Geely 1 млн километр масофа кафолатга эга батареяни тақдим қилди. У қишда ҳам 90 фоиз қувватини сақлаб қолади
Geely компанияси ўзининг Geely Short Blade деб номланган сўнгги авлод Aegis литий темир фосфат таркибли батареяларини тақдим қилди. Унинг узунлиги 580 миллиметрга тенг. Бу одатий аккумулятор батареяларидан 40 фоизга қисқароқ дегани.

Аккумулятор синовлар вақтида 3500 цикллик қувватлашга бардош бера олган. Geely бу орқали электромобилларда бемалол 1 млн км масофа босиб ўтиш мумкинлигига ишонтирмоқда. Агар бундай батареяли электромобилда йилига ўртача 20 минг км масофа босиб ўтилса, батарея 50 йил хизмат қилади.

Geely аккумуляторлари 10 фоиздан 80 фоизгача 17 дақиқа 4 сонияда қувватланади. Бу стандарт аккумуляторлардан 1,5 баравар (26 дақиқа атрофида) тез қувват олишни билдиради.

Электромобилларда одатда совуқ кунларда батарея қуввати тушиб кетади. Geely аккумуляторлари эса -30°C ҳароратда 90,54 фоиз қувватини сақлаб қолган.

Аккумулятор турли экстремал шароитларда синовдан ўтказилди: коррозияга чидамлилигини текшириш учун денгизга улоқтирилди, ўта совуқ хонада ушлаб турилди, 26 тонналик юк билан босиб кўрилди ва олов билан ёндирилди ҳам.

Янги батарея август ойида сотувга чиқиши кутилаётган Geely Galaxy E5 кроссовери билан бирга бозорда дебют қилади.

@yashiltulpor

BYDнинг Ўзбекистондаги расмий дилери яна учта модел сотувини бошлайди

Расмий дилер ўз саҳифаларида учта моделнинг яширин суратларини тақдим қилиб, тез орада сотув бошланишига ишора қилган. Аммо интрига учун моделлар номини айтмаган.

Yashil Tulpor манбалари хабарига кўра, учта янги модел BYD E2, Yuan UP ва Seagull автомобиллари бўлади.

E2 фулл комплектацияси Хитойдаги автосалонларда 13 300 доллардан сотилмоқда.
Yuan UP фулл комплектацияси — 16 500 долларга баҳоланган.
Seagull фулл комплектацияси — 11 800 доллар.

Сизнингча, Ўзбекистондаги расмий дилерда нархлар қандай бўлади ва нега бунчалик қиммат?😄

@yashiltulpor

Эндиликда ЙПХ ходимларига BYD Song Plus автомобили ҳам берилмоқда

Шу пайтгача, ЙПХ машиналари ичида электромобиллардан BYD Qin модели бор эди.

@yashiltulpor

BYD Song L гибрид моделининг хуфиёна суратлари тарқалди

Автомобил BYD нинг янги технологияси асосида ишлаб чиқарилган бўлиб, тўлиқ электр ва тўла бензин бакида 2100 км масофа босиб ўтиши мумкин бўлади. Суратлардан салоннинг ички қисми BYD Song L электромобилига ўхшаш бўлишини кўриш мумкин.

Автомобилнинг Хитойдаги нархи 120 000 юандан (16 550 АҚШ доллари) бошланиши кутилмоқда. Бу айни вақтда эски Song Plus гибрид модели нархи билан деярли бир хил.

@yashiltulpor

«BYD Uzbekistan Factory» бош директори Шафқатбек Алимовнинг сўзларига кўра, Ўзбекистонда ишлаб чиқарилган BYD'лар чет элдан олиб келинаётган маҳсулотлардан арзон бўлар экан.
Бу #ваъда ни эслаб қолинг.

Шунингдек, BYD Ўзбекистондаги заводи келгусида E2, Seagull ва Yuan каби оммабоп моделларни ҳам ишлаб чиқаришни режалаштирмоқда.

Сиз нархлар бугунги кундаги бозор нархидан арзон бўлишига ишонасизми?
Ҳа — 👍
Йўқ — 👎

@yashiltulpor