Ahmad ibn Hanbal hikoya qiladilar:
Oʻn yoshligimda onam menga Qurʼonni yodlatib boʻldi. Oʻshanda u meni bomdoddan oldin uygʻotardi. Agar havo sovuq boʻlsa tahoratimga suvni isitib berardi. Soʻng men va u Alloh xohlaganicha namoz oʻqirdik. Soʻng masjidga borardik. Men bilan namoz oʻqish uchun onam paranji yopinib chiqardi.
Yoshim oʻn oltiga yetganda u: “Bolam, endi hadis talabida yoʻlga chiq. Chunki uni talab qilish Allohning yoʻlidagi hijratdir”, dedi.

🕋@Sajdadamizda🌾☝️

Rasululloh sollallohu alayhi vasallam shunday dedilar:
«Arabning ajamdan, ajamning arabdan, oqning qoradan, qoraning oqdan taqvodan boshqa ustunligi yo‘q. Odamlar Odam alayhissalomdan tarqalgan, Odam alayhissalom esa tuproqdan yaratilgan».

🕋@Sajdadamizda🌾☝️

#Ушбу дуони ҳар куни айтиш нақадар гўзал:
«Аллоҳим, қалбимни сенга топширдим, уни Ўзингдан ўзгага боғлиқ қилма!
Аллоҳим, ўзимни Сенга топширдим, Ўзингни розилигингдан бошқасига қадам бостирма!
Аллоҳим, аҳлимни, дўстларимни, мол-мулким ва менга насиб қилган барча нарсаларингни Ўзингга омонат топширдим, уларни барча махлуқотдан ҳимоялаб, сақлаб бер!
Аллоҳим, «Лаа илааҳа иллаллоҳу, ва анна Муҳаммадан Расулуллоҳ» шаҳодатини Сенга омонат топширдим, ўлим пайтида, қабрдаги савол-жавоб пайтида уни эсимга сол, у билан тарозумни оғир қил!»

🕋@Sajdadamizda🌾☝️

#Бисмиллаҳ

#Қайси амалларни қилсак, Қиёмат куни гуноҳларимиз яширилади?
– бир мусулмонни шарманда қилмасак;
– биродаримизнинг мусибатидан шодланмасак. Эҳтимол, Аллоҳ унга раҳм қилиб, сени балога гирифтор қилар.
– гуноҳ қилган кишининг айбини очишга ҳаракат қилмасак. Зеро, тавба эшиклари очиқ. Эҳтимол, Аллоҳ унинг гуноҳларини кечириб, унинг айбини ошкор қилганинг учун сенга гуноҳ ёзар?
– имкон борича бир  мусулмонни айбини яширишга уринсак.
Роббим, айбларимизни яширгин!

🕋@Sajdadamizda🌾☝️

Allohim! Sen borsan, kimga shikoyat qilay?!
Allohim! Dargohingdan hech kim haydab, qaytarib yuborilmas ekan, yana qaysi eshikka bosh urib yigʻlay?!
Allohim! Faqat Senga ibodat qilinar ekan, boshqa kimga sigʻinay?!
Allohim! Sendan umidim cheksiz ekan, boshqa kimdan umid qilay?!
Allohim! Mendan afvingni darigʻ tutma!
Allohim! Oʻzing bilan mening oʻrtamda biror toʻsiq qilmagin!

🕋@Sajdadamizda🌾☝️

Alloh kimdan rozi boʻlsa, hayotining oxirgi fursatlarida toʻgʻri yoʻlga boshlab, hidoyat qilish uchun bir farishtani yuboradi. Shu bois u goʻzal holatda jon taslim qiladi. Odamlar: “Falonchini Alloh rahmatiga olsin, yaxshi vafot topdi”, deyishadi.
Allohim! Bizlarni rozi boʻluvchilardan qilgin!
Allohim! Ulardan rozi boʻl va ularni ham Oʻzingdan rozi qil!
Ey olamlarning Robbi! Bizlarni taqdir qilgan barcha narsalaringdan rozi boʻluvchilardan qilgin!

🕋@Sajdadamizda🌾☝️

Bir yigit onasidan: “Oʻzim uchun munosib ayolni topishning imkoni bormi?” deb soʻradi. Ona shunday dedi: “Bolaginam! Sen munosib ayol qidirma, balki munosib er boʻlishga harakat qil. Alloh taolo: «Nopok xotinlar nopok erkaklar uchundir. Nopok erkaklar nopok xotinlar uchundir. Pokiza ayollar pokiza erkaklar uchundir. Pokiza erkaklar pokiza ayollar uchundir”, degan» (Nur surasi, 26-oyat).

🕋@Sajdadamizda🌾☝️

Oq rang har doim ham goʻzallikni ifodalamaydi. Zero, kafan oqdir, ammo qoʻrqinchlidir. Qora rang har doim ham qabohatni anglatmaydi. Zero, Kaʼba qoradir, lekin goʻzallikda tengsizdir.
Inson tashqi koʻrinishi bilan emas, axloqi bilan goʻzaldir. Agar haqiqiy erkaklikning belgisi baland ovozda boʻlsa, erkaklar uchun eshak namuna boʻlar edi. Agar ayollik nazokati yalangʻochlikda boʻlsa, dunyodagi eng goʻzal hilqat maymun boʻlar edi.

🕋@Sajdadamizda🌾☝️