أعرف أنو الحياة صعبة ، بس خلينا هالمرة نهون الامور على نفسنا خلينا نحب نفسنا اليوم أكثر من الايام الي فاتت، خلينا ننطي نفسنا فرصة وخلينا نكون فخوريين بنفسنا لان جاي نحاول *?*✨* *.

"في رواية كافكا على الشاطئ يقول الكاتب :
كل من يعشق يكون في بحث عن أجزائه المفقودة من نفسه ، ولهذا يحزن العاشق عندما يفكر في معشوقه.تماماً كعودتك إلى غرفةٍ عشت فيها ذكريات عزيزة عليك ، ولم ترها منذ فترة طويلة. "

أما أنا فأقول إنني لا أبحث عن أي أجزاء مفقودة مني ، إنني أبحث عنك أنت ، أنت فقط .
- ريام الخزعلي

✨.

دخول بعض الأشخاص الى حياتنا يشبه
دخول أشعة الشمس بأول ساعات الصباح لغرفتنا ولبيتنا ومثل ما الشمس تنطينا أمل وتكول النا اليوم بداية جديدة كوموا يلااا
هالاشخاص يكونوا دافيين وحنونيين و وجودهم ينطينا أمل وشعور لطيف وراحة مو طبيعية.☀️

صباح الخير الي والكم
ويارب هاليوم يحمل النا
بين طياته كل الخير. *?*✨****

واكو مسلسل كوري شفته قبل مدة اسمه "العائلة " نوعه كوميدي، دراما وآكشن .
كلش كلش حلوو هم انصحكم تشوفوه إذا عدكم وقت او لما تخلص إمتحاناتكم .?

حالياً إذا أحد يكلي شلونج ممكن أبجي
بس على گولتنا بالعراقي : ميخالف فترة وتعدي وتصير سوالف .?

ما عندي طاقة بهاي المرحلة من حياتي لحتى أكون علاقات جديدة أو صداقات جديدة وأحجي عن الأشياء الي أحبها والي أكرها وأحجي عن حياتي وعن الاشياء الي أفضلها وعن كتابي المفضل إلى آخره ... لذلك فالناس الي بحياتي محدودين جداً وينعدون على الاصابع، فلو كنت شخص موجود بحياتي حالياً ،اتأكد أنو أنت شخص مميز جداً بالنسبة الي .❤️✨

واحب الكعده يم الصوبه ولمة الحبايب
چاي مهيل وسوالف وضحكة حلوة .

لا تنسون أنو الارقام والسنيين تتغير صح
لكن احنا الي نأخذ خطوة التغيير ، وأحنا الي نقرر إذا راح نتغير هالسنة أو لا، نحقق هالسنة شيء مميز او لا ، ونكون أفضل من السنة الي فاتت أو لا .✨****