❗️Шаноўныя Беларусы!
Фонд "Вольная Беларусь" працягвае збор сродкаў на выданне кнігі "Гэй ты, братка Новы годзе" (навагоднія песні з нотамі) - 15 песень Таццяны Грыневіч на вершы беларускіх паэтаў. Для лягчэйшага развучвання гэтых песень будзе прыкладзены QR code для праслухоўвання + караоке + плэй-ліст "З Новым годам" (дзіцячычыя навагоднія і калядныя вершы і песні). Цягам году над зборнікам працавалі Беларусы, якія знаходзяцца ў вымушанай эміграцыі ў розных краінах і тых, хто ў Беларусі пад акупацыяй.  Спадзяёмся кніга стане сапраўднай навагодняй скарбніцай і дапаможа рабіць беларускае свята.

Распаўсюджванне гэтай інфармацыі таксама дапамога!!!

БАНКАЎСКІ ПЕРАВОД

📌АТРЫМАЛЬНІК: FUNDACJA WOLNA BIAŁORUŚ
(лацініцай: FUNDACJA WOLNA BIALORUS)

НУМАРЫ РАХУНКАЎ
📍PLN:  PL75 1140 2004 0000 3402 8329 8472
📍USD:   PL70 1140 2004 0000 3612 1824 8290
📍EUR :  PL80 1140 2004 0000 3812 1824 8303

📌БАНК: mBank
Адрас банка: ul. Prosta 18, 00-850 Warszawa
SWIFT: BREXPLPWMBK

📌НАЗВА ПЕРАВОДУ: DAROWIZNA NA CELE STATUTOWE (Просім пісаць менавіта гэту назву пераводу).

ПЕРАВОД З КАРТКІ АЛЬБО BLIK
Польскі злоты - https://donate.stripe.com/14k4hP6SC4SFgpi5kk
Даляр ЗША (USD) - https://donate.stripe.com/4gwg0x4Kucl75KEeUV
Еўра (EUR) - https://donate.stripe.com/7sI15D0uegBn1uobIK

NIP: 9522236025
REGON: 524 099 665

❗️Зьвяртаем увагу, што перавод з тэрыторыі Беларусі небясьпечны ❗️
Просім устрымацца ад пераводаў з Беларусі.

❗️Шаноўныя Беларусы!
Фонд "Вольная Беларусь" пачынае збор сродкаў на выданне кнігі "Гэй ты, братка Новы годзе" (навагоднія песні з нотамі) - 15 песень Таццяны Грыневіч на вершы беларускіх паэтаў. Для лягчэйшага развучвання гэтых песень будзе прыкладзены QR code для праслухоўвання + караоке + плэй-ліст "З Новым годам" (дзіцячычыя навагоднія і калядныя вершы і песні). Цягам году над зборнікам працавалі Беларусы, якія знаходзяцца ў вымушанай эміграцыі ў розных краінах і тых, хто ў Беларусі пад акупацыяй.  Спадзяёмся кніга стане сапраўднай навагодняй скарбніцай і дапаможа рабіць беларускае свята.

Распаўсюджванне гэтай інфармацыі таксама дапамога!!!

БАНКАЎСКІ ПЕРАВОД

📌АТРЫМАЛЬНІК: FUNDACJA WOLNA BIAŁORUŚ
(лацініцай: FUNDACJA WOLNA BIALORUS)

НУМАРЫ РАХУНКАЎ
📍PLN:  PL75 1140 2004 0000 3402 8329 8472
📍USD:   PL70 1140 2004 0000 3612 1824 8290
📍EUR :  PL80 1140 2004 0000 3812 1824 8303

📌БАНК: mBank
Адрас банка: ul. Prosta 18, 00-850 Warszawa
SWIFT: BREXPLPWMBK

📌НАЗВА ПЕРАВОДУ: DAROWIZNA NA CELE STATUTOWE (Просім пісаць менавіта гэту назву пераводу).

ПЕРАВОД З КАРТКІ АЛЬБО BLIK
Польскі злоты - https://donate.stripe.com/14k4hP6SC4SFgpi5kk
Даляр ЗША (USD) - https://donate.stripe.com/4gwg0x4Kucl75KEeUV
Еўра (EUR) - https://donate.stripe.com/7sI15D0uegBn1uobIK

NIP: 9522236025
REGON: 524 099 665

❗️Зьвяртаем увагу, што перавод з тэрыторыі Беларусі небясьпечны ❗️
Просім устрымацца ад пераводаў з Беларусі.

ЗЯНОН ПАЗЬНЯК: ДЫСКРЫМІНАЦЫЯ БЕЛАРУСАЎ

Узмацнілася дыскрымінацыя беларусаў па ўсёй Эўропе. Дыскрымінуюць тых, што ўцяклі ад лукашысцкай турмы, ад перасьледу па нацыянальнай прыкмеце (генацыд) і за чалавечую прыстойнасьць.

Акрамя ўсіх ранейшых абмежаваньняў, беларусаў у Польшчы перасталі браць на працу ў шмат якія ўстановы. Польскі банк Сантандар (Гішпанія) напрыклад, забараніў беларусам трансакцыі праз Сеціва, ангельцы забараняюць пераклады ангельскіх кніг па-беларуску, у Летуве толькі што прынялі антыбеларускі закон аб пазбаўленьні беларусаў віда на жыхарства і дэпартацыю ў 2-тыднёвы тэрмін, нават калі беларус зьвернецца ў суд.

Толькі што зьявілася рашэньне польскіх уладаў, якога ўвогуле ніхто не чакаў -- рыхтуецца рэарганізацыя ў тэлебачаньні, якая, фактычна, забароніць беларускае тэлебачаньне Белсат. Белсат зьбіраюцца ператварыць у невялікую рэдакцыю ў зборнай тэлекампаніі замежнага вяшчаньня. І гэта, магчыма, яшчэ ня ўсё.

З палітычнага гледзішча, сітуацыя лапідарна зразумелая (акрамя, хіба, як для наіўных эўрапалітыкаў). Адбываюцца адчувальныя і разбуральная дзеяньні Расеі (расейскіх службаў і агентуры) у гібрыднай вайне. Мы бачым, як Эўропа церпіць тут паразу крок за крокам. Дыскрымінацыя беларусаў, ліквідацыя вольнага Белсату, спыненьне перавозак і т. п. -- усё гэта ў пэрыяд вайны у канцовым выпадку ня толькі прыцясьняе беларусаў, але і супярэчыць стратэгічным інтарэсам Польскай дзяржавы. На жаль, як відаць, ня ўсе гэта разумеюць.

7 ліпень 2024 г. Зянон ПАЗЬНЯК

ЗЯНОН ПАЗЬНЯК: ДВА ШЛЯХІ БУДУЧЫНІ БЕЛАРУСІ

Ёсьць важнае пытаньне, пра якое неабходна казаць.

У чым прычына непрыняцьця з боку беларускіх нацыянальна думаючых людзей офісу Франака-Ціханоўскай. Офіс жа таксама выступае за дэмакратычную Беларусь і супраць антынароднай палітыкі Лукашэнкі?

Адказ ляжыць на паверхні. Найперш істотна тое, што палітыка "офіса" заснавана на ілжывай ролі Ціханоўскай пад выглядам "лідаркі" і "выбранай прэзыдэнткі", як славаблудзяць тыя, што прывыклі жыць па ілжы. Яна ня "лідарка" і ня "выбраная прэзыдэнтка". Хлусьня маральна абніжае ўсё (да таго ж ілжа зьяўляецца крыміналам).

Другое -- пагроза існаваньню Беларусі зыходзіць ад Расеі і рэалізуецца праз Лукашэнку як выканаўцу гэтай пагрозы. Ключ да беларускай свабоды схаваны ў Маскве, а не ў Лукашэнкі як блудзіць і кажа офісная кампанія.

І трэцяе. Калі б, напрыклад, гэты офіс пад шырмай прозьвішча Ціханоўскай і пры фінансавай падтрымцы левага Эўразьвязу змог бы ўплываць на фармаваньне ўлады і палітыкі пасьля лукашысцкай Беларусі, то ён зноў будаваў бы дэмакратыю "вместе с Россіей" і зважаючы на Расею. А гэта гроб для Беларускай нацыі. Не адмежаваўшыся ад Расеі, яны прывялі б беларусаў зноў у каланіяльнае расейскае стойла. І зноў усё б паўтарылася -- русіфікацыя, эканамічны шантаж, палітычны ўціск, рэпрэсіі, этнацыд, генацыд і вайна.

Іхняя ацэнка расейскага тэракту ў "Крокусе" пад Масквой і спачуваньне маскоўцам (пры неспачуваньні ўкраінцам) наглядна пацьвердзіла сутнасьць групоўкі офіса, які вырас з прамаскоўскай выбарчай авантуры 2020 года -- Бабарыкі-Цапкалы, з "мудрага Пуціна" і г. д.

Стаўка на офіс Франака-Ціханоўскай і на ўсю тую агентурную групу -- гэта быў бы зноў шлях у расейскі каланіялізм, у русіфікацыю, у "двумоўе", у энэргетычную залежнасьць і палітычную несамастойнасьць. Урэшце -- у новага Лукашэнку, у небясьпеку расейскай агрэсіі і вайны.

Ёсьць іншы шлях -- шлях свабоды, незалежнасьці і самастойнасьці, без расейскага ўмяшаньня і без маскоўска-гэбоўскага ўплыву. Вызначальны код такіх засьцерагаючых нацыю дачыненьняў відавочны і гучыць так: "Расея -- вораг!". "Нічога -- з Расеяй!" Гэта галоўнае, што трэба цяпер ўсьвядоміць беларусам, каб забясьпечыць і зьберагчы сваю нацыянальную будучыню і існаваньне незалежнай вольнай дзяржавы.

На пазыцыі вольнай, дэмакратычнай, незалежнай Беларусі з усьведамленьнем пагрозы ад варожай Расеі стаіць, перш за ўсё, -- Нацыянальна-Вызвольны рух "Вольная Беларусь", беларускія ваяры, што ваююць супраць маскоўскага агрэсара ва Украіне, Рада БНР і ўсе беларускія нацыянальныя адраджэнцы і адраджэнскія арганізацыі.

Нагадаю, што "Адраджэньне" -- гэта беларуская нацыянальна-вызвольная ідэалёгія, гэта Нацыянальная ідэя, якая ад пачатку ХХ стагоддзя прывяла да стварэньня незалежнай беларускай дзяржавы. Вольная будучыня Беларусі і вольная дэмакратычная будучыня нацыі магчыма толькі з апорай на ідэі нацыянальнага Адраджэньня і на людзей, што іх нясуць у барацьбе, душы і сэрцы.

7 ліпень 2024 г. Зянон ПАЗЬНЯК

ЗЯНОН ПАЗЬНЯК: ГАНЕБНЫЯ ВЫБАРЫ, ПАРАЗА НАЦЫІ

Цяпер рэжымны афіцыёз, дэм-агентура, "экспэрты" ўсіх масьцяў (якія тады яшчэ нават не нарадзіліся) "аналізуюць " фатальныя выбары 1994 года.

Калі абстрагавацца ад прапагандыстаў і агентуры, то складваецца ўражаньне, што гэтае пакаленьне мала (альбо нічога) не зразумела з таго што тады адбылося.

Выбары былі дрэнныя. Яны прынізілі, асьмяшылі беларусаў перад усім сьветам, які гатовы баў успрымаць нас сур'ёзна.

Дрэнны вынік вабараў 1994 года быў забясьпечаны моцным ўплывам Расеі і яе ФСБ на старую камуністычную ўладу і на саветызаваны электарат Беларусі праз існуючую тады абсалютную сістэму гэбізаванага кіраўніцтва і залежнай інфармацыі, якая цалкам заставалася ў руках камуністычнай намэнклятуры. Плюс фальсіфікацыя галасоў супраць асноўнага апанэнта Масквы (З. Пазьняк, БНФ).

Мэтодыка Масквы на выбарах абапіралася адначасна на двух агентаў -- на Лукашэнку ("Валет") і на штатнага афіцэра КГБ -- прэм'ер-міністра Вячаслава Кебіча (агентурная клічка невядамая). Задача тандэма -- не дапусьціць да ўлады кіраўніка БНФ Пазьняка. (Пра што пазьней Кебіч публічна засьведчыў).

Пры ўсім напоры гэты план даў збой: у 2-гі тур прайшоў Пазьняк і Лукашэнка. Гэта абазначала б паразу Лукашэнкі ў 2-м туры (ён ня меў праграмы, ценявога ўраду і траціў галоўны папулісцкі козыр -- "антыкебіч").

Таму ўладамі была ўжытая фальсіфікацыя (зафіксаваная намі). Былі забраныя галасы ад Пазьняка, які рэальна набраў больш за 22% (пакінулі 12%) і далучаны да галасоў за Кебіча (забясьпечыўшы яму 2-е месца), які рэальна ішоў чацьвертым (пасьля Шушкевіча).

Фальсіфікацыя была зафіксавана шмат дзе, прытым некаторыя назіральнікі БНФ не разумелі мэтадаў, як яна дасягаецца. Захавалася, напрыклад, раскладка галасоў (у маім архіве) па ўсіх участках горада Менска. Амаль паўсюдна (прытым адлюстравана ў падліках і пратаколах) на першым месцы быў Пазьняк. Але потым, калі былі аб'яўленыя вынікі выбараў, -- аказалася, што на першым месцы па Менску Лукашэнка і Кебіч. Нашыя назіральнікі тады яшчэ не сутыкаліся з практыкай улады, калі пратаколы галасаваньня проста перапісваліся ў адміністрацыі.

У 2000 годзе ў Вільні я меў спатканьне з двумя настаўніцамі зь Мядзела, якія былі тады ў выбарчых камісіях. Яны шчыра расказалі мне як адбывалася фальсіфікацыя ў Мядзелі і як яны самы ў ёй удзельнічалі (клалі бюлетэні ня ў тыя стосы, перапісвалі пратаколы). І ўсюды важна было (адна задача) не пусьціць Пазьняка.

Пазьней прапаганда ўзмоцнена паўтарала, што ў 1994 годзе адбыліся дэмакратычныя выбары. Гэта, аднак, былі гнюсна сфальшаваныя выбары па адной пазыцыі, пра што потым (у сваім жыцьцяпісе) у якасьці афёрнага пераможцы цынічна прызнаўся Кебіч.

РЭЗЮМЭ: Вабары 1994 года былі самымі ганебнымі ў гісторыі Беларусі. Гэта былі выбары, якія на два пакаленьні вызначылі духоўную стагнацыю грамадзтва, страту гонару, русіфікацыю, залежнасьць ад Масквы і адмаўленьне ад свабоды. Гэта было сьведчаньне, калі нацыя, здабыўшы незалежнасьць, і маючы кандыдата незалежнасьці, свабоды, нацыянальнай пэрспэктывы і дэмакратыі, -- прагаласавала за рэнегата, беларусафоба, ненавісьніка незалежнасьці, шарлатана і псіхапата. (І, увага, некаторыя не зразумелі паразы нацыі ў 1994 годзе да сёньняшняга дня.)

10 ліпень 2024 год. З павагай Зянон Пазьняк

Ларыса Геніюш. Хрыстос уваскрос!

Хрыстос уваскрос!
і свет прачнуўся
вясной на голлечку бяроз.
Ударыў звон на Беларусі:
Хрыстос уваскрос!
Хрыстос уваскрос!
Хрыстос уваскрос з крыві і болю,
каб светач праўды не пагас.
Васкрос Ён для крывіцкіх сёлаў,
васкрос Ён, брацці, і для нас.
Так будзем помніць мы ў кайданах,
падняўшы сэрцы ўгару,
што так, як Бог ускрыжаваны,
уваскрэсне наша Беларусь!

1954