माझ्या आवाजात रेकॉर्ड करून पाठवलय.
शांत बसून ऐका...

शहाणी माणसं लढणं थांबवत नाहीत …!

#uddeshblogs

हे बघ तुला जे आता वाटतय ते मी समजू शकतो.
पण हे असं अचानकपणे शस्त्र टाकून जमणार नाही तुला.तुझी लढायची तयारी होती म्हणून तर इथवर आलास.मग लढ
आयुष्यात सगळीच गणिते आपण सोडवायची असतात असं नसतं बाळा.काही ठिकाणी आपण मेहनत करत रहायचं असतं बाकी वेळेवर सोडून देऊ
वेळ मेहनती लेकरावर कधीच अन्याय करत नाही.
तुझ्यावर सुद्धा होणार नाही…🌿

- उद्देश

#uddeshblogs

प्रत्येकाला ज्याचा त्याचा कृष्ण सापडायला हवा..?****

सर्वसामान्य मिडल क्लास फॅमिली मध्ये सरकारी नोकरीचं महत्त्व किती आणि काय असतं हे आपण ती नोकरी मिळवल्यानंतरच कळतं.
एक पिढी बदलायची संधी मिळते आपल्याला.
पिढीची स्वप्ने,आशा,अपेक्षा बदलतात आणि त्यासाठीचा भक्कम पाठिंबा पुरवू इतके आपण सक्षम होतो.
आईवडिलांच्या डोळ्यात आनंदाश्रू आल्यानंतरचं समाधान खूप मोठ्ठं आहे.
मी नेहमी तुम्हाला सांगत असलेली मिठी या मागच्या दहा दिवसात आईबापाला खूप वेळा मारली.कष्टाचं चीज झालेल्या घामाचा सुगंध येत होता मायबापाचा.
काही सेकंदात आपलं आयुष्य ३६० अंशाने बदलतं.पण ह्या दरम्यान एक काळजी घ्यायची असते ह्या रेट्यात आपली सौम्य भाषा,चेहऱ्यावरचं हसू आणि समोरच्याचा आदर करण्याचा कित्येक वर्षांचा रियाज याला मात्र धक्का लागू द्यायचा नाही….
पुढचं आयुष्य जगायला या सगळ्यांचा आशीर्वाद हवाच असतो…
फक्त एकदा ज्याला त्याला,ज्याचा त्याचा कृष्ण सापडावा…
पुढचं भारिय सगळं….

©उद्देश

#uddeshblogs

उद्या मतदानाचा हक्क बजावणाऱ्यालाच पुढची पाच वर्ष जाब विचारण्याचा हक्क असेल..

नसेल वाटत पण आपलं एक मत मॅटर करतं..
राज्याच्या भवितव्यासाठी मतदान करा…
?

#सुख

जगातलं सगळ्यात सुखी ठिकाण.
जे सोडून जायची घाई असते सगळ्यांना.
जग विस्तृत व्हायला लागलं की याची किंमत कळायला लागते.
आपलं सगळं म्हणजे सगळं काही ज्याला माहीत असत ती ही जागा.
आपला आरसा…❤️

#uddeshblogs
#repost

मोहाचे झाड ?

शांत बसून कानात कॉड टाकून,डोळे मिटून ऐका...

मागच्या वर्षी आजच्याच दिवशी निकाल लागला होता.
आपण योग्य मार्गावर आहोत याची निश्चितता मिळवण्यासाठी काही निकाल गरजेचे असतात.
नेमकं काय बदललं
तर हे बदललं..

#uddeshblogs

अंगावर गुलाल पडला की सगळच बदलतं….?****

वेळ बदलते,परिस्थिती बदलते,आपल्याकडे बघण्याचा दृष्टिकोन बदलतो,आत्मविश्वासाची खोली बदलते,चारचौघात बापाला खुर्ची मिळते,हळदीकुंकवाला आईच्या हातात करंडा येतो,कपाळ कुतूहुलानं भरतं तिचं,गावच्या सभेत वजन वाढतं आपल्या शब्दाचं,बापाचं मत विचारात घेतलं जातं,सतत हसणारा आईबाप नजरेसमोर दिसतो,आयुष्याच्या उत्तरार्धात आजोबा नातवाचं कौतुक सांगत आख्खं गाव पालथं घालतो.आजी चुलीत फटकी टाकून नजर उतरवते दहा दहा मिनिटाला.
हे असं होतं
आपल्या अंगावर गुलाल पडला की
सगळचं बदलतं
काय काय बदलतं काय सांगू
सगळच बदलतं…..

©उद्देश

#uddeshblogs

निकाल आलाय…?

माणसाने आपल्या स्वप्नांवर येवढं प्रेम करावं की ते स्वप्न जगताना समाधी लागली पाहिजे.
आसपास काय सुरु आहे हे कळलं नाही पाहिजे.
शेजारच्याचा श्वासांचा सुद्धा आवाज नाही आला पाहिजे.आत्ममग्न झाल पाहिजे.
मी माझं स्वप्न आणि त्यासाठीची वाट येवढच दिसलं पाहिजे डोळ्यासमोर.
मग कोणीतरी अचानक येऊन अभ्यासिकेत दचकन हलवलं पाहिजे…
अरे ऐकलस का
निकाल आलाय
तुझं नाव आहे त्यात
बस ही समाधी हवीय आयुष्यात…

©उद्देश

#uddeshblogs

डिअर अॅस्पिरंट…?****

आता तुला नेमकं काय वाटतंय याचा मला किमान अंदाज आहे.आपण इथपर्यंत आलो तेव्हा नेमकं काय ठरवून आलो आणि सध्या नेमकं काय सुरुय यातून तुझी उडणारी द्विधा मनस्थिती मी समजू शकतो.
पण मला सांग तू जितकं स्वतःला हतबल समजत आहेस तितका तू नाहियस तरीही हे नेमकं का होतंय.
कारण तुझं वय वाढतय आणि सोबत अपेक्षांचं ओझं सुद्धा हे इतकं सोप्पं कारण आहे.आसपासचा मित्रपरिवार त्यांनी मिळवलेल्या कॉर्पोरेट नोकरीचा करत असलेला बाऊ तुला जल्लोषाची व्याख्या वाटतेय इथे तू चुकतोयस.तुझी मेहनत तितकी असेल आणि डळमळीत झालेला विश्वास का असेना सोबत असेल तर तू ह्यातून बाहेर पडायला विशेष वेळ नाही लागणार डिअर अॅस्पिरंट…
तुझी स्वप्ने मोठी आहेत आणि त्यांना अपेक्षित डेडिकेशन मिळाल्यांनंतर जे मिळणार तेही भव्यदिव्य आहे.
तुला सहज आणि सोप्प्याने मिळालं तर तू गुलाल का म्हणून उधळशील,आणि सेलिब्रेशन करू तरी वाटेल का बर…..
ही प्रोसेस अशीच आणि ह्यातून आपल्याला जावं लागणारच आहे.
बाकी तू भारियस
जिंकलास तर यातली एक न एक ओळ आठव
त्यादिवशी मी जिंकेल….

©उद्देश