AL- IKHLAAS
••••••••••••••

► Akhlaaqaa fi Adaba Salafootaa keessaa inni tokko beekumsaa fi dalagaa isaanii keessatti ikhlaasa qabaatuudha. Naa argaa fi Oftuulummaan isaan bira hin jirtu. Ergamaan Rabbii ﷺ “Rabbi dalagaa ikhlaasaan isaaf jecha fuula isaa barbaaduuf dalagamte malee hin qeebalu” jedhan
Ibraahim Attaymii (rahiimahullaah) “ Namni Ikhlaasaan ibaadaa dalagu, akkuma badii isaa nama jalaa dhokfatutti toltuu isaallee, dhokfata” jedhe

► Ash Shaabii (Rahiimahullaah) “ Akhlaaqa Ulamaa’ii keessaa tokko, beekumsa takka yoo argatan itti dalagu. Takkuma dalagatti seenaniin, waan namni isaaniin jedhu dhiisanii biraa deemanii, ibaadaa isaanii qofa irratti xiyyeeffatu. Dalagaan isaanii tun nama jidduu akka dhabaman isaan taasifti. Kanaaf namni isaan barbaacha deema. Namni isaan barbaadaa jiraachuu isaa yoo beekan, fitnaa isaan mudachuu danda’u sodaaf ka’anii baqatu” jedhe. (fitnaan as biratti ibsamte; ummanni dalagaa isaanii ilaalee waan isaan faarsuuf, faaruu san dheeysan)

► Fudeeyl ibn Iyaad (rahiimahullaah) “ Ulamaa’ii ykn ammoo aabida yoo toltuun isaa aangawootaa fi ilma namaa duratti himamuuf gammachuun itti dhagahamu, warra naa argaa barbaadu malee, warra Rabbiif jecha hojjatanii miti” jedhe.

► Yaa Obbolewwan Aakhiraa Hundi keenyayyuu jannata Kajeella, Jannata arkachuuf ammoo ibaadaa teenya haala gaariin qulqulleessinee dalagachuu qabna. Faaruun namaa, homaa nuuf hin fayyadu. Inumaayyuu miindaa argachuudhaa mallu nurraa balleessa. Kanaaf akkuma nama badii dhokfatutti, yeroo toltuu dalagnus haa dhoyfannu. Sadaqaan nuti goonu, Rabbii fi nu jidduu qofa haa jiraatu. Soomanaa fi Ibaadaa cufa isaatuu Rabbii keenyarraa miindaa kajeelaa haa hojjannu. Yoo san milkooyna.

Rabbi nama Isaaf jecha dalagaa Hunda Ikhlaasaan hojjatu nu haa godhu.

© Abdallaah

https://t. Me/derajemea

IIMAANA SALAFOOTA KEENYAA
••••••••••••••••••••••••••••••••••

Seenaawwan kuni Qalbii gooydeef dawaa ni ta'a !!

Aalimni guddaan Imaam Ibnul Jawziin ﺭﺣﻤﻪ ﺍﻟﻠﻪ kitaaba isaa ( ﺍﻟﻤﺪﻫﺶ) ykn dhamaasaa kan je'amu keessatti :"

Osoo sammuun tee kan qulqullooftee waa hubatuu dandeessee...Silaa wanti hundi gorsa qaba...Wanti uumame hundi kuun si hawwisiisa...ykn si sodaachisa...jechuun:

Oo'ii yeroo bonaa ...oo'aa ibiddi jahannam si yaadachiisa...Qorri yeroo gannaa ...qorra laga jahannam (_zamhariiraa_) siyaadachiisa...". Je'an..

Mee seenaa isaanii irraa gabaabsinee haa laalluu....

Gaafa tokko Hasan Albasrii ﻋﻠﻴﻪ ﺭﺣﻤﺔ ﺍﻟﻠﻪ osoo masjida keessa taa'u akka malee butamee hafuura baafatee iyyee booyee".

Maaf boossa..Yaa Hasan !" je'aniin...

"Yaa jarana ! Osoo ani quba hin qabne du'ee yoo boru jahannam keessatti lafti natti bariite akkam ta'a...?!! Je'ee yaade..". Je'een ...

Ummata dabre keessaa Salafni tokko osoo mataa dhiqataa jiru.._Bishaan suni oo'aa ture._ Bishaan kuni akka malee mataa gubnaan...Imimmaan gadi naqee gadi taa'ee booyee...Aayata tana yaadate..

) ﻳﺼﺐ ﻣﻦ ﻓﻮﻕ ﺭﺀﻭﺳﻬﻢ ﺍﻟﺤﻤﻴﻢ .. )

(Warra ibiddaa) gubbaa mataa isaaniitiin bishaan hamiim itti bubuufaama...". Tan jettu yaadatee booye...

Salafa dabran keessaa Tokko osoo magaalaa keessa deemu foon waddamuutti jiru argee dhaabatee booye...

Namtichi foon waddu:" Maaltu si boochise..?

Moo ati foonitti haajaa qabda..? Je'een...
Salaftichi:" Lakki...Ilmaan aadamtu garaa na nyaate...Beeylada erga du'ee of wallaalee fuudhanii waddan...Ilmaan aadam ammoo osoo inni jiru fuudhanii ibidda jahannam keessa ciibsan..je'ee booye !!" je'ee...

Allaahu Akbar..Allaahu Akbar

Ijoollee salafa dabranii keessaa tokko...Osoo harmeen isaa ibidda qabsiiftu bira dhaabatee hargufamee booye...Harmeen isaa dinqisiifattee..." Mucaa maaltu si boochise..?! Jetteen.." Harmee tiyya ! Amma Wayta ibidda qabsiiftu...Qoraan ykn muka gurguddaa dura xixiqqaan qabsiisuu eegalte...Nullee warra gurguddaa dura nuhii xixiqqaa kana way ibiddatti nu guuranii je'ee booye...!!!". Je'een...

Yaa Rabbi ! Akka qalbii jaraa iimaanaa jiiftetti qalbii teenyallee nuuf jiisi....Dura waan qalbii gooysaa irraa nu fageessi.

https://t.me/derajemea

Nama Rabbi Sodaatu Rabbiin (S.W) Waa 4 Isaaf Taha !!
•••••••••••••••••••••••••••••••••••••••••••••••••••••••

1: Kharaa furmaataa isaaf godha
2: Amrii isaa isaaf laaffisa
3: Dilii isaa isaaf dhiisa/Maara
4: Sawaaba isaa isaaf guddisa

Namni Waa 4 Dalage isaaniif nageenyi tahaadha isaan warra Qajeelerraahi

1: Nama kennaa argate irratti galata galchu
2: Mokkoramee/Balaa adda addaa itti buutee Obse
3: Nama nama Miidhee Araarama gaafate
4: Nama ofii Miidhamee Dhiifama Namaaf godhee

Namni waa 4 dalage Imaanni isaa guutame

1: Rabbiif jecha jaalachuu
2: Rabbiif jecha jibbuu
3: Rabbiif jecha kennaa kennachuu
4: Rabbiif jecha Dhoowwachuu

Waa 4 Sabachiiftuu/Raggaasiftuu Jannataa ti

1: Nyaata Nyaachisuu
2: Salaamtaa facaasuu
3: Jecha/Haasawa toluu
4: Salaata Halkanii dhaabbachuu

Namni 4 jannata hin seenu

1: Doqna/Doyna
2: Ganaa Namaa / Nama Baaylama diigu
3: Mootii Ummatatti Hamtuu yaadu
4: Nama Horii walitti qabee Haqa isaa irraa hin baafne

Inshaa Allaah Rabbiin Toowfiiqa Nuuf haa khennu
Yaqiina Dhugaa san Rabbiin nuuf haa kennu.

https://t.me/derajemea

SEERA 10 JIREENYA GAARIIDHAAF
••••••••••••••••••••••••••••••••••••

1. Yoomiyyuu nama hin jibbin,onnee tee qulqulleessi.

2. Hin yaaddawin,Rabbitti irkadhu.

3. Jireenya salphaa jiraadhu,jiruun siif salphata fedhii rabbiitiin.

4. Xiqqoo eeggadhu,waanuma argattetti gammadi, Alhamdulillaah jedhi.

5. Hedduu kennitu hedduu argatta,ni badhaafamta fedhii rabbiitiin.

6. Yeroo hundaa seeqadhu,seequun sadaqaadha, namoonni birootis yoo si wajjiin jiran ni gammaduutii.

7. Jaalalaan jiraadhu,namoota birootis rabbiif jecha jaaladhu.

8. Adaduma hedduu salaattuun,hedduu badhaafamta.

9. Beekkumsa kee namaaf qoodi,yoo kan aayata tokkollee qur`aana keessaa kan beektu taate.

10. Yeroo hundaa rabbii kee yaadadhu, waan hafe onneen kee ni barbaddiitii.

JECHA HAYYICHA KEENYA DR ZAAKIR NAAYIKI.

https://t.me/derajemea

Telegram

Jama'aa Dargaggoota Musliima Dheeraa

“Namni waan gaarii irratti nama qajeelche,isaafis mindaa akka isa dalagee argata.” ~[Nabi Muhammad ﷺ] Kun toora telegraama Chaanaala Jama'aa Muslima Magaalaa Dheeraati ይህ የዴራ ሙስሊም ጀመኣ ይፋዊ የቴሌግራም ገፅ ነው comment @deramuslimjemea1\_bot

Namoota Soomana Furuun Irratti Dirqama Tahuu Fi Kan Hayyamamuuf..

Soomana Furuun kan dirqama itti tahu..

👉 Dubartii Heydiin (Xuriin) itti dhufte fi tan dhaltee Nifaasni (dhiigni weyta ilmoo dhalan yaa'u) itti dhufees.. akkasuma nama akkaan dhukkubsatu, kan yoo soomane lubbuun isaa baduun akkaan sodaatamu.. isaan kuni soomana furuun dirqama irratti taha..

👉 Dubartii xuriin itti dhuftees tahee tan Nifaasni itti dhufte yoo somananillee soomni isaa hin qeebalamu.. inumaa ni dilaawanii huu.

Yoo xurii ykn dhiigni Nifaasaa guyyaa Ramadaanaa kheeysa irraa qulqullaawee xaaharatan (fakkeenyaaf walakkaa guyyaa tti).. akka irra heddun ulamaa ja'anitti, guyyaa sun irraa hanga hafe waan nama fursiisu irraa if qabuun irraa barbaachisa.. guyyaa suniis qadaa kafaluun dirqama..

👉 Namoota Furuun Isaaniif Hayyamamu keessa

1) Namni imaltaawaa tahe.. inniniis hanga imaltuu isaa irra jiru soomana furuun isaaf hayyamama..

Namni musaafiraa soomana furuu mo soomanuutu isaaf irra caala..??

Kuni haala namticha imaltaawaa suntu laalama.. furuun rukhsaa waan taateef abbaan laalee haala isaaf laaffatu filachuu ni dandaha..

Imaltuu makiinaan deemuus Airplane naan deemuus.. imaltuun imaltuma..
namni imaltuurratti furees hoggaa biyya isaatti gale qadaa kafaluu qaba..

2) Nama dhukkubsate, dhukkuba soomanaan itti dabaluun ykn fayyaan booda aanuun sodaatamu.. kuniis furuun isaaf hayyamama.. hoggaa fayye qadaa kafaluun isarratti dirqama..

Hubachiisa: dhukkubni tokko tokko kan akka dufkaka lallaafaa, qufaa fi dhukkubbii mataa akka dhukkubaatti hin laalamu.. yoo akkaan namatti hammaate malee..

3) Nama akkan dulloome, dhiiraas tahee dhalaa.. fi

4) Nama dhukkuba irraa fayyuun isaa hin kajeelamne dhukkubsate..

kuni lamaan, somana furanii guyyarraa miskiina tokko ifirraa nyaachisan..
qadaa kafaluun isaanirratti dirqama hin tahu..

5) Dubartiin ilmoo garaa qabduu fi tan luuysiftu (hoosiftu)

Yoo Rakkina mataa isaanii irra dhufuu ykn ilmoo isaanii irra dhufuu sodaatan.. isaaniis ni furan.. sodaan isaa eega dabarteen booda qadaa kafaluun dirqama..

Yoo ilmoorratti sodaatanii kan furan taate furanii.. weyta qadaa kafalan miskiina tokko nyaachisaa soomanan..

Rabbiin dhukkubsataa keenya hunda nuuf haa fayyisu..

Rakkataa keenya rakkina haa furu..

Baatiin Ramadaanaa baatii du'aa'ii keessatti heeddumeeysu qabnu.. du'aa'itti haa jajjabaannu.

By: Abdallaah

https://t.me/derajemea

Telegram

Jama'aa Dargaggoota Musliima Dheeraa

“Namni waan gaarii irratti nama qajeelche,isaafis mindaa akka isa dalagee argata.” ~[Nabi Muhammad ﷺ] Kun toora telegraama Chaanaala Jama'aa Muslima Magaalaa Dheeraati ይህ የዴራ ሙስሊም ጀመኣ ይፋዊ የቴሌግራም ገፅ ነው comment @deramuslimjemea1\_bot

Jaalalaa fi Kabajaa Ergamaan Rabbii ﷺ ilma namaatiif qaban

Anas ibn Maalik (Rabbi iraa haa jaalatuu) akkana jedhe:

“Osoma Ergamaa Rabbii ﷺ wajjiin masjiida keessa tattaa’aa jirru, namichi baadiyaa tokko dhufee masjiida keessatti fincaanuu eegale. Sahaabonni, ‘Dhaabi! DHaabi!’ Jedhanii itti iyyan. Garuu Ergamaan Rabbii ﷺ ‘dhiisaa adda hin kutinaa, haa fixatu’ jedhan. Sahaabonnis haga fixatutti ittuma dhiisan. Itti aansuun Ergamaan Rabbii ﷺ namicha baadiyaa san ofitti waamanii, ‘Masjiida kana keessatti wantoota akka fincaanii fi balfa garagaraa gatuun sirrii miti. Masjiidni Rabbi itti yaadachuuf, salaataa fi qur’aana keessatti qara’uuf akkasumas wantoota ibaadaan wal qabataniif ijaarame’ jedhanii isa gorsan. Kana booda Sahaabaa biraa yaamanii bishaan fidee bakka inni itti fincaane sanitti bishaan akka jigsu itti himan. Sahaabichis waan ajajame san ni raawwate”

Sahiih Muslim, Kitaaba Qulqullinaa, Hadiisa 285

Ergamaan Rabbii ﷺ yeroo namicha baadiyaa dogoggora isaa itti himan san, dubbii jajjabduu fi dallansuu hin dubbanne. Dubbii isa saalafachiisuufi isa gad xiqqeessus itti hin dubbanne. Haala yeroo san ture hunda eega tasgabbeessanii booda, dalagaan inni dalage sun sirrii akka hin taane itti mul’isan. Akkasitti qalbii namicha baadiyaa san qofa osoo hin taane, qalbii namoota kumaatamaan laakkawamu booji’uu danda’an.

Sallallaahu Aleeyhi Wasallam
By: Abdallaah

https://t.me/derajemea

Telegram

Jama'aa Dargaggoota Musliima Dheeraa

“Namni waan gaarii irratti nama qajeelche,isaafis mindaa akka isa dalagee argata.” ~[Nabi Muhammad ﷺ] Kun toora telegraama Chaanaala Jama'aa Muslima Magaalaa Dheeraati ይህ የዴራ ሙስሊም ጀመኣ ይፋዊ የቴሌግራም ገፅ ነው comment @deramuslimjemea1\_bot

*✅ SAGANTAA DA'AWAA*

🌺Assalaamu'aleeykum Warahmatullaahi Wabarakaatuhu

Jalqaba Baga Rabbiin Ji'a Kabajama fi Ulfaataa Ji'a Ramadaanaa Kan Waggaa 1445tin Isin Gahe Jecha Akkuma beekamu jama'aan Dargaggoota Musliima  Dheeraa (JDMDH) Da'awaa Haala fi Qabiyyeen Isaa adda ta'e qopheessaa turuun isaa ni yaadatama.Haaluma kanaan ammas Sagantaa Da'awaa Mata duren #Fadlii_ Ramadaanaa jedhu ilaalchisee Ustaazotaa fi Daa'iiwwan bebbeekkamoo Miidiyaa Islaamaa Irratti beekkaman kanneen akka
  1)Ustaaz. Sh/Muhaammad Hafiizaa
  2)Ustaaz. Sh/Usmaan H/Ahmad
  3)Sh/Musxaafa Huseen

Kanneen fi kan biroo dabalatee Gaafa Guyyaa  07/07/2016 Ganama sa'aatii 2:00tti kan isinii affeere yoo ta'u Nashiidaa haarawaa fi bebbeekkamoo ta'aniin boohartanii beekumsaa gaarii akka irraa argattan abdii guutuu qabna.

IDDOON: GALMA BULCHIINSA AANAA DODDOOTAATI
GUYYAAN:-7/07/2016
YEROON: SA'AATII 2:00tti
https://t.me/derajemea

Telegram

Jama'aa Dargaggoota Musliima Dheeraa

“Namni waan gaarii irratti nama qajeelche,isaafis mindaa akka isa dalagee argata.” ~[Nabi Muhammad ﷺ] Kun toora telegraama Chaanaala Jama'aa Muslima Magaalaa Dheeraati ይህ የዴራ ሙስሊም ጀመኣ ይፋዊ የቴሌግራም ገፅ ነው comment @deramuslimjemea1\_bot

Ramadaana Maal Dalaguutu Kheeyritti Nama Geessa ?
•••••••••••••••••••••••••••••••••••••••••••••••••••••••

Ramadaanni baatii ibaadaan akkaan keessatti qeebalamtuu fii baatii akkaan Rabbi gabbaruun gama Rabbii dhihaatanirraahi.

Ibaadaan Gurguddoon Ramadaana keessa dalagamtu:

1. Shirkii irraa Towbachuu fii Rabbi qofa gabbaruun gama Rabbii dhihaachuu.

2. Salaata shanan Dirqamaa sa'aa isiitti salaatuun qunnamtii Rabbii wajjiin jabeeysuudha. Rabbiin warra waan dirqama irratti godhe dalagu Jaalata.

3. Salaata Sunnaa hunda itti ariifachuun akka aadaa taatee nurratti haftu tattaafachuudha. Sunnaah heddumeeysuun Rabbitti nama dhiheeysa.

Salaata Sunnaah irraa: Sunnaa Salaataa dirqamaa duraa fii boodaa. Subhii dura raka'aa 2, Zuhrii dura 4, Zuhrii Booda 2, Asrii dura 4, Maghriba booda 2, Ishaa'ii booda 2.
Salaata halkanii (taraawii) Amata guutuu halkan hunda Salaata Ishaa'ii booda rak'aa 3, 5, 7, 11, fii sanii ol salaatuun ni dandahama. ta dhumaa rak'aa 1 godhanii cufuudha. Namni rak'aa sadii salaatuu fedhe lama kophaa salaatee eega irraa bahe takkaan fixa. Sadeen walitti dhaabee fixus ni dandaha. Ammoo Ramadaana keessa masjidatti Jam'aan taraawii salaatuun Sunnaadha.

*Salaata Duhaa, salaata zuhrii dura sa'aa 5 fii naannoo sanitti salaatamu. Rak'aa lamaan suni qaama hundarraa sadaqaadha jechuutu jira hadiisaan.

1. Quraana qara'uu fii Zikrii guddisuun Ramadaana keessa haalaan barbaachiisaadha.

Ramadaanni walumaa galatti baatii Quraanaati. Quraana qara'uu, hikkaa isaa irraa baruu fii itti dalaguun lubbuu ifii leenjisuun Ramadaana keessa.

Zikrii hedduutu jira ta Rasuularraa s.a.w odeeyfamte. Husnul Muslim irraa zikrii haffazuu fii aadaa godhachuun ramadaana keessa. Zikrii ganamaa fii galgalaa, Zikrii salaata boodaa, zikrii yeroo hirribaa fii hedduu jira.

1. Ramadaanni baatii sadaqaati. Miskina fira keenyaa, ollaa keenyaa, biyya teenyaa fii kan adunyaa baatiin yaadannu Ramadaana keeysa.

2. Amala badaa gadii galoo nama godhuu yeroon dhiisanii irraa garagalan Ramadaana keeysa. namni guyyaa guutuu beelaan, dheebuun, akkasuma fedhii adda addaa if qabee ole, kan halkan san booda taraawii salaatee manatti galee waan isaa laafe Quraanarraa qara'ee baatii guutuu dabarse lubbuu leenjisuu fii jijjiruun akka tahu dhugumatti hubata. Sijaaraa, Shiishaa, Filimii adda addaa, Muziiqaa, Farshoo, Zinaa, Nama hamatuu, Jazbummaa yeroon dhiisan ramadaana.

Ramadaana leenjii lubbuu, qaamaa, nafsiyyaatiif qophaawuun haalaa fii amala Rasuulaa s.a.w hojirra olchuuf if qopheeysuutu milkii Ramadaanaatiin nama gaha.

Warra Ramadaana keessa milkaawu jechuun warra Ramadaana keessa ibaadaa godhuu fii Towbachuun Rabbitti dhihaatan jechuu malee warra biraatii miti.

Rabbiin warra Ramadaana keessa milkaawu sanirraa nu haa godhu.

https://t.me/derajemea

Telegram

Jama'aa Dargaggoota Musliima Dheeraa

“Namni waan gaarii irratti nama qajeelche,isaafis mindaa akka isa dalagee argata.” ~[Nabi Muhammad ﷺ] Kun toora telegraama Chaanaala Jama'aa Muslima Magaalaa Dheeraati ይህ የዴራ ሙስሊም ጀመኣ ይፋዊ የቴሌግራም ገፅ ነው comment @deramuslimjemea1\_bot

#BreakingNews
RAMADAAN MUBAARAK
Baga ji’a Ramadaanaatiin isin gahe.
Baatii ji’a Ramadaanaa guyyaa har’aa mul’attee waan jirtuuf boru guyyaan Ramadaana 1 ta’a. bifuma Kanaan Ramadaana bara kanaa guyyaa boruu March 11, bara 2024 kan jalqabnu ta’a.
Rabbi warra ji’a kanarraa fayyadamu nu haa taasisu.

እርግጠኛ ሁን!

ከትዕግስት በኋላ የሚጠብቅህ ያሳለፍካቸውን አሳማሚና መራራ ጊዜያትን የሚያስረሳ ምንዳ ነው!
ይህ የማያጠራጥር የጌታዬ ቃል ኪዳን ነው
“ታጋሾችንም አበስራቸው!”

Mirkaneeffadhu!

Obsa booda wanti si eeggatu badhaasa yeroo dhukkubbii fi hadhaa'aa dabarsitee si dagachiisudha!
Kuni waadaa Rabbii kiyyaa kan hin shakkamnedha
"Dhukkubsataaf oduu gammachiisaa kenni!"

👤 Mohammed Teklu

🏠Addis Ababa🏠

🆔 Code #57
Plzzz...ሼር አድርጉልኝ🙏🙏

👍በ ውድድሩ መሳተፍ ለምትፈልጉ👍
                         Join
👇👇👇  
          ╔══━▒๑•ั🌹•ั๑▒━━═╗
@DeraJemea
@DeraJemea
@DeraJemea
          ╚═━━▒๑•ั⭐️•ั๑▒━══
👆 👆👆
ለመላክ @Derajemea99_bot