قبل لا اختفي فترة ثانية
اتمنى تكونون كلكم بخير
و ان تلگون روحكم و تتأكدون
أنُ راحة البال و الضمير أهم من كلشي
و انُ كثرة الناس تشتت
و قلتها تنفع
و الاختيار الصالح يصلح
لا تحزنون أبد على شيء
و خلو ببالكم الآية الي تگول
( وَلَسَوْفَ يُعْطِيكَ رَبُّكَ فَتَرْضَى )
وعد من ربنا للناس
أرضا بالمكتوب، واحمد ربنا
و راح يعطيك حتى ترضا أنت
كونوا بخير، أدعولي اذا اجيت ببالكم
أشوفكم على خير ?

منو غيرك عظيم و واجب انعبده
و منو منطينا غيرك خاطر انحمده
عد ظَن العَبد، راد النَجم ما صار!
بقدرة قادر يخلي السما بسده
نحبك، رغم ما نخطي
- علينا شگد رحيم و تغفر بسَجده ..?

لا سلامة لمن أكثر مخالطة الناس .

- العظيم علي ( ع )

يا اول بكل عَدد
و يا وسط روحي البقت بمحبتك تعلى
و يا نقطة الخاتمة و يا بسمة المولى
اتمنى اذا انسأل
عَنك و اصيرن طفل
حبي الالك بالگلب ما گادر اتحمله
من قبل لا انولد
الگاني بـ اسمك صحت
انه بـ اميري اربحت
و راح بـ أميري اغلى
بيت الله الك ينفتح
يذكرني بگليبي
يا رحمة الله علي
و يا عزوتي و شيبي
غيرك منو و ينذكر
ما يسوى و عيونك
احتار و اصرخ مدد
- و الگاني طايف أجي ويه اليزورونك ..?

چان ودي عيونك من تصد اگلها
لا تعوفنّي بعد ما ضلي غالي،
و الرموش الچانت اطوّل من حياتي
طولهن لاعب بحالي
انه ما احب التعلق،
مال من كلشي عداهن
چنت احبهن أكثر من الدنيا كلها
- و ما يحبني، شجاهن !

صَح مزاجية ولكن شَحچي عنچ ؟
هواي رادن يشبهونچ
مَرة بـ أُغنية تحبين الاماكن
نوبه تنزعجين اذا اسأل شلونچ
و لأن أدري بلا سبب تبچين وَحدچ
- انه احبچ كثر ما يبچن عيونچ ..?

محد حاوّل يهَديك من تزعل ؟
عَليّ تأمر و تدلل ..
غشيّم المو حَنين اعليك
الما يهتم و لا يسأل
ألمثلك ترى المفروض'
يوم بدونه ما يكمل
و اذا ما بادر لعينك '
منو اليسوى ؟
تعمى عيون اليبچي
هذني عيونك الحلوّة
يَ بس أنت، و بقية الناس
- تروح لضحكتك فدوه ..?

ارد بـ آخر الليل و گلبي تعبان
و راسي من الأفكار السوّده حاير

بـ أديها الناعمات تغطي العيون
و تگلي تهدى ما تسوى الخساير

تتحملني رغم البيه و الصار
- و اتعاركني اذا ادخن جگاير ..

فوبيا ' من التعوّد
اليجي من اللاشعور
و يستقر بالروح گوّه

فوبيا ' من المَحنه
الضعفت روحي بوكت محتاج قوّه

فوبيا ' من الأغاني
فوبيا ' عَن لا أكون انسان مُهمل
و عادي يتبدل بثاني
فوبيا ' انعد يوم اناني

فوبيا ' من الأحاديث الطويله
البيها كلش مُمكن انمل
لو اغث الأشتكيله

فوبيا ' من المواقف
البيها ردهم ليه قاسي
ادري مرات انه اسامح
لكن يعيشن براسي

فوبيا ' من عيون ناسي
ما يذكرني و اتغرب
فوبيا ' من التقرب
ساكت و افكاري يحچن
فوبيا ' من كلشي عندي
- و چنت بس يمك أآمن .

انه حاولت بس صَعبه
ما ينسى الضحكتك ساكنه بگلبه
بذرات الهوى الـ يَمي عفت عطرك
احسك يمي لو غايب
و مثل زيارة المرضى
جيتك ع العقل واجب
و ادري هواي متغيّر
- ما منتبه ليّه بكثر ما اراقب ..