Президент сайловида муддатидан олдин овоз бериш 28 июндан бошланадиМарказий Сайлов Комиссияси қарорига асосан, Ўзбекистон президенти сайловида муддатидан олдин овоз бериш 28 июндан бошланиб, 5 июлда якунланади.

ЕХҲТнинг Демократик институтлар ва инсон ҳуқуқлари бўйича бюроси (ДИИҲБ) кузатувчилари 6-Наманган округ сайлов комиссиясига ташриф буюрдиСайлов жараёнларининг ошкора ва ҳаққоний ўтишини таъминлашда кузатувчиларнинг иштироки жуда муҳим. Уларнинг сайлов кампанияси бошланганидан то якуний натижалар эълон қилингунга қадар иштирок этиши ошкоралик муҳити яратилишига хизмат қилади.
Эътиборлиси, Ўзбекистондаги сайловда иштирок этувчи хорижий ва халқаро кузатувчилар сони тобора сезиларли даражада ошмоқда. Бу эса мамлакатимиздаги сайловлар халқаро ҳамжамият эътиборини жалб қилаётган янги сиёсий муҳит, туб ўзгаришлар ва демократик ислоҳотлар шароитида ўтаётганидан далолатдир.
Бугун 6-Наманган округ сайлов комиссиясига ЕХҲТнинг Демократик институтлар ва инсон ҳуқуқлари бўйича бюроси (ДИИҲБ) узоқ муддатли кузатувчилари Татьяна Хроль-Лаппалэйнен ва Эйтн Мак-Дермотт ташриф буюрди.
Улар округ сайлов комиссияси раиси Собитхон Турғунов билан мулоқотда бўлиб, Президент сайловига тайёргарлик жараёни билан яқиндан танишдилар. 6-Наманган округ сайлов комиссияси фаолияти юзасидан ўзларини қизиқтирган саволларга жавоб олишди.
Маълумки, Халқаро кузатувчилар маҳаллий кузатувчилар сингари сайлов қонунчилигида белгиланган ҳуқуқлардан фойдаланадилар. Жумладан, халқаро кузатувчилар Марказий сайлов комиссияси, сайлов округлари ҳамда участка сайлов комиссияларида бўлиб ўтадиган мажлисларда иштирок этиш ҳуқуқига эга. Шунингдек, жойларда номзодлар кўрсатиш билан боғлиқ йиғилишларда, номзодларнинг сайловчилар билан учрашувларида иштирок этиш ҳуқуқи қонунчиликда мустаҳкамлаб қўйилган.
Кузатувчилар сайлов участкаларидаги тайёргарлик ишларининг бориши, яширин овоз бериш кабиналари жойлаштирилиши ва сайлов қутилари муҳрланиши, фуқароларнинг рўйхатга олиниши ҳамда уларга сайлов бюллетенлари берилишини ҳам кузатиши мумкин.
Шу маънода халқаро кузатувчилар Татьяна Хроль-Лаппалэйнен ва Эйтн Мак-Дермотт сайлов участкаларида сайловчилар, хусусан, ногиронлиги бўлган сайловчилар учун яратилган шароитлар билан боғлиқ маълумотларга ҳам эга бўлдилар.

6-Наманган округи сайлов комиссияси Матбуот маркази.