Toshkent viloyati Chinoz tumani hokimi
QARORI

2024-yil 18-sentabr
Chinoz tumani hokimligi

Oltinchi chaqiriq xalq deputatlari Chinoz tumani Kengashining navbatdagi to‘qson to‘rtinchi sessiyasini chaqirish to‘g‘risida

O‘zbekiston Respublikasi “Mahalliy davlat hokimiyati to‘g‘risida”gi Qonunning 17-moddasiga muvofiq

QAROR QILAMAN:

1. Oltinchi chaqiriq xalq deputatlari Chinoz tumani Kengashining  navbatdagi to‘qson to‘rtinchi sessiyasi 2024-yil 26-sentabr (payshanba) kuni soat  15:00 da ZOOM platformasi orqali masofaviy (onlayn) tarzda chaqirilsin.

2. Xalq deputatlari Chinoz tumani Kengashining to‘qson to‘rtinchi sessiyasi kun tartibiga quyidagi masalalar kiritilsin:

- Chinoz tumanida “Yoshlar va biznesni qo‘llab-quvvatlash yili” davlat dasturi ijrosi hamda yoshlar muammolarining hal etilishiga ko‘maklashish, yosh avlodning  iste’dodi va qobiliyatlarini rivojlantirish bo‘yicha qo‘shimcha sharoitlar yaratish borasida 2024- yilning 3-choragida amalga oshirilgan ishlar to‘g‘risida;

- O‘zbekiston Respublikasi Vazirlar Mahkamasining 2024-yil 19-iyuldagi “2024-2025-yillarda Toshkent viloyatining Chinoz tumanini ijtimoiy-iqtisodiy rivojlantirish va aholining yashash sharoitlarini yanada yaxshilash chora-tadbirlari to‘g‘risida”gi 435/25-sonli qarori ijrosi to‘g‘risida;

- Chinoz tumanida tashqi mehnat migratsiyasi sohasida amalga oshirilayotgan ishlar yuzasidan tuman hokimining hisoboti to‘g‘risida;- O‘zbekiston Respublikasi Prezidenti Sh.M.Mirziyoyevning 2024-yil 14-mart kuni Sayxunobod tumaniga tashrifi davomida o‘tkazilgan videoselektor yig‘ilishida mahallabay ishlash, tomorqa va uy xo‘jaliklaridagi imkoniyatlarni to‘liq ishga solish orqali aholi daromadlarini oshirish chora- tadbirlari to‘g‘risida belgilab berilgan qator vazifalarning Chinoz tumanidagi ijrosi to‘g‘risida;

- Chinoz tumanida yangi ish o‘rinlarini yaratish va aholi bandligini ta’minlash borasida joriy yilning yanvar-sentabr oylarida amalga oshirilgan ishlar to‘g‘risida;

- Chinoz tumanida 2024-yilda investitsiyalarni o‘zlashtirish, eksport va mahalliy sanoat bo‘yicha prognoz ko‘rsatkichlarining bajarilishi hamda jalb qilingan investitsiyalarning samaradorligini ta’minlash, loyihalarni o‘z vaqtida amalga oshirish, ishlab chiqarish quvvatlarini to‘liq va sifatli ishga tushirish borasida joriy yilning 3-choragida amalga oshirilgan ishlar to‘g‘risida;

- O‘zbekiston Respublikasi Prezidentining 2022-yil 2-avgustdagi PQ-341-son hamda 2023-yil 24-oktabrdagi PQ-343-son qarorlarining ijrosi yuzasidan Chinoz tumanida aholining ichimlik suvi va oqova suv bilan ta’minlash darajasini oshirish bo‘yicha amalga oshirilayotgan ishlar to‘g‘risida;

- Chinoz tumani Ichki ishlar bo‘limi boshlig‘ining huquqbuzarliklarni oldini olish va ularning profilaktikasi holati to‘g‘risida, shuningdek jamoat xavfsizligi haqida 2024-yilning 3-choragi davomida amalga oshirilgan ishlar to‘g‘risidagi hisoboti haqida;

- boshqa masalalar

@chinoz_hayoti_gazetasi

Toshkent viloyati Chinoz tumani hokimi
QARORI
2024-yil 4-sentabr
Chinoz tumani hokimligi

Oltinchi chaqiriq xalq deputatlari Chinoz tumani Kengashining navbatdagi to‘qson uchinchi sessiyasini chaqirish to‘g‘risida

O‘zbekiston Respublikasi “Mahalliy davlat hokimiyati to‘g‘risida”gi Qonunning 17-moddasiga muvofiq

Q A R O R   Q I L A M A N:

1. Oltinchi chaqiriq xalq deputatlari Chinoz tumani Kengashining navbatdagi to‘qson ikkinchi sessiyasi 2024-yil 11-sentabr (chorshanba) kuni soat 11:00 da Chinoz tumani hokimligi katta majlislar zaliga chaqirilsin
2. Xalq deputatlari Chinoz tumani Kengashining to‘qson uchinchi sessiyasi kun tartibiga quyidagi masalalar kiritilsin:

- Chinoz tumanida qishloq xo‘jaligiga mo‘ljallangan yerlardan foydalanish holatini o‘rganish natijalari to‘g‘risida;

- Chinoz tumanida 2024-yil ikinchi mavsum tashabbusli byudjet jarayonida “Ochiq byudjet” axborot portali orqali jamoatchilik fikri asosida eng ko‘p ovoz to‘plab g‘olib bo‘lgan takliflarga “Fuqarolar tashabbusi jamg‘armasi”dan mablag‘lar ajratish to‘g‘risida;

- Chinoz tumanida joriy yilning 1-yarim yilligi natijalari, jumladan davlat byudjeti, shuningdek tuman mahalliy byudjetiga belgilangan prognoz ko‘rsatkichlarining ijrosi hamda 2-yarim yillik uchun belgilangan vazifalar yuzasidan tuman Soliq inspeksiyasi boshlig‘i T.Axmedovning murojaati to‘g‘risida;

- boshqa masalalar.

@chinoz_hayoti_gazetasi