သတင်းထုတ်ပြန်ချက်

၂၀၂၄ ခုနှစ် ၊ အောက်တိုဘာ (၃၀)ရက်

၁။ ၂၀၂၄ ခုနှစ် ၊ အောက်တိုဘာလ (၃၀) ရက်နေ့ မနက်(၁:၀၀)အချိန်တွင် အကြမ်းဖက် စစ်ကောင်စီသည် ပြည်သူ့ကာကွယ်ရေးတပ်မတော် (မန္တလေး)၏ စစ်သုံ့ပန်းများထားရှိရာ အချုပ်ဆောင်အား လေကြောင်းတိုက်ခိုက်မှု ထပ်မံပြုလုပ်ခဲ့သည်။

၂။ အဆိုပါ လေကြောင်းတိုက်ခိုက်မှုကြောင့် စစ်သုံ့ပန်း ဗိုလ်မှုးတစ်ဦးအပါအဝင် (၄)ဦး သေဆုံးကာ ထိခိုက်ဒဏ်ရာရရှိသူ (၁)ဦး ရှိခဲ့သည်။

၃။ အကြမ်းဖက် စစ်ကောင်စီသည် သုံ့ပန်းအဖြစ် ဖမ်းဆီးခံရသော ၄င်းတို့၏ တပ်ဖွဲ့ဝင်များကို ပစ်မှတ်ထား၍ လေကြောင်းတိုက်ခိုက်မှုများ ပြုလုပ်လျက်ရှိပြီး (၂)ရက်တာအတွင်း သေဆုံးသူ(၁၆)ဦး အထိရှိလာခဲ့ပြီဖြစ်သည်။

စစ်ဦးစီးအဖွဲ့
ပြည်သူ့ကာကွယ်ရေးတပ်မတော် (မန္တလေး)

#MDY_PDF
#1027_Part2

သူတတောင့် … ကိုယ်တတောင့်

ကျည်တတောင့် … ရန်သူတစ်ယောက်

စစ်ကို စစ်နဲ့တူအောင် တိုက်ဖို့ အချိန်ကျရောက်ပါပြီ..

တပ်ပုံကျကျ စစ်စည်းကမ်းကောင်းကောင်း
ဂန်းအပြည့်အစုံနဲ့ ဖက်ဆစ်စစ်တပ်ကို
ဖြုတ်ချချင်တယ်ဆိုရင်တော့ ကျွန်တော်တို့
ပြည်သူ့ကာကွယ်ရေးတပ်မတော် (မန္တလေး)က
အစဉ်သဖြင့် ဖိတ်ခေါ်ကြိုဆိုလျှက်ပါ …

တိုက်ပွဲသတင်းထုတ်ပြန်ချက်

၂၀၂၄ ခုနှစ် ၊ မေလ (၈)ရက်

၁။ ပြည်သူ့ကာကွယ်ရေးတပ်မတော် (မန္တလေး) နှင့် စစ်ကောင်စီတပ်များအကြား နောင်ချိုမြို့နယ် သရက်ကုန်းကျေးရွာအနီးဝန်းကျင်၌ တိုက်ပွဲများ ပြင်းထန်လျက်ရှိရာ ၂၀၂၄ ခုနှစ် မေလ(၈)ရက်နေ့ ညနေ (၃:၃၀) ခန့်တွင် စစ်ကောင်စီမှ ဓာတုအဆိပ်သင့်ဗုံးများကို တိုက်ပွဲဖြစ်ပွါးရာနေရာသို့ လေကြောင်းမှတစ်ဆင့် ကြဲချတိုက်ခိုက်ခဲ့သည်။
၂။ အဆိုပါ ဓာတုအဆိပ်သင့်ဗုံးများကြောင့် မိမိတို့ တပ်ဖွဲ့ဝင်အချို့ မူးမော်ခြင်းနှင့်အော့အန်ခြင်းဝေဒနာများ ခံစားခဲ့ရပါသည်။
၃။ စစ်ကောင်စီသည် မြေပြင်တိုက်ပွဲများတွင် အရေးမသာတော့သဖြင့် လေကြောင်းတိုက်ခိုက်မှုများ ၊ လက်နက်ကြီးပစ်ကူများ အလွန်အကျွံ အသုံးပြု၍ စစ်ဆင်ရေးများ လုပ်ဆောင်လာသည်ကို တွေ့မြင်ရပါသည် ။
၄။ စစ်ကောင်စီအနေဖြင့် သရက်ကုန်းစခန်းကို လက်လွှတ်ခဲ့ရပြီးနောက် မိမိတို့ ပြည်သူ့ကာကွယ်ရေးတပ်မတော် (မန္တလေး)နှင့် ဖြစ်ပွါးခဲ့သော တိုက်ပွဲများတွင် လေကြောင်းတိုက်ခိုက်မှု (၄၃)ကြိမ် အထိ ပြုလုပ်ခဲ့ပြီးဖြစ်သည်။
၅။ နောင်ချိုမြို့နယ် သရက်ကုန်းစခန်းအား ပြန်လည်ရရှိရန် စစ်ကောင်စီဘက်မှ မြေပြင်အင်အားအလုံးအရင်းနှင့်သာမက လက်နက်ကြီးပစ်ကူများ ၊ လေကြောင်းပစ်ကူများဖြင့်ပါ နေ့စဉ် အပြင်းအထန်ထိုးစစ်ဆင်နေသော်လည်း အဆိုပါစခန်းအား မိမိတို့ ပြည်သူ့ကာကွယ်ရေးတပ်မတော် (မန္တလေး)မှ အပြည့်အဝထိန်းချုပ်ထားဆဲ ဖြစ်ပါသည်။

စစ်ဦးစီးအဖွဲ့
ပြည်သူ့ကာကွယ်ရေးတပ်မတော် (မန္တလေး)