#وكأني بها تسأل عند إحتضارها من يقيم العزاء لها ، من ينصب المأتم والاحزان ، من يبلل القبر بدموع عينيه ، من يشيّع جنازتها، آآه :

من يبجي يخوانــــــــــــي عليّه
ومنهو الي يونّ ونّه شـــــــجيّه
منهو اليســـــــــــــــويلي عزيّه
غريبه اندفن حدر يالوطـــــــيه
راحو هلــــــــــي والله من اديه
كلهم كَضــــــــــــو بالغاضريه

#مولاتي يا زينب ،مأجورررة يا أم المصائب ، إشحالك هذه الإيام ، والصحن خالٍ من الزوار ، من الأحباب ، من الاصحاب 💔

#طور إسمع عتابي

تنادي العقيله
المدمع تسيله
زواري في وين 💔
ما بيّه حيله

يا وحشة الشام
غربة هلايام
بإسم العدالة
حاطتني ظُلام

سالت دمعها
تنظر وضعها
موحش صحنها
يذبح وجعها

#عن من تسأل...؟

جاوين الاحباب
شو عني غيّاب
وحدي بضريحي
لا ناعي عالباب

شنهو اللي جاري
ما حد جِواري
يا عمه مهدي
إفتحها داري

يا عمه مهدي
منين انا أبدي
ذُولة النواصب
الشّدوها يدي

(خادمة ابي الفضل)

وااغريباً تسمعُ الدنيا نَحيبَهْ
للتَّي في الشَّامِ قدْ مَاتتْ غَريبَهْ
عَظمُهُ قدْ ذابَ مِنْ هولِ المُصيبَهْ
وأتاها باكِياً عند الضريحِ

فتحت عينها وشافت ضلع مكسور
وختمتها بضلوع الضامي المنحور
فتحت عالزجيه وختمت بعاشور
وصبرها البشر كله ما يصبرونه

فتحت عينها وعين الزجيه دموم
وختمتها بسهم عين الوفي المعلوم
الله يساعدج يا زينب بيا يوم
بس عاشور اجالج حاد اسنونه

فتحت عينها ومحروكه باب الدار
وختمتها المخيم كله وج بالنار
ما ادري شكولن بس اصيح الثار
يهل الثار وين الثار مضمونه

فتحت عينها وامها تهل العين
وما ظلت بعد والدها بس شهرين
وزينب ما بٌقت من بعد اخوها احسين ختمتها بسنه بجروح مخزونه

(الشيخ زمان الحسناوي)

#آه يا زينب ، كيف الصبر يا بنت المرتضى وانت تنظرين الى أخيك الحسين ، وهو مطروح الرمال ، عاري اللباس ، مقطع الأوصال ، وقد ورضّت الخيل صدره على رمضاء كربلاء ، والرمل حار 💔 :

#إختيار

نار نار نار نار
نايم عالرمل والرمل حار

حار حار حار حار
احترقت جروحك والجروح كتار

ماي ماي ماي ماي
خويه إنذبح وما ذاق الماي

#قال السيد ابن طاووس : ( قال الراوي : ثم نادى عمرُ بنُ سعد في أصحابه : مَنْ ينتدب للحسين فيوطئ الخيلَ ظهرَه وصدره ؟

فانتدبَ منهم عشرةٌ من الفرسان (لعنهم الله) . فداسُوا الحسينَ عليه السلام بحوافرِ خيلِهِم حتى رضُّوا ظهرَه وصدره ... ورفع رأسه على رمحٍ طويل وكأني بها صاحت :

#طور_عاشوري

يشايل راس حامينه اولينه
ريض خلي اتودعه اسكينه
ليش احسين ساچت عن ونينه
قلى تِعب يو. جرحه تخدر

يا شيال راسه لا تلوحه. آه آه
و هبط عن بقايا الروس رمحه
اخاف ايفوت ريح الهوى ابجرحه آه آه
واصوابه عليه ايگوم يسعر

#بعد ما الذي رأته زينب رأت الحبال والسلاسل في يديها (الله اكبر)والحبل ممدود من رقبة الإمام السجاد الى عنقها
يقول الإمام زين العابدين :كان الحبل ممدود من رقبتي الى عنق عمتي زينب 💔

#طور الجفيري /طور يا مدلله راح الدلال

يمدلله .. راح الدلال
بشري بسبي .. فوق الجمال

لازم بعد لا تسألي .. وين العضيد
وبس انظري .. جيتك وحيد

لازم بعد .. هذا المصاب
تنظري إلي .. فوق التراب

شوفي النحر .. مني قطيع
واعلى الصدر .. طفلي الرضيع

انا انا بقيت محيرة واصفق بالإيدين
لا عباس ييرالي ولا حسين|

#لكن اصعب ما يشجي الغيور على حالها وخِباءها وحياءها ، لما أدخلوها الى مجلس ذلك اللعين يزيد إبن معاويه ، وهو يتشمت بأهل بيتها ورأس الحسين بين يديه ينكثه بخيزرانه ، فإنها لما رأته نادت بصوت حزين يقرح القلوب : يا حسيناه, يا حبيب رسول الله, يا بن مكّة ومنى, يا بن فاطمة الزهراء سيّدة النساء, يا بن بنت المصطفى. فأبكت والله كلّ من كان حاضراً :

بس هاي ما كانت على البال
أطب المجلس وبزنودي الحبال
وراسك بالطشت وتشوفه العيال 
وبيده العو د ويوسِّم المبسم

يحسين راسك حين شفته
تلعب عصا يزيد اعلى شفته
انا ذاك الوقت وجهي لطمته
شلت يمينك يل ضربته

#أراد أن يكسر قلبها ، فأجابته :
فكِدْ كيدك, واسعَ سعيك, وناصب جهدك, فوالله لا تمحو ذكرنا, ولا تميت وحينا, ولا تدرك أمدنا, وهل رأيك إلّا فند, وأيّامك إلّا عدد,((ساعد الله قلبك مولاتي يا زينب كم تحملتي))

#طور الفراق

آيا زينب… ياهي محنة يالغريبه
آيا زينب… محنتچ والله عجيبه
آيا زينب… بدمعتچ تروي المصيبه
(خادمة آل محمد)

💔ماذا تروي روحي فداها

شلون بيّه من بعد عزي سبيّه
شلون بيّه ادخل وحبل ابإديه
شلون بيّه ماتوا أهلي بالغاضريه

#أعظم الله لك الأجر يا زينب إيه والله ودعت الحسين والعباس وشباب بني هاشم على الرمضاء..وما عاشت بعده إلا قليلا.. وبقيت وحيدة ، غريبة، محزونة ، مكروبة ، مضروبة ، مسبيّة من بلد إلى بلد وأثر السوط على متنها في دار غربة ، حتى دنت منها المنية ، ولعل من حضرها وجهها ناحية القبلة ، ماذا صنعوا ؟؟
غمضوا عينيها .. أسبلوا يديها .. ومددوا قدميها ، كأني بها صاحت :

# اطوار _مختلفة

جرحتوا گلبي المجروح يالجيتوا توجهوني    ذكّرتوني ابلحسين ياللي اتغمضوا اعيوني
خلوني أموت ابهون لا اتهيجون مكنوني  
  خلوني أموت ابهون لا اتذكروني المظلوم
لا اتسبلون رجليني ولا اتمدوا إليّه ايدين  
  ترى امن اتمدوا ايديني ابتذكر اخويه احسين
ناديت الشمر خلني أبا غ مضه او بمد ليدين  
ضربني بسوطه ع متوني او من نحره تفيض ادموم

آآآه يا زينب💔

#إختيار👇
#طور_الجفيري

ماتت غربيه بت علي
ما عدها كافل لا ولي
هاي العقيله مدلّلي
محّد حضرها بالغرب

ريّض بنعش ام الخدر
خلّه يشيّعها الگمر
ويواري اخته بالگبر
ويهيلن عليها الترب

(خادمة آل محمد)

#إختيار👇
#نعي

بالغرب عاشت ليالي
و الأجل يدناها تالي
و اهيه ابلا أهل و والي
شوفها صارت نحيله

ليش زينب مرحموها
قالوا إلنه سمموها
يكفي اشقد ألموها
و النعش ياهو اليشيله

(الشاعرة زينب مؤيد)

#أبو ذية

الدهر ما رحم حالك شلون يمعون
وقلبك من مرار الحزن يمعون
ما دفنوك يم عباس يم عون
أظن حسين رادك يم رقية

🔘 خطباء المنبر الحسيني
🔘 مجلس رحيل السيدة زينب عليها السلام_١٤٤٦هـ
➖➖➖➖➖
▪️المقدمة
▪️القصيدة

▪️ قصيدة ¹

كم ذاقتِ الحوراءُ مِن مرِّ السنينْ
حتى إذا انذَكَرتْ همى الدّمعُ المَعينْ

دمْعاتُها الأولى اسْتهلّتْ حينما
رحَلَ النبيُّ المُصطفى الجدُّ الأمينْ

مِن ثُمّ قد هجموا على دارِ الهُدى
فتيتمتْ مِن أمّها مِن بعد حينْ

و تيتمتْ مِن والديْها اثْنَيْهما
يومًا بهِ فقدتْ أميرَ المؤمنينْ

و إليهما حسنٌ أخوها قدْ مضى
بالسّمِ مِن غدرِ العداة الآخرينْ

كلٌّ مِنَ الأحبابِ أفجعَ قلبَها
آهٍ على آهاتِها و صدى الأنينْ

لكنْ هُناكَ مُصيبةٌ أرزاؤها
أخذتْ بقيّةَ حَيْلِ مَمشاها الحزينْ

في كربلا.. يا كربلا..يا كربلا…
و الذكرُ يكفي كيْ ترى رزءًا مُبينْ

فقدتْ أعزَّ أُناسِها في كربلا
لمْ يكتفوا بالقتلِ أقوامُ اللعينْ

فلقدْ سبوها و الحبالُ تقودُها
و هيَ ابنةُ الزهراءِ بنتُ الطيّبينْ

لهفي على تلكَ المُتون و لونها
مُسوّدةً تحكي عنِ الضربِ الطّعينْ

لمْ أنسَها تشكو إلى الأُمِّ الأسى
و النارُ حوْلَ عباتِها جمرًا سخينْ..

(ديما شور)

▪️ قصيدة²

غريبةُ الشَّامِ تدعو أينَ زُوَّاري؟
أينَ المآتِمُ ؟ أينَ المدمعُ الجاري؟

أينَ المواكبُ والأعلامُ خافقةٌ؟
ما للمنائرِ أمستْ دونَ أنوارِ!

كأنَّما ليلَةُ "الحادي" هُنا نزلتْ
ووحشةُ الطفِّ حلَّتْ في فِنا داريْ

عودوا اذكروني بأرضِ الشامِ حائرةً
بعدَ الحُسينِ إمامي حُجَّةِ الباريْ

سُبيتُ في المرَّةِ الأولى مصفَّدةً
والسَّوطُ يهوي على متْنيَّ كالنَّارِ

من بعدِ دُورِ تراتيلٍ وأدعيةٍ
جهراً أُحَاصرُ مِنْ دَفٍّ ومزمارِ

منْ بعدِ هوْدجِ عبَّاسٍ ورايتِهِ
أصبحتُ أُرْمَى بأنظارٍ وأحْجارِ

انا ابنةُ الخيرِ "والتطهيرِ" أوْقَفَنِيْ
أمامَهُ الرجسُ في ديوانِ أشرارِ

جرَّتْ عليَّ الدَّاوهِيْ كيْ أخاطِبَهُ
فابنُ الطليقُ سبى أيتامَ مختارِ

جارت عليَّ صروفُ الدهرِ تُسْمِعُني
إيَّاهُ سبَّ أبانا حامِيَ الجارِ !

هل كانَ ينكتُ آياتِ الكتابِ تُرى
أمْ ثغْرَ أحمدَ أمْ أسنانَ كرّارِ!

عودوا اذكروا وحدتي في الشّامِ ثانيةً
على التُّرابِ أنادي دونَ أنصارِ

لا تُلحِدوني بقبري واتركوا جسدي
مثلَ الطريحِ ثلاثاً دونَ إقبارِ…

💔آآآه يا غريبة

سلّت يويلي من حزنها
بدموعها اتجرّح جفنها
كثرن مصايبها وعِمنها
ماتت الف موته أظنها

ويـنـه الـيـجـي ياخـذ رسـالـه
مـنـي لــعِــد راعـي الـكـفــالـه
زينب بغرب حالـتـهـه حـالـه
گـرّب يـومـهـه وذِكْـرَتْ دلالــه

ويـنـه اليروح الـوادي لطفوف
ويكتب عـلـيّـه بـهـاي معروف
يگصـد اخـوي الشهم ويشوف
يوصّل سلامي بگـلـب ملهوف

ويـنـه الـيگـلـهـم زيـنـب اتـريـد
تـحـضـر نعـشـها نـاس اجـاويـد
بـلـكـت اخوتـي تـگـطـع الـبِـيـد
وتطوي الفيافي ودرب البعيد

(الشاعر رعد الجريخي)

#لهفي لكِ مولاتي يا زينب ، مهمومة ، مغمومة ، حزينة عند الإحتضار ، و الأخت عند الموت تريد خُوان !!!
لكن درب الطفوف بعيد
ووين الإخوان يا زينب (ايه والله وين الإخوان يا زينب )

فعلى الأطايب من آل محمد فليبكِ الباكون ويعج العاجون ويضج الضاجون
اين الحسن ...؟
اين الحسين ...؟

كأني بها تجاوبنا ودموعها على خديها 💔

#نعي شعبي

أنا زينب وإذا عندك دمع بالعين
تعال وياي خل نبكي سوا على حسين (ليش مولاتي شالشجرى على الحسين )
أنا بعيوني نظرت جسمه الموذر
وبإذني سمعت صوت ضلوعة تتكسر
آنا القبّلت خوي بالمنحر
وما حد يمّي واتلفت يساري ويمين

#هناك شو تمنت مولاتنا زينب

انا تمنيت احط خدي على خده
ويلي شفت خوي وراس ما عنده
ياشيعة وشاهدت سهم المرض كبده
سهم المثلث قطع كبدته نصين

#هاي صور كربلاء أمام عينيها ، وحبيب المصطفى على وجه الثرى ، قد فرق بين رأسه وبدنه ، وقد رَضّت الخيل صدره ، وقلبتهُ الخيول تحت حوافرها ، شو صاحتله هناك بكربلاء ، أأنت الحسين حمانا ؟؟ أأنت رجانا ....؟

#لطم خفيف

جاوبني وريح دلالي معقوله انت حسين الغالي
شو متغير حيل .. اشسوت بيك الخيل
شو متغير حيل ..

#بما ناداها بلسان الحال:

نــاده لـسـان الـحال مـنه ابو الاحساس
يـمـخدرة حـيـدر ابـونـه صـعـب الـمراس
كـثـر الـعـتب شـيـفيد فـي جـثه بـلا راس
راســي عـلـى الـخـطي يـزينب تـنظرينه

#طور الفراق

يا حبيبة الأصعب تروحي سبيّه
يا حبيبة تنظر لطولك أميّه
يا حبيبة. إعذريني مو بديّه

آيزينب أيامك احزان ومصايب
آيزينب تبقى وحدك بالنوايب
آيزينب يدخلوك بالخرايب

إنا لله وإنا اليه راجعون

▪️المحاضرة
▪️المصيبة
▪︎...أعظم الله لك الأجر يا كعبة الأحزان ، عاشت عمرها بين الونّة والأنّة ودمع العين ، تبكي منذ صغرها تارة على جدها محمد ، وتارة على أمها الزهراء وما جرى عليها ، وتارة تبكي على أبيها المرتضى وقد خُضبت شيبته بمحرابه ، ورأت الحسن وهو يتلفظ كبده قطعة قطعة ، ورأت الحسين غريب الأم على الرمضاء مذبوحاً تريباً ، آآه يا زينب :

اضغط على الرابط التالي

مجالس رحيل أم البنين عليها السلام

▪️▪️▪️◾

مجالس شهادة السيدة الزهراء عليها السلام

#الليالي_الفاطمية

◾◾◾◾

مجالس شهادة الإمام الحسن العسكري (ع)

#الحسن_العسكري

▪️▪️▪️▪️

مجالس شهادة الرسول الاكرم (ص)

#الرسول_الاكرم

#وصلت الى قبر أخيها الحسين  وقد ألمسها الإمام زين العابدين تراب القبر الشريف ،  ونادت بصوت حزين يقرِّح القلوب: وا أخاه وا حسيناه، وا حبيب رسول الله، وا ابن مكة ومنى، وا ابن فاطمة الزهراء، وا ابن علي المرتضى، آه ثم آه ووقعت مغشيا عليها، واجتمع النساء فرششن عليها الماء حتى أفاقت ( معالي السبطين)

تقله جيتك يخويه انصب عزيّه
وابكي عليك واصفق بديّه
واشكي إلك الصار بيّه

رديت من الشام ليكم
وسلمت يالوالي عليكم
حسبالي واحد يفز بيكم
واسمع هلا وين من إجيكم

#مما يُروى راحت تسأل أخاها  ، أخي حسين هل غسلوك .. هل كفنوك .. أم بغير كفن دفنوك ..

ظلّت تنادي يا يتامى و يا نساوين
هيلوا تراب الگبر بَدْخل بنظر حسين
وبَنْظر تجفّن لو بگى من غير تجفين
واسكن معه ولا ريد هالدّنيا الدنيّه

(الملا عطية الجمري)

#إختيار ?
#طور_ الفراق

خويه اجيتك    غيّــرت وجهــي  النوايب
خويه اجيتك    إقعد احصيلك مصايب
خويه جيتك     من فراقك راسي ش ايب

ادري ادري     مــا تصــدّگ مــن ترانـــي
ادري ادري     غيّــر اعلــومــي  زمـانــي
ادري ادري     صـرت  مسبــيــة  ترانــي

( الشاعرة زينب الخفاجي)

#إختيار ?
#طور مستهل يا ليل طول ساعاتك

خطار جيناك الليلة
خطار آنه والعيله
بالدمعة استقبلنه ..  وابهيده نزلنه

ماتقوم تستقبل اهلك
ماتقوم واتنزل رحلك
مضروبه وتعبانه .. لي هسه عطشانه

(الشاعرة زينب المؤيد)

#ثم نظرت يمينا شمالا،وكأني بالسجاد عَلِم حالها ، وعن قبر من تبحث (تبحث عن قبر العباس )لتبث له الآمها واحزانها وما جرى عليها

زينب القصدت كفيل العايله
عتب عدها تريد ليه اتوصله
انته موش الي جبتني لكربله
بس عذرت يا قمر عدنانها

تصيح ودمعاتها اعلى الخد جرن
يبوفاضل قوم ردنا للوطن
كل خوات حسين خويه اتمرمرن
كون ترجع هالحرم لاوطانها

(الشيخ سمير الصالحي)

#إختيار?
#طور الجفيري

ردينا خويه من اليسر
وبقلبي احزان وقهر
ضمني يخويه بالقبر
وامسح دموعي الهامله

يا كافل اظعوني عجب
اعذرني من ابدي العتب
عقبك يخويه انضرب
وتشهد بهذا كربله

انهض يا عزي والدلال
صدقها تنظرني الرجال
واصعبها من فوق الجِمال
مشونا خويه بالفله

#إختيار?
#طور_التغريد_الحزين

إجيتك شاكيه مصابي    شحكيلك يا راعي الجود
تِحدي بناقتي العدوان    يا ريتك حاضر و موجود
الحبل ما فارق لزندي    دَلالي وين يريت يعود
وين الملقى ذاك الكان    بزمن بويه  يرد ردود

ما تنهض إلك رديت      قوم وعاين الأحوال
انه زينب يبو الغيره       إجيت مكلفه بالِعيال     
متعوبه من العِشته        وبإيدي أثر الحبال
وكلمن شافني اتشمت   إلك مَظل يحُره ارجال

(خادمة أبي الفضل)

اي وا عباسااااه .. وا أخاااه

#  ? وبقيت زينب ثلاثة ايام من قبر الى قبر؟ فقال الامام زين العابدين ياقوم إنكم لاترون ما أرى ، أني أخشى على عمتي زينب أن تموت إنها تقوم من قبر إلى قبر وهي تمرغ جبينها على تراب أخيه الحسين تأسفا وحسرة عليه..

ولمّا قيل للعقيلة زينب عليها السلام قومي يابنت الطيبين قالت إلى أين؟ قالوا: إلى المدينة قالت: ومن ذا بقي لي في المدينة.. (معالي السبطين)
بعد شلنه يعمه بالمدينه 
وهاي قبور اهلنا يا ولينه

يعمه فراقهم يصعب علينه
بقت ظلمه وخليّه ديار اهلنه

غابوا وما بقى منهم بقيّه
وعلى اگبور الأهل ننصب عزيّه

#ابيات الدعاء، لما وصلت مولاتنا الى دار أخيها الحسين ، نظرت الدار خاليه من ساكنيها ، صارت تعاتب الدار :

#طور_الجفيري

يادار اخويــــه المظلمــة
نورچ طفــاه حر الظمــه
جسمه تغســـل بالدمـــه
نوحي على فراگ الاهل

ريحة حسيني بعتبتـــچ
اشتم حنينـه بترتبتـــچ
ياداره طفـــوا بسمتـــچ
نوحي على فراگ الاهل

من چنت اجي لزيارتــه
يضمني العزيز ابلهفتـــه
واشلون اقبله ابجبهتــه 
نوحي على فراگ الاهل

اشتـاگ لحسين الهــــوه
أذكر طفولتنــــا ســـــوه
شوفتك صارتلــــي دوه
يااغلى من كل الاهل

(الشاعرة زينب الخفاجي)

مدينة جدنا لا تقبلينا
فبالحسرات والأحزان جينا
ألا فاخبر رسول الله عنّا
بأنا قد فجعنا في أخينا

? خطباء المنبر الحسيني
? مجلس الأربعين+الرجوع الى المدينة-١٤٤٦ه‍ـ (٢)
➖➖➖➖➖➖➖
◾المقدمة
◾القصيدة

بِفَيضِ الدُّموعِ وقَلبٍ حزين
أيا مُقلتي فارقُبي الأربَعين

فهٰذي العقيلةُ للطّفِّ عادَت
ورَكبٌ بهِ سيِّدُ السّاجدين

لِجابِرَ يَشكو رزايا الطُّفوف
بِحُزنٍ كوَتهُ جِمارُ الأنين

هُنا هُشِّمَت مِن حُسينَ الضُّلوع
وعبّاسُ أمسى قطيعَ اليدَين

أجابرُ قد ذبِحَت ذي النُّحور
لها إِذ همَت أَدمُعُ الخافِقَين

جُسومُ الكرامِ بِتُربِ العَراء
ثلاثًا غدَت؛ أدمَتِ المُقلتَين

ومِنها الرُّؤوسُ بأَعلى الرِّماح
تُقادُ أمامَ رُؤى النّاظرين

إلى الشّامِ تُسبى بَناتُ الهَواشِم
حفيداتُ ذا سيِّدِ المُرسَلين

وقَيدُ الأسى في اليَدينِ يَئِنُّ
أتَدري بِحالِ حبيبي الحُسين!

إذا ما العقيلةُ في المَتنِ تُضرَب
فتَهتَزُّ للصَّوتِ أَركانُ دين

أَجابِرُ ماتَت رُقيّةُ حُزنًا
فلَهفي لِرُزءِ صِغارِ السِّنين

لها كوثَرٌ في رياضِ الجِنان
لتُروى طهورًا وعذبَ المَعين

أجابِرُ مِنّي المَآقي تفيض
جَوًى، فالفُؤادُ كواهُ الحَنين

(زينب الموسوي)

رديت إلك خويه تراني
مسبيه ومغيّره الواني
دهري هظمني و عذباني

آني العقيله وجيتك بهم
للطفوف ودموعي من دم
قوم انظر لمتني تورم

شحكي  واعدّد لك مصايب
طحنا بعِبينا اعله الترايب
ونمنا بغصب خويه بخرايب

# وكأني بها جلست عند القبر الشريف ، تشتمّ التراب وتنادي وا أخاااه ... وا حسيناااه ، تقله مهمومه ، تعبانه ، مشتاااقة خويه بوعلي :

جايه وتعبانه من طول الدرب
حيل مهضومه ومدامعها تصب
راجعه وبظعونهه تحدي الغرب
وينه لينشف دمع عيناها

جايه امن الشام يوم الاربعين
تنادي دلوني عله گبر الحسين
يعينها الله زينب ام گلب الحنين
تفارگ حسين الوكت خلّاها

(أم محمد الحجاج)

# حضريني_يالزهرة
#طور_لمن_حدا_الحادي

خويه إلك رديت     مهمومه تعبانه
لو تنظر لحالي        مشتاقه ولهانه

قوم انفض اترابك   رديت إلك تَوى
جِيتك ينور العين   حنيّت إلى الخوه  

وين الهله خويه      قوم وتلقانه
جينا ومدامعنا       تروي ممشانه

إعذريني راح احكي    عالناقه خلوني
من كربله للشام          كم مرة بكّوني

(يعني لمّن يسألوها بشماته وين اخوك الحسين ووين العباس)

بقد حزني مشتاقة     أشتمن اترابك
واتمدّد بجنبك           وانعيلك احبابك

#يا أحباب مولاتي يا زينب !!! وكأني بكل إمراة صارت تسأل عن قبر عزيزها ، عن قبر حبيبها ، عن قبر ولدها ، الشاعر يصور رمله تجلس عند قبر القاسم :

?يا يمه يا يمه
شلونك يبعد امك شلونك
بعدك حلو لو خرّب لونك

يبني أرد افكّ گبر النمت بيه
يا گبر جاسم عينك اعليه
ما يحمل ابني خاف تأذيه

عشت عرسك ييمّه بين الجفون
وكل ساعه اعلى بالي تمرون
لا حنّه لا هلاهل بس الينوحون

تمنيك بالحلم وتمرّ عليّه
واشكي الصار وجرى بالغاضريّه
امك سبوها وشمتت عداك بيّه

#أم الرباب ٱرتمت على قبر الحسين ، تارة تصيح وا حسيناااه ، وتارة تصيح وا ولداه ، تقله :

عـبـدالله يبني يـالـولـد يـالـغـالـي
مذبوح شفتك بيد ابوك اگبالـي

عـبـدالله يبنـي او يـا حياتــي او منـــواي
يا نـور عـيـني او ياعـزيـزي او رجـواي
تكـبــر قـلــت يـوليــدي و اتضل اوياي
تالي الدهر مني خذاك والحضن خالي

? #طور_الفراق

ياصغيري.. يابعـد روحــي ودليــلي
ياصغيري.. ذَبحِتك هدت لي حيلي
ياصغيري.. اتخيّلك تِحبـي وتجيلي

(زينب_الخفاجي)

?إنا لله وإنا إليه راجعون?

◾المحاضرة
◾ المصيبة

"فبعد كل ال مآسي التي جرت على آل بيت الحسين في الشام وما تجرعوه من غصص وأرزاء ، قرر اللعين يزيد ارسالهم الى مدينة جدهم قبل أن تقوم ثورة عليه . وعرض على الامام زين العابدين مبلغاً من المال تعويضاً على قتله لسيد الشهداء ، فاعتصر قلب الامام حزناً وكمداً ، فكنوز الدنيا كلها لا تساوي اصبع الحسين المقطوع . وطلب منه أن يعطيه الرؤوس لكي يدفنها مع أجسادها فسمح له بذلك ، وأرسل معهم دليلاً يقودهم في الطريق .
وقامت النساء تودع قبر رقية ، وعمتها زينب تبكي فراقها .

سار الركب في الطريق ولما وصلت القافلة الى مفترق الطرق أتى السجاد الى عمته زينب وقال : ( عمة زينب قد وصلنا الى مفترق الطرق ، هذا الطريق يؤدي بنا الى المدينة وهذا الطريق يؤدي بنا الى كربلاء . عمة زينب ماذا تأمرين )

فاشتمّت السيدة زينب نسيم كربلاء ورائحة الحسين الزكية ، فاشتاقت نفسها للقاء الأحبة فقالت : ( يابن أخي مر بنا الى كربلاء لكي نجدّد العهد بأبيك الحسين )

# نعي

گولو لحادينا يمر بالغاضريّه     
انسلّم على الوالي وننصب له عزيّه

گولو الحادينا يمر بينا على حسين
نبغي نزور حسين وانشوفه اندفن وين
والله لروّي گبر اخويه ابدمعة العين     
وياليت فوگ الگبر تحضرني المنيّه

#طور الفراق
يبني يبني .. عالتُرب لمن أجيتك
يبني يبني .. بالدما غارگ لگيتك
يبني يبني .. اعتذر لن مارويتك

بعيني شفتك .. بيدي من شلتك حضنتك
بعيني شفتك .. صرت اقبّلها وجِنتك
بعيني شفتك .. رِدت يوليدي نظرتك

ولائـية_وافتـخر (دعاء العامري)

#ثم نادى بصوت يقطع القلوب :يا بنيّ يا بنيّ قتل الله قوماً قتلوك, ما أجرأهم على الرحمن وعلى انتهاك حرمة الرسول...

يبويه اشلون گلي دارو عليك
تحاكيني يروحي ماني احاكيك

اظن امن الطبر ما ظل نفس بيك
وحگ جدك اصواب البيك بيه

#طور عاشوري

يقله يا علي من جاني صوتك    آه    آه
انه تمنيت موتي قبل موتك
يا حبة عيوني وعود اُخٌوتك    آه  آه
ما اصدق تروح وهاي هيه

#قال حميد بن مسلم: لكأنّي أنظر إلى امرأة خرجت من الفسطاط وهي تنادي: يا حبيباه يا ابن اخيّاه ،سألت عنها فقيل لي : هي عمته زينب إبنة علي ، فجاءت حتى انكبّت عليه فأخذها الحسين ع بيده وردها إلى الفسطاط:

دخليني يخويه احسين يَمه
علي اعيوني واريد الصدري اضمّه
احس ابدمع عيني اجروح جسمه
واشيله للخيم وياك يحسين

#طور الجفيري

وين الشباب الصالحه
عيني اعلى فقده مالحه
ويانه كانوا  البارحه
وكلمن جماله معتفر

دليني وين إبنك وقع
وقلبي اعلى حالك انشلع
خلني أراويه الدمع
واشبع وداع من البدر

#وا ويلاه ، إلتفت الإمام الحسين ع لفتيان بني هاشم وقال : أحملوه فلا طاقة لي على حمله ، فحملوه وجاءوا به الى فسطاطه ، واجتمعت النساء  وامه ليلى وارتفع صوتهنّ بالبكاء (على الرواية التي تقول بوجود ليلى )
وكأني بها صاحت :

نادت الحُره العقيله شلون بيكِ
والدة وهم فاقدة ويلي عليكِ
صحت يا زينب وصيتي بين إيدكِ
لو متت يم ( اولدي) يدفنوني

قومي زينب نلطم لحال الشباب
خلي سكنه تنعى وتزيد العتاب
يا مصاب الما شفت مثله مصاب
من البواجي مجرحات عيوني

(الشيخ سمير الصالحي)

شبان مثل الورد يزهون
وسفه على الغبره ينامون
ياشبان بالله لا تونون
تشعبون قلبي من تصيحون
مدري يا بعد أهلي أشتريدون

#ساعد الله  ام الشباب ، ساعد الله الأم الفاقدة لولدها :
#طور_النصاري

إجت ليلى وتِصيح اللهُ أكبر
سلام الله على اجروحك يالاكبر

ييمه گوم حاچيني اشجرالك
منو بهل قسوه خضبلك جمالك
ويريت آنه المتت يبني بدالك
ولا شوفك ذبيح ووجهك أصفر

وأشدن يا جرح يا جرح أخلي
وأنا بعدك شلي بدنياي شلي
طحت انت ووگع وياك حملي
ولا أگدر أگوم وراسي يفتر
(زينب _المؤيد)

#طور مستهل دنيا ما بيها بس هم وغدر

يُمّه  .. وحدي عِفتني يالولد
يُمّه  .. مفجوعه يا طير السعد
يُمّه  ..  ما يرهم لطولك لحد .. يُمّه

ليلي  .. من عُقبك عيوني جمر
ليلي  .. يُمّه أقَضيه بسهر
ليلي  .. حزني يا يُمّه للقبر .. ليلي

#أبو_ذية

يبني انا ردتك ما ردت دنيا ولا مال
تحضرني لو وگع حملي ولو مال
يجاسم خابت ظنوني والآمال
بوگت الضيق يابني گطعت بيه

وَضَعُوهُ قُدَّامَ الخِيَامِ وَزَيْنَبٌ
خَرَجَتْ وَمَدْمَعُها عَلِيهِ صَبِيبُ
يَا زِينَةَ الشُّبَّانِ عَزَّ عَلَيَّ أَنْ
تُلْقَى وَإنَّكَ بالدّماء خَضيبُ