جمعتلكم أشهر الأدويه المصريه وكمان السعوديه لحب الشباب +هي أنواع وهخليك ازاي تختار الدواء المناسب علي حسب الحاله
#صيدلي_في_ورطه

أشهر روشتات عن الأمراض لأشهر دكاتره
#صيدلي_في_ورطه

‍️‍️ اهداء لكل دكتور صيدلي(1).pdf
#صيدلي_في_ورطه

هنتكلم عن قرح الفم
قرح الفم من الأمراض المؤلمه جدا سواء طلعت في رمضان أو غير رمضان قبل ما نقول علاجها نعرف أسبابها الأول
دي بتطلع عموما لما مناعتك بتقل أي إن كان السبب ايه سواء حصل عندك تغيير فصول أو كنت مدخن أو لقدر الله جالك مرض جامد شويه وانت نفسك مش بتاخد بالك من تغذيتك وأكلك فتبدأ البكتيريا اللي عايشه في الفم تدور حواليها ممكن أعمل ايه ما المناعه قلت أبدأ أعمل قرح ومشاكل يعني هيا مش حاجه جايه من بره هتصرف معاها ازاي هحط( Salivex-L ) بيبقي سائل بفرشه كده بتاخد بالفرشه وتحط عليهم تلات مرات في اليوم طبعا بعد الأكل علشان الأكل مياخدش السائل ده وينزل خلال يومين تلاته بتبقي زي الفل الموضوع بسيط جدا بس خد بالك مناعتك محتاجه تقوي

ومتنساش كالعاده لو عجبك تشيره مع صحابك، علشان ياكلو براحتهم ويتخلصو من قرح الفم إن شاء الله ?

#رمضانيات
#صيدلي_في_ورطه

من أكتر المشاكل اللي ممكن يعاني منها أغلب الناس هي مشكلة القولون..!
عشان كده جاي أتكلم معاك علي أدوية القولون.

في البداية كده هكلمك عن أدوية للقولون العصبي

:يعني إية قولون عصبي؟ يعني لو إنت لما بتتعصب قولونك بيحصل له إنتفاخ وتقلصات ووجع.

نرجع لكلامنا فيه حاجات إسمهم الكلونا والكلوفاتيل والليبراكس والكولوفرين A، إيه بقي الحاجات الغربية ديه؟دول كلهم أدويه للقولون العصبي.

: طيب لو أنا مش عارف قولوني بيتعصب ولا هادي أعمله إيه ده!

مش هسيبك برضو فيه حل إن شاء الله، ركز معايا كده..
DUSPATALIN
DiceteL
كولوفيرين
سباسكولون ١٠٠جم
ديه أدوية(لا تخرج قبل أن تقول سبحان الله)
الأدويه دي مناسبة جداً لو إنت مش عارف سبب المشكله فين في القولون،يعني لو مش عارف قولونك عصبي ولا لاء

يعني لما بتتعصب قولونك بينتفخ شوية بس مش جامد أو لما تاكل أكلة بتحبها كده وتتقل فيها حبتين تلاتة أربعة بيحصل برضو نفس المشاكل تقلصات وإنتفاخ ف إنت مش عارف هنا قولونك عصبي ولا هضمي ف الأدوية اللي قولتها فوق مناسبة جداً إن شاء الله

ف بتاخد حاجه من دول وكمان بتحط معاها كمان واحد من فلاتيديل ده مضاد للانتفاخ بس قرصين مضغ مرة في اليوم فل جداً أو عند اللزوم لحد تلات مرات مفيش مشكله خالص وسبازموديجستين (مش تعويذة متخافش) ده مهضم ممتاز
ومعاهم جاستروبيوتك ٥٥٠مجم ده برضو كويس جداً

إن شاء الله كده تقلل من مشكلة القولون سواء عصبي أو مش عصبي وتقدر تاكل براحتك بقي

ومتنساش كالعادة لو عجبك تشيره مع صحابك، عشان ياكلوا براحتهم ويتخلصوا من الإنتفاخ إن شاء الله?

#رمضانيات
#صيدلي_في_ورطه

عشان الصيف داخل علينا.. ف جهز عوماتك وشمسياتك. ??
بس إنت بتنسي حاجه مهمة كل مرة..! كريماتك يا أستاذ..

النهارده إن شاء الله جاي أقولكم علي أهم كريمات مش بس في الصيف لاء ربيع خريف شتا وبلوبيف أي وقت وأي مكان.

1-كريم هيبتا بانثنيول (مش هبة سيتامول ركز معايا الله يكرمك): كريم مرطب لكل أنواع البشرة ومفعوله بيديم لحد 72ساعة "توفير ده خد بالك"..!
مش بيتأثر بأي غسول إنت بتستخدمه ب يمتص بشكل كبير من الجلد وبيغذي كمان.

ومش بس كده لاء.. ده معاه فيتامين معززات E والسيراميد للحفاظ علي رطوبة الجلد ومنع الجفاف(طبطة بشكل يومي?)

وهيبتا بانثينول بيضحي النهارده بيقلل من خشونة الجلد..، بيستخدم بعد الإستحمام، وبما إن الصيف داخل وداخلة معانا أشعة الشمس الحارقة ف الكريم بيساعد إنه يهدئ ويبرد البشرة بعد أشعة الشمس(مش هتبقي سمنة بلدي تاني لا تقلق)

بيساعد في السيطرة علي أعراض الأكزيما والتأتبية والصدفية (ربنا يحفظكم جميعاً)

2-كاربميد جل (سيبت إنت إسم الكريم وركزت في ميد أصله عندك كمان يومين)، بيعمل إيه ده بقي؟
ده مميز ومتميز ف ليه تركيبة مميزة عشان يرطب البشرة بعمق ويعالج الجفاف(طبطبة ضعفين تلاتة)
بيحتفظ برطوبة البشرة، هيخليك رشيق.. لاء بهزر معاك?..بيعالج خشونة الركب والقدمين والأكواع(رشاقة ديه ولا مش رشاقة)

بيدي البشرة نعومة ونضارة بيساعد علي تقشير خلايا الجلد الميت، وبيجدد البشرة

ده أول جزء من كريمات.. لفصل الصيف الآت?
لو عجبكم وإستفادتوا متنسوش تشاركوه مع صحابكم ?
#رمضانيات
#صيدلي_في_ورطه

لو محتوي القناة عاجبك متنساش تشاركها مع صحابك ??
https://t.me/pharmacist79

Telegram

صيدلي في ورطه

https://www.facebook.com/profile.php?id=61556144926501&mibextid=ZbWKwL

عارف الكولوفيرين؟ مش الكولوسلوو صحصح معايا..!

الكولوفيرين ده علاج لحاجات كتير يمكن بتعاني من واحدة منهم (حفظكم الله جميعاً)
الأول الكولوفيرين ده بينقسم لأربع أنواع، طيب إيه الفرق بينهم؟

الفرق بين ال 4 أنواع كولوفيرين: العادي وكولوفيرين SR وكولوفيرين A وكولوفيرين D

كولوفيرين العادي(Mebaverin) ودي ماده بتستخدم في علاج التقلصات وبتهدي حركة القولون وموجوده هنا بتركيز 135mg وجرعته بتكون ثلاث مرات في اليوم قبل الأكل بنص ساعه.

أما كولوفيرين SR بيكون عباره عن نفس الماده ولكن بتركيز 200mg وهنا الكبسوله بتكون sustained release معني كده انها ممتدة المفعول وتعمل 12ساعه وبالتالي بيكون هنا الجرعه مرتين في اليوم بس.

أما كولوفيرين A ف معه ماده كمان وهي Chlordiazepoxide وتستخدم في علاج التوتر العصبي وهنا موجه أكثر للناس اللي عندها قولون ناتج عن التوتر العصبي أو العصبية.

أما كولوفيرين D ف معه ماده كمان وهي dimithicon وتستخدم لعلاج الانتفاخات وهذا النوع يستخدم في علاج التقلصات المصحوبه بانتفاخات.

وبس كده أتمني تكون إستفادت، لو المعلومة جديدة عليك متنساش تشاركها مع صحابك يتعلموها.. أما لو مش جديدة ف شاركها برضو يمكن ميعرفوهاش?

#رمضانيات
#صيدله
#صيدلي_في_ورطه

بما إن إحنا في رمضان وأجواء القطايف واللطايف??
ف ممكن تواجهك مشاكل زي الإنتفاخ أو مغص أو حموضة..! ف تعمل إيه؟

قرص من COLOVERIN D قبل الفطار والسحور لو انت القولون عندك بيتعبك وبطنك بتتنفخ بعد ما تأكل أكله معينه نفسك فيها
ولو القولون عندك عصبي وبيحصلك مغص بعد أي نوع أكل هتأخذ من COLOVATIL قرص قبل الفطار وقرص قبل السحور
ولو الدنيا تمام بس لسه في برضو انتفاخ هتأخذ قرص من ( فلاتيديل و دايجست إيزي ) بعد الفطار والسحور هيساعدو جدا علي الهضم وكمان هيشدو الغازات
ولو بتشتكي من الحموضه والإرتجاع طول فتره الصيام هتأخش من ده CONTROLOC قرص قبل السحور بنص ساعه
وبس كده رمضان مبارك
#رمضانيات
#صيدلي_في_ورطه

الأدوية التى لا تبطل الصيام ولا تعتبر مفطرات على الراجح:

1- قطرة العين ، أو قطرة الأذن ، أو غسول الأذن.
قطرة الأنف ، أو بخاخ الأنف وبخاخ الربو، إذا اجتنب ابتلاع ما نفذ إلى الحلق.

2- أقراص النيترو جليسرين التي توضع (تحت اللسان) لعلاج الذبحة الصدرية إذا اجتنب ابتلاع ما نفذ إلى الحلق .

3- ما يدخل المهبل من ( لبوس ) لعلاج الفطريات ، أو غسول ، أو منظار مهبلي للفحص الطبي .

4- إدخال المنظار أو اللولب ونحوهما إلى الرحم .

5- ما يدخل الإحليل ، أي مجرى البول الظاهر للذكر أو الأنثى ، من قثطرة ( أنبوب دقيق ) أو منظار ، أو مادة ظليلة على الأشعة ، أو دواء ، أو محلول لغسل المثانة .

6- حفر السن ، أو قلع الضرس ، أو تنظيف الأسنان ، أو السواك وفرشاة الأسنان ، إذا اجتنب ابتلاع ما نفذ إلى الحلق .

7- المضمضة ، والغرغرة ، وبخاخ العلاج الموضعي للفم إذا اجتنب ابتلاع ما نفذ إلى الحلق .

8- الحقن العلاجية الجلدية أو العضلية أو الوريدية .

9- غاز الأكسجين .

10- غازات التخدير ( البنج ) ما لم يعط المريض سوائل ( محاليل ) مغذية .

11- ما يدخل الجسم امتصاصاً من الجلد كالكريم والمرهم والجل واللصقات العلاجية الجلدية المحملة بالمواد الدوائية أو الكيميائية .

12- إدخال قثطرة ( أنبوب دقيق ) في الشرايين لتصوير أو علاج أوعية القلب أو غيره من الأعضاء .

13- إدخال منظار من خلال جدار البطن لفحص الأحشاء أو إجراء عملية جراحية عليها .

14- أخذ عينات ( خزعات ) من الكبد أو غيره من الأعضاء ما لم تكن مصحوبة بإعطاء محاليل .

15- منظار المعدة إذا لم يصاحبه إدخال سوائل ( محاليل ) أو مواد أخرى .

16- دخول أي أداة أو مواد علاجية إلى الدماغ أو النخاع الشوكي .

17- القيء غير المتعمد .

18-حقن الأنسولين بأنواعها تحت الجلد

19- حقن المضادات الحيوية

20- استخدام زيوت ومستحضرات تجميل على الجسم أو الشعر.

21 -استخدام مرطب الشفاه مع عدم البلع.

22-العطور لا تفطر

(باستثناء السوائل والمحاليل والحقن المغذية والفيتامينات والأدوية التى تبلع وتصل للجوف فإنها تفطر) .

خلاصة الحكم الفقهى للدكتور محمد صالح المنجد.
#رمضانيات
#صيدلي_في_ورطه