**هوسات لمولد الأمام المهدي(عج)

بميلادك يمهدي الكمر اصبح تام.
دولة عدل انته اومنقذ الأسلام.
نحسب للضهور ايام بعد ايام.
(واترد العايل بيمينك)

ميلادك مسرة وفرحة والأنوار.
ياشمعة عدالة اوتضوي بكل دار.
نتعنة الحسين ازغار وية اكبار.
(انهني حسين بميلادك)

من حسين نتعنة بكلب ولهان.
نهني بمولدك عمك كمر عدنان.
يوم الوعد يوم 15 شعبان.
(والكافل يفرح ويانه)

كل هوسه ابد لا ماتريح البال
اذا ماتذكر العباس المهوال
مايوفي الكلام اشما اله ينگال
(اوعباس اسمه ايحلي الهوسه)

من گلبي اجيت وادعي بلساني
للجيش اوحشد والعلي السستاني
لولا اوجودهم ما انوجد اني
(والرايه ابچفهم علوها)

بقلم الخادم
ابو عبدالله الشمري**

*💎تمـيـز بأخــتيارك💎السته الذهبيه
👑افـضـل اللستات في التليجرام👑*

💞تمتع بتصفح أجمل القنوات⇩⇩

╰━─━─━─≪ ஜ▲ஜ ≫─━─━─━╯
للطلب ولاستفسار @wps34 تصــــفح أجـــــمل القنوات⇓⇊💚

🕊🕊🕊🕊🕊🕊**#المدير_ملا_علي_الواسطي

**هوسات لولادة الامام المهدي عجل الله فرجه الشريف

أجه شعبان  بالايمان    والاحسان
من  عدنان  عالي الشان  ابن شجعان
ابن قرآن  ابن ميدان   بالوجدان

(هنا يلرايد تسمع    حب المهدي اتربع بالوجدان )
★★★★★
إلك خدام  يامقدام  ياضرغام
ضوه الاسلام  والايام والأحكام
ياصَوَّام    ياقَوَّام   قائد عام

(وباچر كلهن  بيدك   لامحتاج ولامظلوم )

الشاعر حسن لعيبي الحريشاوي**

**هوسات بحق شهيد وسيد المقاومه حسن نصرالله

زلمه ومن نعدك وحدك أجيوش
نعم صوتك رعبهم هزهز أعروش
أسد والأسد منه اتخاف الوحوش
،،نصر الله أعدائك مرعوبه ،،
+++++++++++
عليك أتحشدت امريكا وإسرائيل
وآل افلان وآل افلان ألمطبعين

وين النتن ابن النتن بيك أيعيل
يا سيف المنايا ألما يخاف ألبين

بالكونه نعرفك ما تصيح أدخيل
مدحورين طلعوا تشهد الألفين
،،،وبالفين وسته أمبجيهم ،،،
++++++++++
دون يا قلم وكتبهه للتاريخ
حسن نصرالله أمنصب عليهم شيخ
عطارد هلهلته وكوكب المريخ
،،ويشهدله الكون أبأفعاله
++++++++++++
اليهود أتمردوا والعرب شو سكته
ونتنياهو بدى أيوسع أبخارطته
وكفت ابوجهه وبكل زود حاربته
،،،ذكرته ابخيبر وجداده،،،
ابوذيات
أمنيتك أعلنت هيه الشهاده
ونشهدلك يبو هادي شهاده
نجحت وحصلت أعلى شهاده
ودرجتك أمتياز وجنه هيه
**
بسك يا حزن ونريد هدنه
أطلب أي طلب شتريد هدنه
خبر موت الشهم زلزال هدنه
وعليه ضلت تون حتى المنيه

الشاعر هادي الساعدي**

**هوسات بحق الزهراء عليها السلام عن السيدة زينب عليها السلام

حيل مهضومة.. حيل مهضومة.. صحت يالزهرة يمة حيل مهضومة

من اشم بيها .. من اشم بيها.. تشيبني العباية من اشم بيها

رايحة عيوني.. رايحة عيوني .. ييمة ابيوم رحتي رايحة عيوني

حيل ياذيني .. حيل ياذيني.. الباب اشما اشوفة حيل ياذيني

ما ترد لينة .. ما ترد لينة.. عمت عيني الحنينة ما ترد لينة

موحشة اعلينة.. موحشة اعلينة.. الدار اخلاف شخصچ موحشة علينة

ما نطب ليها.. ما نطب ليها.. حجرتچ يالزچية ما نطب ليها
====================
كون مدفونة .. كون مدفونة.. تمنيت انة وامي كون مدفونة
=====================
ما تحاچيني.. ما تحاچيني.. احاچي اهدومها امي ما تحاچيني
======================
موش ويانة .. موش ويانة.. نفز بالليل وامي موش ويانة
====================
تشوف بلوانة.. تشوف بلوانة .. يريت ام المحنة تشوف بلوانة.
=====================
حيل ما بية .. حيل ما بية.. اجت لية اربعينچ حيل ما بية
====================
أسالكم الدعاء رائد الاسدي*

**هوسات مولد السيدة زينب عليها السلام

ياهلا ابزينة ابــوهــا العالمه
زيــنــب الـحـره ماهي امعلمه
من اجت نوّرت كـل ارض وسما

والشيعه كـلـهـا فرحانه

ياهلا بـثـالـث ضنا مـن البتول
حــيــدره بــوهـا والجد الرسول
امقصّر انا بيها مدري وش اقول

بـيـهـا مـتـحـيّـر الساني

طـلـبـه يازيـنـب الحوره الكبرى
ياللي ابـأسـمـچ جـرحــنــا يبرى
حضرتچ يمتى نطـبـهـا الحضره

ونشتم عطرچ یامولاتي

تمت بحمد الله ومنه
1445/5/4 هــ

لخادم اهل البيت عليهم السلام
المُلا محمد سامي المرعي الأحسائي**

**هوسات لذكرى ولادة السيدة زينب عليها السلام

نهني الزهره والكرار حيدرنه

ميلاد العقيــــله اليوم بشّرنه

كلنا بهالمسه جينه وتحضّرنه

وبمولد زينب نتباهه

نتباهه بولادة زينب الحرّه

وصواني الشمع والياس مزدهره

عطر الفرح طش عالعالم بأسره

محلاته يا عطر الجنّه

عطر جنّه يفوح اعله الأرض عطرچ

يبنت المرتضى ونتشرف انذكرچ

هالليله إبتده مولاتنا عمرچ

هاي أجمل شمعه نضوّيهه

نضوي شموعنه ودمع الفرح بالعين

ونبعثهه التهاني للحسن وحسين

بميلادچ يزينب عيد بالكونين

يا محله العيد وعنوانه

خادم الحسين عليه السلام

عمار هليل الواسطي**

**ابو ذيات جديده لميلاد سيدتي زينب

ألي راي . او خصيمي. ... عنده رايه
اعله زينب . من أسولف .. عن درايه
الكوثر أمها . والأب ....... عنده رايه
انبياء الله خذت الها تحيه ...

مثل زينب دگلي .. منهي عدكم ؟؟
ولو نُص عُشر خصله .. منها عدكم
العقل يامن تضدها ... منهي عدكم
او عماكم الله دنيه او آخريه

الشرف من دون اسم زينب ... مناراه
على روس الخلگ ضلت .. مناراه
لأسمها اركع او أسجد ..... من آراه
واصلي اعليها كل صبح او مسيه ...

ابخامس من جماد الفرح ... هَل هَل
او جميع الساكن الجنات .... هَلهَل
يحاضر بل حفل شمتان ؟؟ ... هلهِل
اخت عباس هاي الهاشميه ...

باب النار ربي اليوم .... ساده
ابمولدها . علينه الفرح .. ساده
علويه . واهلها اشراف ... ساده
شمس واشرقت فوگ الرافضيه ...

ابو فاطمة الطائي**

**،هوسات في ولادة العقيله ع

أرض وسما ابهالليلــه فرحانـــه
ابأســـم الهاشميه تحلــه دنيانه
والصـــداح غنـه ابأعذب الحانه

من عرش الله نزلت آيــــه
??????????         
هلا بميلاد بنت الاصل والطيب
نجمــه بالسمه ماتعــرف اتغيب
اذا غنينـــه للحوراء مــو عيـب

يا نغمة عمري و يا عيدي
????????????

افرح يالمحـــب لاتبقـه خجلان
زينب بالحشـــر تطفــي النيران
بنـت الجود والطيبه والاحسان

حشمها وتگضيها الحاجه
❤️❤️❤️❤️❤️❤️❤️❤️❤️❤️❤️❤️

دير الوجـــه عن كـل اليلـومون
افرح بالوليـــده الحـره ام عون
مو وحـده صلاتك تدري مليون

تصبح لو صليت اعليها
☘☘☘☘☘☘☘☘☘☘☘☘
الشاعر عمار الراشدي

ليلة ٥/جمادي الأولى /١٤٤٦هجري
الجمعه 8 \11 \2024 ليلة
ولادة السيده زينب عليها
السلام** #هوسات#قصائد1446هج

**هوسات بس تنقري مثل لطميه

على لحن مرتضى حرب...رفت رايات المشايه....

يبو لاكبر على الموعد اجينه المجلسك

وننصب مأتمك

تره احنه بدمنه وقعنه الك من زغر

نفديه العمر

......ونضل الدوم الوفايه........

اجينه وكل نبض بينه يهتف ياحسين

الك تدمع العين

نضل خدام الك مولااي مانعوفك ابد

لان انته السند

.....ونهز الكون عله مصابك.....

مواكبنه نصبناها رفعنه رايتك

كله حيتك

عقيدتنه حسينيه تضل طول السنين

ونهتف ياحسين

......ماننسه مصابك مولاانه......

تضل بكل نفس بينه ولله يالولي

ياريحه علي

وحك عبدلله ورقيه وامك فاطمه

اروح مأمله

.....ونعمي العين عله مصابك....

شتضن نترك يابو اليمه احنه خدمتك

ونعوف محبتك

احنه بكل حسينيه نرفع رايتك

ونعلن ثورتك

.....يحسين وتفداك عيوني........

يقلم خادمة المنبر الحسيني ام حسين المسعراوي من العماره نسألكم الدعاء الفاتحه الى روح الشاب المرحوم علي ابن محمد**