тұрғындардың бірі бандының бар екенін растаса, бірі жоққа шығарып отыр. Оған қоса, құзырлы органдар да аталмыш банданың бар екенін растап тұрған жоқ. Түсінгенім, «Хуторда» криминалды жағдай өршіп тұр. Әрқилы қылмыстық немесе бұзақы топтары бар. Бірақ, бәрі бір орталыққа бағынатын жүйеленген топ екені жайлы айғақ жоқ. Тергеу нәтижесін күту керек…

👍 ❤️ Telegram | 🧐 Instagram | ❤️ Youtube

?Көліктен табылған 19 жасар қыздың мәйіті жайлы қосымша ақпарат. Марқұмның туыстарының мәлімдеуінше, мәйіттен көгерген іздер мен сынған мұрыннан басқа, тістің іздері анықталыпты. Нақтырақ, белі мен жамбастын әлдебіреу тістеп тастаған. Десекте, өткізілген екі сараптама да марқұм газдан уланып өлген деп отыр.

Ал, айыпталушы жігіттің адвокаты мүлдем басқа мәлімдеме жасады. Айтуынша, қыз газдан мерт болған. Оқиға болған кезде, олар жігітің үйіне келіп, гаражда салқындатқыш қосып көлікте отырған екен. Нәтижесінде, көлік іші газға толып, екеуі уланып қалған. Жігіт көліктен сытылып шығып, үйге кірген бойда талып қалыпты. Жігіттің ағасы гаражға кіргенде, ауызы-мұрынынан көбік ағып жатқан қызға тап болған екен.

❗️Мәйіттегі көгерулер, тістің іздері және мұрынының сыну себептері әзірге белгісіз. Жалпы мұндай нышандардың бар-жоғы да белгісіз. Бұл тек марқұмның туыстарының мәлімдеуінше. Сот-медициналық сараптама нәтижесі әлі шыққан жоқ.

? ❤️ Telegram | ? Instagram | ❤️ Youtube