کوردی؟ هەستی کوردایەتیت هەیە؟

ئەگەر کوردن خۆتان لەو کاناڵانە بێبەش مەکەن پێویستە ئەو کاناڵانەتان هەبێت لە تێلێگرامەکەتاندا فەرموون بەشدار بن.👇👇👇👇

@peshaWaqaZimuhammad#لە_دایک_بوونی_خۆر کورتەیەک لە ژیانی پێغەمبەری ئاشتی #دوکتور_قاسملوو@peshaWaqaZimuhammad

**دڵەمەزنەکەی شەوی یەڵدا .!

لەوەتەی تۆ
لە دەرگای شەوی یەڵدات داو
پێت نایە سەر
ژیانی ئەم جیهانەوە.

لەوەتەی گوندی قاسملوو
ناوی کەوتە ناوانەوە .!

هەم شەوی درێژی یەڵدا و
هەم هەناری ئاڵی پاییز
لە نێو دڵێکی مەزندا
بۆ کوردستان توانەوە .!

ئەوان ئێستا مێژووی منن
شۆڕشێکن،
بێ کۆتایی و بڕانەوە .!

✍**#ڕاوێـــــــژ

@peshaWaqaZimuhammad

#وتەی_ناوداران **کاتێک
دەرفەتی ئەوەت نامێنێت
بە شانازییەوە بژیت،
ئیتر دەبێ؛
بە شانازییەوە بمریت.!

✍ #نیچە ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌#شەهید باڵای بەقەد باڵای کوردستانە.!
شەهید:**#ڕێبوار_کەریمیان

@peshaWaqaZimuhammad

@peshaWaqaZimuhammad

#پاییز **ئەی وەتەن پاییز بە خێر بێ، چونکە ئێستا باومە
گەرم و ساردی فەسڵەکەت عەینەن دڵەی شێواومە
باڕەشت ئاهی دروون و هەورت هەر وەک چاومە
نم نمی باران ئەبارێ وەک تکەی زووخاومە
شاخ و داخی تۆ نموونەی جەرگی هەڵقرچاومە

گێژەڵووکەی سەر ملانت، وەک هەناسەی پڕگرین
تەم لە سەر کوێستانەکانت دووکەڵی قەلبی حەزین
ساردی ئەشکەوت و موغارەت وەک دەروونی پڕ برین
پووشی وشکی دەشتەکانت، بەندی جەرگی ئاگرین
بەرگ ڕێزانی دەرختت، عومرەکەی فەوتاومە

ئەی وەتەن! با پێکەوە هەڵکەینە سەر گریان و زار
تۆ لەبۆ گەنجانی لادێ و من لەبۆ لاوانی شار
تۆ لە داخی هەڵپەڕین و من لە داخی عوود و تار
ئەشکی خۆێنین دابڕژین، هەر وەکوو هەوری بەهار
گەر حەیام بێ خوێنی جەرگم شەربەت و شەکراومە

ئەی وەتەن! کوا نەعرەتە و نرکە و گۆڕەی شێرانەکەت
کوانێ قانوون و نیزام و دەبدەبەی بابانەکەنت
بۆچی گووم بوو؟ عیلم و عەقڵ و سەنعەت و عیرفانەکەت
جاهل و مادونی خەڵکن، سەربەسەر خێزانەکەت
ئەی وەتەن! سا گوێ گرە لەم شیوەنە لێشاومە

ئەی وەتەن! هێندێ بە ناوێ تۆیەوە جاسوووسی تام
ئەی وەتەن! بەعزێ لە داخی تۆیە، بوو بە پەندی عام
فیکری خۆمت بۆ بەیان کەم، موختەسەر ئاخر کەلام
شەرتە تا تۆبی حەرام بێ، زیارەتی "بیت الحرام"
شارەزوورە جێی سەعی و مروەو سەفاو پڕتاومە

ئەی وەتەن! خۆمن بە ناحەق، سەر کز و ئاوارە نیم
ڕۆڵەی خۆتم بە پاکی، دوژمن و خوێنخوارە نیم
چونکە ڕۆڵەی کوردستانم وەحشی و پەتیارە نیم
وامەزانە کەوتە ڕۆژی خۆی، وەها بێکارە نیم
سەیری مەغزی دوژمنت کە، تێکەڵی خوێناومە

ئەی وەتەن! تۆ مەملەکەت بووی کەی وەها وێرانە بووی؟
کەی ئەسیر و ژێرچەپۆکەی دوژمن و بێگانە بووی؟
بەینی بەینەڵڵا وەتەن! هەر تاکە بووی مەردانە بووی
عەسری پێشوو بێشەلانی کۆمەڵی شێرانە بووی
من کە ناڕۆم خۆشی عەسری ئاردەڵانت داومە

هۆزی کورد! یا خوا نەمەێنم بۆ هەناسەی سەردتان
بۆ خەم و ئاهی دەروون و بۆ دڵەی پڕ دەردتان
بۆ لچی وشک و بەبار و ڕەنگ و ڕومای زەردتان
دوور لە خۆی بێ شوێنە مەجنوون، چۆڵە شاخ و هەردتان
شیوەنم سەرمەشقه کوردە، بۆ وەتەن کێشاومە

ئەی وەتەن! ناوبردنت بۆ من یەقین شێتانیە
شێرەکەت بۆ پارە ئەمڕۆ خادمی بێگانەیە
من کە بێ پارەم، دووسەد کۆشش بکەم ئەفسانەیە
ئەی وەتەن! خەڵکی ئەڵێن پێم "قانعی" دێوانەیە
ئەی خوا چی بکەم بۆ ئەم میللەتە فەوتاومە؟

✍**#مامۆستا_قانع

@peshaWaqaZimuhammad

کورتەیەک لەسەر ژیانی#مەرزیە_فەریقی *?سیاسی
?*بەرهەمەکانی

?تۆمار و خوێندنەوە: موشتاق فەیزیابی
سەرچاوە زانیاری و پێداچوونەوەی دڵنیا ڕەزاری

‍  ئەمڕۆ ۲۷ی خەرمانان
بەرانبەرە لەگەڵ
ساڵڕۆژی کۆچی دوایی گۆرانیبێژی کورد خاتوو مەرزیە فەریقییە.**@peshaWaqaZimuhammad

#شێخ_سەعیدی_پیران.

@peshaWaqaZimuhammad

♦️شانازی دەکەم کە لە سەر کوردایەتی لە سێدارە دەدرێم، تەنیا تکام لە نەوەکانی داهاتوو ئەوەیە لە هەمبەر دوژمندا سەر شۆڕ نەکەنەوە.(#شێخ_سەعیدی پیران)
لە ڕۆژێکی وەک ئەمڕۆدا(۲۹/٦/١٩٢٥) ۹۷ ساڵ بە سەر لە سێدارەدانی #شێخ_سەعیدی پیران و ۴٦ هاورێی دیکەی لە مەیدانی سەرەکی شاری ئامەدی باکووری کوردستاندا تێپەڕ دەبێت.

بێگومان شۆڕشی #شێخ_سەعید ئەفەندی، درێژەی ئەو شۆڕشە نەتەوەییانەی بوو کە لە دەستپێکی سەدەی نۆزدەهەم و لە شۆڕشی پاشا گەورە و لە سەردەمی میرنشینگەلی کوردیی چوارچێوەی ئیمپراتۆریی عوسمانیدا سەریان هەڵدا و پاشان لە سۆنگەی بڕشتی سیاسی و مەزهەبیی شێخ عوبەیدوڵڵاوە تاکوو ئێستا درێژەیان هەیە.
@peshaWaqaZimuhammad
لە پاش قۆناخی سەرهەڵدانی میرانی کورد، تا دەهات بازنەی گوشاری وڵاتانی رۆژاوایی لە دەوری عوسمانیدا تەنگتر دەبوو، سەرەنجام لە ساڵی ۱۸۷۸دا بەگوێرەی "پەیمانی بێرلین" لە قازانجی ئەرمەنەکان و لە سەر حیسابی کورد چەند مەرجێکیان بە سەر دەسەڵاتی عوسمانیدا سەپاند، ئەمەش مەترسییەکی جیدی بوو لە سەر خاکی کوردستان. بۆیە شێخ عوبەیدوڵڵا وە خۆ کەوت و لە چوارچێوەی( یەکێتیی کوردان)دا سەرۆک عەشیرە کوردەکانی رێکخست و تەنانەت ڕاشیگەیاند ئامادەیە بۆ داکۆکی لە خاکی کوردستان ژنانیش چەکدار بکا. سەرهەڵدانەکەی شێخ سنووری نێوان عوسمانی و سەفەویی تێک دا و لە هەر دوو بەشدا تەنیەوە، کە دیارە مەبەستی ئەم بابەتەی ئێمە نییە
@peshaWaqaZimuhammad
سوڵتان عەبدولحەمیدی عوسمانی ترسێکی یەکجار زۆری لێ نیشت و بۆ کۆنترۆڵ کردنی کورد و بەتاڵکردنەوەی لە وزەی سیاسی و مەزهەبی دەستی کرد بە پێکهێنانی( سوارەی حەمیدیە) کە لە سەرۆک عەشیرەگەلی کوردی سوننی پێکهاتبوو کە سەنگێکی سیاسی و کۆمەڵایەتیی ئەوتۆ و هەروەها مەترسییەکی وای بۆ سوڵتان نەبوو، بەڵام یەکێک لەو کێشە سەرەکییانەی کە دروستی کرد، ناکۆکیی نێوان کوردانی عەلەوی و سوننی بوو، چونکە کۆکردنەوەی ئەم سەرۆک عەشیرانە لەبن سێبەری سیاسەتی پان ئیسلامیزمی سوڵتاندا بوو کە دیارە کوردانیی عەلەویی هەڵدەبوارد.

@peshaWaqaZimuhammad

@peshaWaqaZimuhammad

چەند خۆزگەیەکی د. قاسملوو لە زمانی خۆیەوە:
لە لاپەڕەی بەڕێز عەلی بوداقی وەرگیراوە؛
"مەسەلەیەکی بنەڕەتی بۆ من لە ژیانمدا لابردنی ستەم بووە. بۆ لابردنی هەرچەشنە ستەمێک لە سەرەتای لاوەتیمەوە خەباتم کردووە و ئەو تایبەتمەندییە بنەڕەتییەم ئاڵوگۆڕی بەسەردا نەهاتووە. دیارە لە ژیاندا ئەزموونێکی زیاتر وەسەریەک ناوە و بەگشتی واقعبینتر بووم.
ئەمن لە ژیانمدا هەمیشە خۆشبین بووم و لە دژوارترین هەلومەرجیشدا هەمیشە ڕوحییەی خۆمم پاراستووە، ئێستاش هەروام.
زۆر ئۆگری خوێندنەوەم، لە #کوردستان هەموو گۆڤار و ڕۆژنامە خاریجی و ئێرانییەکان دەخوێنمەوە. زۆریش ئۆگری خوێندنەوەی ڕۆمان و کتێبە زانستییەکانم، بەڵام بۆخۆم شێعرم زۆر پێ‌خۆشە.
لە کوردستان شەوی شێعر پێک دێنین و من شێعر دەخوێنمەوە ...
لە هەلومەرجی ئێستادا وەک دەزانن تێکۆشانی سیاسی بەتایبەتی کاتێک تۆ بەرپرس بیت و شەڕی نێوخۆییش لەگۆڕێدا بێت، گیروگرفتت بۆ دێنێتە پێش کە بەداخەوە تۆ ناتوانی بەشێوەی سیستماتیک و بە ئیشتیای خۆت ئۆگری بە شێعر یان مۆسیقا درێژە پێ بدەی.
یەکێک لەو گیروگرفتانەی کە لە ژیانی مندا هەیە، مەسەلەی شەهیدبوونی هاوڕێیانمە.
لە ڕاستیدا ئەوە یەکێک لە گەورەترین ناڕەحەتییەکانە کە لە ژیانمدا هەمە.
ئەمن ئێستا ئەگەر بمتوانیبا بۆخۆم بڕیار بدەم، پێم خۆش بوو خەریکی زانست بام و کارم لەسەر مەسەلە فەرهەنگی و ئەدەبییەکان کردبا. بەڵام ئێستا لە کوردستان ئەرکم لەسەر شانە لە بەرانبەر خەڵکی #کوردستان و ئێراندا هەست بە بەرپرسایەتی دەکەم ...
ئێستا نیزیک بە ٤٠ ساڵە لە خەباتدا بەشدارم، پێم خۆشە ئەزموونەکانی خۆم بنووسم، بەڵام هەرچۆنێک بێت پێم خۆشە لەنێو خەڵکدا بم .... دووری لە خەڵکەکەم زۆر گرانە و هیوادارم هەلومەرجێک بێتە پێش کە وڵاتەکەمان ببێتە وڵاتێکی سەربەخۆ و لەو هەلومەرجەدا ئەمن لە یەکێک لە گوندەکانی کوردستان، بۆ وێنە گوندی قاسملوو -ڕەنگە ئێوە نەزانن کە گوندێکی ئاوا هەیە و ئێمە ناوی خۆمان لەو گوندە وەرگرتووە- دانیشم و هەتا ماوم بخوێنمەوە و بنووسم."
(د. عەبدولڕەحمان قاسملوو)
سەرچاوە:
وتووێژ لەگەڵ بێهرووز یوسف‌زاد، هەواڵنێری بی‌بی‌سی

#دوکتور_قاسملوو

@peshaWaqaZimuhammad

ناوی پەرتووک : حەسەن زیرەک و ھەندێک لە بەسەرھاتەکانی
بابەت : ژیاننامە
نووسینی : میرزا کەریم خۆشناو
خوێندنەوەی : جیھاد حەمید
کاری دەنگ : ئاوات
پێکهاتووە لە ( ٧ ) بەش
ھیوادارین کە جێگای ڕەزامەندیتان بێت.

@peshaWaqaZimuhammad